Det Norske Samlaget

Hjem
Norge
Oslo
Det Norske Samlaget

Vi har gitt ut kvalitetslitteratur på nynorsk i over 150 år. Samlaget er eit kulturforlag som i over 150 år har fremja nynorsk språk og litteratur.

Engasjerte forfattarar og tilsette i forlaget bidreg til eit stort mangfald av utgivingar av høg kvalitet. Barn og ungdom er ei viktig målgruppe for forlaget.

26/05/2026

Leif Høghaug får Bokhandelens forfattarstipend på 60 000 kroner! ✍🏼

I grunngjevinga står det: «Høghaug har gjennom et omfattende forfatterskap markert seg som en nyskapende stemme, særlig med sin utforsking av språk og dialekt i litteraturen. I fjor utga han langdiktet Jonas Gahr Støre.

Juryen fremhever hans arbeid med å «tøye og strekke språket», og peker på hans rolle i å fornye norsk litteratur ved å gjøre dialekt til skriftspråk. Hans arbeid beskrives som en kompromissløs utforsking av det litterære språkets grenseområder.»

Stipendet blir delt ut under Litteraturfestivalen på Lillehammer neste veke.

Gratulerer, Leif! 🥰

23/05/2026

«Kan du skrive ned dei bøkene du tilrådde?»

For eit par veker sidan sat me til bords med Selby Wynn Schwartz. Ho har skrive fantastiske ETTER SAPFO, som Oda Malmin no har omsett til norsk. Idet me sette oss ned for å ete middag etter eit fullstappa bokbad på Deichman Bjørvika, begynte Selby å ramse opp nokre «lifechanging books». Heile middagen sat eg og tenkte på at eg måtte hugse å spørje om ho kunne gjenta lista, for eg hadde ikkje lese nokon av dei. «Sjølvsagt! Eg har ein lapp i veska», svarte ho, og så skreiv ho dei ned. Den lappen kan me jo ikkje halde for oss sjølve!

Kanskje det er fleire som vil vera med på lesing av desse potensielt livsendrande bøkene? 📚

21/05/2026

Endeleg er Sigmund Løvåsens FLAUMEN her! 🌊

Finn og faren bur i eit hus på ein campingplass like ved elvebreidda i bygda. Ein dag får Finn beskjed om at skulen kjem til å vere stengd dei neste dagane fordi eit ekstremvêr og ein storflaum er på veg. Finn bekymrar seg for om faren kjem til å klare å redde campingplassen frå dei store vassmassane. Vil dei i det heile tatt ha eit hus og ein jobb å vende tilbake til når flaumen er forbi?

Finn og den snartenkte kameraten Jon held seg ikkje i ro innomhus sjølv om skulen er stengd. Dei bestemmer seg for å hjelpe til med flaumarbeidet, heilt på sin eigen måte. Redningsaksjonen Operasjon Olga blir starta. Med på laget får dei Vanja, den raskaste og sterkaste jenta i bygda. Men duren frå elva blir stadig sterkare, og med eitt er flaumen der. Vil planen deira fungere?

Boka er illustrert av Kristoffer Kjølberg.

12/05/2026

It’s showtime! Arne Henning Årskaug les frå GRELL KABARET (kvar er kabaretemojien???) 🫨

I Grell kabaret blir du teken med gjennom 43 tekstlege kabaretnummer. Her er det rikelege mengder med likesæl lauslivnad, manglande aspirasjonar, sprelsk antidanning og annan fåfengd trass mot vaksenlivets gnagande stillstand.

Grell kabaret er ei fargesprakande, særeiga og språksterk festframsyning om handteringa av eit kjærleiksbrot. Eller kanskje helst fråværet av ei handtering, der lesaren i staden følgjer den rangsøvde og motvillig feststemde hovudpersonen sine vågale og gagnlause forsøk på å skaffe seg nye relasjonar og fellesskap. Det blir framført både ekstase og vemod, absurd leik og vill fortviling. Kom og sjå. Kom og sjå ❤️‍🩹

07/05/2026

ATTRÅ. EROTISKE FANTASIAR er ute i dag! ❤️‍🔥

06/05/2026

Eit godt råd frå Selby Wynn Schwartz 🥰

Forfattaren av Bookerpris-nominerte Etter Sapfo er på noregsturné for å feire den norske utgåva denne veka. Tysdag snakka ho med Janne Stigen Drangsholt framfor ein fullsett sal på Deichman Bjørvika.

Etter Sapfo tar oss med på ei reise der vi utforskar kvinneleg fridom, kunst og kjærleik. Som ein leietråd, både for kvinnene vi møter og for oss lesarane, går fragment av poesien til Sapfo, den store lyrikaren frå det antikke Hellas.

Fortald gjennom eit kor av ulike stemmer er romanen ei gledefylt nytolking av livet til fleire framståande feministar, kunstnarar og forfattarar frå førre hundreårskiftet. Lina Poletti, Virginia Woolf, Sarah Bernhardt, Colette, Gertrude Stein og Josephine Baker er blant dei mange kvinnene som deler sidene i denne romanen. Dei kjempar for kontroll over eige liv, for frigjering og rettferd – eit eige rom.

