Strandvikjo

27/11/2025

UTSPYLING Laurdag 29.11.2025 fra kl 09.00 til ca kl 16.00 blir det utspyling av Vassledningane i Strandvik og Vinnes. Ikkje bruk vatn mellom kl 09.00 og 16.00 Det er og lurt å stenge stoppekran inn til huset i dette tidspunktet. Ved spørsmål kontakt styret på tlf 90839144 eller [email protected]

16/11/2025

Tysdag 18. november kl. 19:00 er det tid for den siste "Open kyrkje" i Strandvik i 2025. Blandakoret «Sine Nomine» vil framføre eit program med variert kormusikk. Repertoaret spenner frå musikk av Johannes Brahms til musikk av nolevande komponistar som t.d. James MacMillan. Koret er også innom pop- og gospelmusikkgenren.
Mellom korsongane spelar dirigent Iman de Zwarte eit utval «Fantasistykker» av Hans-Günther Heumann på piano.

Elles kan ein som vanleg setje seg ned ein heil time eller berre eit par minutt. Her kan ein tenne eit lys i lysgloben, eller sitja stille i ein benk, la tankane vandre og la musikken strøyme innover seg.

Fusa sokneråd og Strandvik KU innbyr til å ta ein tur innom kyrkja, uansett grunn, når du går forbi på din kveldstur.

28/10/2025

14/10/2025

Kom og bli med oss til India😊 Den 19.10. kl. 19 viser vi den indiske filmen “All we imagine as light” i Strandvik grendahus. Filmen vann Grand Prix i Cannes. Hovudpersonane er to sjukepleiarar som bur saman. Prabha er eldst, mannen hennar bur i Tyskland, det er lenge sidan ho har høyrt frå han. Anu er yngre, ho har ein affære med ein muslimsk mann; det skal ikkje ei hinduistisk kvinne ha.

Regissøren Payal Kapadia kjem frå Mumbai. Handlinga går føre seg i denne travle storbyen på vestkysten av India. Livssituasjonen til dei to damene er ulik. Filmen handlar på den eine sida om familieband og om å gjere plikta si og på den andre sida om fridom og om å kunne gjere personlege val.

Vega Scene skriv om filmen: Bruken av lys, både som metafor og som estetisk og formmessig virkemiddel, løfter filmen til noe helt unikt, og setter medfølelse og kvinnesolidaritet i sentrum.

Info om medlemsskap på heimesida vår, Strandvik filmklubb. Som vanleg har vi ein liten kiosk og ei sosial stund før filmen, så møt gjerne i god tid. Alle er hjarteleg velkomne!

27/09/2025

Sundag 28.9. kl. 19 viser vi «Boy From Heaven» i Strandvik grendahus. Filmen er frå 2022 og var Sveriges Oscar-bidrag. Filmen vann òg prisen for beste manus i Cannes. Den svenske regissøren Tarik Saleh er ein allsidig fyr. Han byrja karrieren som graffitikunstnar. Han har regissert musikkvideoar. Han har vore programleiar i SVT.

Handlinga i «Boy from Heaven» går føre seg i Kairo. Hovudpersonen Adam kjem frå enkle kår, han er son til ein fiskar, men har fått plass på det prestisjefylte Al-Azharuniversitetet. Storimamen ved universitetet døyr. Det må veljast ny leiar. Adam vert ufrivillig rekruttert av den egyptiske tryggingstenesta og vert dregen inn i eit religiøst og politisk maktspel. Dette er risikabelt. Filmen er spennande.

Handlinga utspeler seg som ein slags spionfilm, skriv NRK/ Filmpolitiet. Palestinaren Tawfeek Barhom har hovudrolla som uskuldige Adam. Libanesisk-svenske Fares Fares er den utkropne etterretningsoffiseren Ibrahim frå tryggingstenesta. Begge haustar lovord hos kritikarane.

Møt i god tid for registrering og litt sosialt i den enkle kafeen vår. Velkomen!

13/09/2025

Tysdag 16. september er det igjen tid for "Open kyrkje" i Strandvik. Holmefjord Musikklag står for musikkprogrammet. Dei har satt saman eit avvekslande program med både kjente og kjære melodiar og denne gongen også eit møte med ein musikalsk katt.

Som stort sett alltid på den tredje tysdag i månaden vil kyrkja vere open frå kl. 19 til 20. Her kan ein setje seg ned ein heil time eller berre eit par minutt. Her kan ein tenne eit lys i lysgloben, eller sitja stille i ein benk, la tankane vandre og la musikken strøyme innover seg.

Fusa sokneråd og Strandvik KU vonar at initiativet vert teke godt imot og inviterer til å ta ein tur innom kyrkja når du går forbi på din kveldstur.

27/07/2025

Vannlekasjen i Strandvik er no reparert. SOVV

27/07/2025

Me har starta arbeidet med å reparere vannlekasjen i Strandvik. Me håpar at me får reparert den i løpet av dagen. Vatnet er vekke i Vik og på Leigland. Det er vannkran ved Kyrkja og i parken for dei som ikkje har vatn. Strandvik og Vinnes vassverk

27/07/2025

Det er eit stort Vannledningsbrudd I Strandvik ved det gamle ungdomshuset. Me jobber med å få det reparert. Vatnet blir stengt mot Vik fram til skaden er fikset. SOVV