Hesthagen har gjeve ut fleire bøker som omhandlar fiske og fiskekultivering her i Gudbrandsdalen, og siste boka kom ut nå i november. Trygve Hesthagen har nettopp skrive boka «Fiske i Jotunheimen, frå matauk til hobby i Vågå». Boka er skrive saman med kollega Einar Kleiven som sjølv er frå Vågå. Trygve er fødd oppvasksen i Garmo i Lom, og har tidlegare gjeve ut bok om fisking og fiskekultivering i
Skjåk (2001) og om sleofisking i Oppland (2011). Hesthagen arbeider som forskar ved Norsk Institutt for naturforskning i Trondheim. Den nye boka er ei bygdebok om fisk i Vågå breidaste forstand, frå fisk i førhistorisk tid, når det vart sett ut fisk i ymse vatn, grannar i strid om fisken, ymse fiskereiskap, bygsling av fiskevatn, produksjonsgrunnlaget, utbreiing av ymse fiskeslag, forvalting og fiskekultivering, båtbyggjarar og korleis det står til med fisken i rundt 40 vatn og tjønne i Vågåfjellet.