Romanen er ein hyllest til, ei påminning om og ei lovprising av det skapande rommet. Heftig, lysande, frodig og poetisk, rasande og morosam. Selby Wynn Schwartz har skapt ei forteljing som hyller fortidas kvinnelege pionerar og kunsten deira – og som gir håp for både samtida og framtida vår.

Boka er omsett av Oda Malmin.

05/05/2026

Alf Kjetil Walgermo trur Noreg kan vinne VM i sommar. Det har han skrive dikt om.

Dette skriv VG i intervjuet deira med forfattaren i dag:

«Journalisten og forfatteren er ikke den første som mener at fotball er poesi. Han er heller ikke den eneste som har gjendiktet en fotballkamp i verseform.

Faktisk følger Walgermos nye bok om «offside» og «hands» seg inn i en tradisjon like gammel som det norske skriftspråket.

Når han hyller far og sønn Sørloth, dyrker Bratseth og kaller Antonio Nusa «Guds representant på Norges venstrekant», skriver han moderne fotballhistorie inn i norrøn visjonsdiktning.

Haaland møter Håvamål.»

«Krysset er alltid ledig: Norge kan vinne VM – og andre dikt» kan tingast alt no, med personleg signatur, hjå Norli! ⚽️

(Foto: privat)

24/04/2026

Therese Garshol får Nynorsk barnelitteraturpris 2025 for ungdomsboka Skarpe kantar! 😍

– I eit solid år for nynorske barne- og ungdomsbøker, er Skarpe kantar ein velfortent vinnar, skriv juryen i grunngjevinga.

Vidare skriv dei: «Korleis skal ein eigentleg omsetje det engelske omgrepet «suspense»? Spenning? Nei, det dekker ikkje alle nyansane, det er litt for flatt. Thriller er ikkje taktilt nok, «suspense» er noko ein skal kjenna. «Urovekkjande», eller berre «uro», er gjerne det som kjem nærast. Therese Garshol si bok Skarpe kantar er nettopp det: urovekkjande, full av uro, frå første til siste side.
Juryen set pris på bakgrunnsramma i denne ungdomsromanen. Boka er plassert i eit småbymiljø der hockeysporten pregar alt. Det kunne vore mange stader, men staden Therese Garshol har dikta opp kjennest truverdig. Me ser han for oss. Me ser for oss skulen, me ser for oss ishallen, me ser for oss dei skarpe skøytene.
Boka er skriven i korte kapittel som gir eit høgt lesetempo. Vekslingane mellom ulike forteljarvinklar og hoppa i tidslinja er dyktig utførte. Forfattaren tek lesaren med i avhøyrsrommet, eit grep som får tankane tilbake til klassikarar som I am the Cheese av Robert Cornier. Skal hovudkarakteren bli lurt, eller manipulert? Boka har mange brå vendingar på lur. Forfattaren får oss til å stå last og brast med hovudkarakteren, 17 år gamle Maya, men er Maya eigentleg til å stole på?

Garshol skriv bøker som vil få unge til å setje pris på både «urovekkjande» bøker og klår nynorsk, og me trur til og med dei vil gløyme at dei les på nynorsk. For dette er aller mest svært spennande litteratur.»

Prisen er på 55 000 kroner og blei delt ut under årsmøtet til Mållaget på Gardermoen i dag.

Med dette har Therese vunne prisar for kvar av dei tre ungdomsromanane ho har skrive. Det er neimen ikkje verst!

Gratulerer så mykje, Therese ❤️

23/04/2026

Til lykke med verdas bokdag! Kva les de i dag? 📚💗

20/04/2026

Høyr om omsetjar Oda Malmins første møte med Etter Sapfo 🥹

«Kva vi ville ha? Til å begynne med det halve befolkninga hadde fått berre ved å bli født.»

Etter Sapfo tar oss med på ei reise der vi utforskar kvinneleg fridom, kunst og kjærleik. Som ein leietråd, både for kvinnene vi møter og for oss lesarane, går fragment av poesien til Sapfo, den store lyrikaren frå det antikke Hellas.

Fortald gjennom eit kor av ulike stemmer er romanen ei gledefylt nytolking av livet til fleire framståande feministar, kunstnarar og forfattarar frå førre hundreårskiftet. Lina Poletti, Virginia Woolf, Sarah Bernhardt, Colette, Gertrude Stein og Josephine Baker er blant dei mange kvinnene som deler sidene i denne romanen. Dei kjempar for kontroll over eige liv, for frigjering og rettferd – eit eige rom.

Romanen er ein hyllest til, ei påminning om og ei lovprising av det skapande rommet. Heftig, lysande, frodig og poetisk, rasande og morosam. Selby Wynn Schwartz har skapt ei forteljing som hyller fortidas kvinnelege pionerar og kunsten deira – og som gir håp for både samtida og framtida vår.

I sal no!

Adresse

Mariboes Gate 13
Oslo
0506

Telefon

+4722707800

Nettsted

http://samlaget.no/

Varslinger

Vær den første som vet og la oss sende deg en e-post når Det Norske Samlaget legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Det Norske Samlaget:

Snarveier

Vil du plassere din bedrift på toppen av Mediafirma-listen i Oslo?

Del

Type

Utgiver