06/06/2026
"အမေရိကန်နိုင်ငံသားခံယူခွင့် (US Citizenship) နှင့် Green Card လျှောက်ထားသူများအတွက် သတင်းကောင်း"
သမ္မတ Trump အစိုးရလက်ထက်တွင် မြန်မာနိုင်ငံအပါအဝင် လုံခြုံရေးအရ စိုးရိမ်ရသော နိုင်ငံ ၃၉ နိုင်ငံမှ လာသူများ၏ Green Card နှင့် Citizenship လျှောက်လွှာများကို ဆိုင်းငံ့ထားခဲ့သော်လည်း၊ ယခုအခါ အမေရိကန်တရားရုံးက ထိုလုပ်ဆောင်ချက်သည် ဥပဒေနှင့်မညီကြောင်း ဆုံးဖြတ်ခဲ့သည်။
တရားရုံးက USCIS အား ထိုနိုင်ငံ ၃၉ နိုင်ငံမှ လူများ၏ USCIS အကျိုးခံစားခွင့် (immigration benefits) လျှောက်လွှာများကို ယခင်လုပ်ထုံးလုပ်နည်းအတိုင်း ပြန်လည်ဆောင်ရွက်ပေးရန် ညွှန်ကြားထားသည်။
Citizenship လျှောက်ထားပြီး Certificate လက်ခံရယူရန် ချိန်းဆိုမှု (appointment) ရရှိထားသော်လည်း နောက်ပိုင်းတွင် ပယ်ဖျက်ခံခဲ့ရသူများသည် မကြာမီ ပြန်လည်ချိန်းဆိုမှု ရရှိနိုင်ဖွယ်ရှိသည်။ ထို့အပြင် အင်တာဗျူးချိန်းဆိုမှုများ ပယ်ဖျက်ခံထားရသူများလည်း ပြန်လည်ချိန်းဆိုမှုများ ရရှိလာနိုင်မည်ဖြစ်သည်။ Green Card လျှောက်ထားသူများ၏ အမှုများကိုလည်း ယခင်ကဲ့သို့ ဆက်လက်စစ်ဆေးဆောင်ရွက်ပေးသွားမည် ဖြစ်သည်။
သမ္မတ Trump က ထိုသို့ တင်းကျပ်သော မူဝါဒကို ချမှတ်ခဲ့ရသည့် အကြောင်းရင်းမှာ အိမ်ဖြူတော် (White House) အနီးတွင် အာဖဂန်နစ္စတန်နိုင်ငံသားတစ်ဦးက US National Guard အဖွဲ့ဝင်များကို ပစ်ခတ်ခဲ့သည့် ဖြစ်ရပ်အပြီး လုံခြုံရေးစိုးရိမ်မှုများကြောင့် ဖြစ်သည်။
“လူတစ်ယောက်၏ အမှားကြောင့် လူအများကို ထိခိုက်စေခဲ့သလို ဖြစ်သွားသည်” ဟု ဆိုနိုင်ပါသည်။
