Strandvikjo

05/03/2026

28/02/2026

Laurdag 7. mars kl 18 inviterer vi til konseptet FILM og MAT i Strandvik grendahus. Kombinasjonen film og mat har fleire filmklubbar positive erfaringar med. Fyrst ser vi film, så blir det mat: smakfull Biryani laga av gode frivillige!

Påmelding innan 2. mars ved betaling på Vipps til 90107013 (Byrkjeland. Innbetaling tel som påmelding). Kr 50,- for medlem, kr 180,- for deg som ikkje er medlem = prøvemedlemskap + mat.

Om du trudde matpakka var ein institusjon i Noreg, så kan du ta deg ein tur til Mumbai: Dabbawallahs, lunsjbod, fraktar hundretusenvis av lunsjboksar mellom heim og arbeidsplass kvar dag, og systemet er rekna som eit av dei mest velfungerande og treffsikre i verda. Matematikarar har rekna ut at sjansen for feil er mindre enn éin per seks millionar leveransar. Men ein sjeldan gong må noko likevel gå gale….

Den indiske filmen The Lunchbox er ei søt og hyggeleg historie om eit uventa forhold mellom ein enkemann og ei frustrert frue. Handlinga går føre seg i Mumbai, og miljøskildringa er forfriskande annleis. Ein snodig og lun feelgoodfilm.

Meir info på heimesida vår. Ver velkomen (men hugs førehandsbetaling/påmelding) og møt gjerne i litt god tid!

26/02/2026

Alltid kjekt med en marknad i bygden, enda kjekkere når flere bidrar 🤩👏🏼 kom på planleggingsmøte førstkommende onsdag!

20/02/2026

Black Dog (2024) https://www.filmaffinity.com/es/film314801.html

16/02/2026

Tysdag 17. februar innbyr Fusa sokneråd og Strandvik Kyrkjeutval igjen til "Open kyrkje". Kyrkja vil vere open frå kl. 19:00 til 20:00 for alle som vil tenne eit lys eller berre sitja stille og ta imot ord lese av Ingvar Nistad og tonar spela av Iman de Zwarte.

Ingvar Nistad har etter kvart fleire bøker og publikasjonar i diverse tidsskrift på samvitet. Under «Open kyrkje» vil han lese eit utval frå desse der alle dikt har «far» som tema. Desse vert lese omkransa av orgelmusikk av Johann Sebastian Bach og i avveksling med musikk av Johann Pachelbel.

Fusa sokneråd og Strandvik KU vonar at initiativet vert teke godt imot og inviterer til å ta ein tur innom kyrkja når du går forbi på din kveldstur.

12/02/2026

Hugs bygdamøtet i kveld kl. 18:00!

05/02/2026

📣 Viktig informasjonsmøte i Strandvik!

Torsdag 12. februar kl. 18:00 inviterer bygdautvalet til informasjonsmøte i Strandvik Grendahus om kommuneplanens arealdel (KPA) og synfaringa bygdautvalet har hatt i bygdo saman med planavdelinga.

Dette arbeidet er avgjerande for korleis bygdo skal utvikla seg dei neste 15 åra! 🏡🌱

🗓 Frist for innspel til kommunen er 15. februar
👉 Spre ordet vidare
👉 Møt opp og bli orientert

Vel møtt til eit viktig møte!

31/01/2026

Den 1.2. kl. 19 viser vi Orions belte i Strandvik grendahus.

Orions belte fekk fire prisar då Amandaprisen (for første gong) vart delt ut i 1985. Filmen er altså 40 år gammal, Helge Jordal, Sverre Anker Ousdal, Kjersti Holmen og Jon Eikemo var enno forholdsvis unge skodespelarar.

Tre nordmenn om bord i frakteskuta Sandy Hook tek meir eller mindre lovlege oppdrag langs kysten av Svalbard; dei oppdagar heilt tilfeldig ein sovjetisk lyttestasjon i ei fjellhole. Slik er opptakten. Det er ein action-thriller. Det vert både spennande og dramatisk. Sovjetrussarane går hardt til verks. Naturen er fascinerande!

Filmen er basert på ein roman Jon Michelet gav ut i 1977. Orions Belte vert rekna for å vera ein av dei beste norske filmane frå 1980-talet.

Både gamle og nye medlemmar er velkomne! Medlemsinfo på heimesida vår. Vi har ein liten kafé i forkant av filmen, så møt gjerne i god tid før kl. 19!

20/01/2026

Tysdag 20. januar er det tid for den fyrste «Open kyrkje» i Strandvik i 2026. «Open kyrkje» er eit tilbod for dei som vil bruke Strandvik kyrkje oftare, men også for dei som vil bruke kyrkja på andre måtar enn når det er vanleg gudsteneste.

På desse kveldane vil kyrkja vere open frå kl. 19:00 til 20:00. Her kan ein setje seg ned ein heil time eller berre eit par minutt. Her kan ein tenne eit lys i lysgloben eller berre sitja stille og la tankane vandre.

Kantor Iman de Zwarte vil spele orgelmusikk som høver til kyrkjeårstida me er inne i no: openberringstida. Den klassiske salmen for denne perioden, «Ei morgonstjerne klår og fin», er gjennomgangstema for musikkprogrammet.

Fusa sokneråd og Strandvik KU vonar at initiativet vert teke godt imot av bygdefolket og inviterer til å ta ein tur innom kyrkja når du går forbi på din kveldstur.