19/09/2026
Fakte, fakte dhe vetëm fakte? Jo propagandë dhe shpifje...
PËR DREJTËSI, JO PËRÇARJE
Në këto ditë të rënda për Kosovën, protesta duhet ta ketë një qëllim të qartë: kërkesën për drejtësi dhe mbështetjen për të drejtën e të dënuarve që aktgjykimi të shqyrtohet në apel.
Prandaj, brohoritjet “Albin spiuni, Albin sërbia” nuk duhet ta zhvendosin vëmendjen nga arsyeja për të cilën qytetarët kanë dalë në shesh.
Albin Kurti mund të kritikohet për vendimet dhe qëndrimet e tij politike, që juve disa qarqeve nuk ju pëlqejn por akuza se është “spiun i Serbisë” është një pretendim shumë i rëndë dhe i pa bazë.
Faktet publike tregojnë se gjatë qeverisjes së tij janë ndarë dhjetra miliona euro nga buxheti i Kosovës për mbrojtjen juridike të të akuzuarve në Hagë. Po ashtu, Kurti ka kundërshtuar publikisht mënyrën se si është ndërtuar dhe ka funksionuar ky mekanizëm i drejtësisë.
Pas aktgjykimit të 16 shtatorit, ai i quajti dënimet ndaj Hashim Thaçit, Jakup Krasniqit, Kadri Veselit dhe Rexhep Selimit “padrejtësi të papranueshme” dhe kërkoi që aktgjykimi të ndryshohet në apel. Qeveria ka deklaruar gjithashtu se mbështetja institucionale për ta do të vazhdojë gjatë procedurës së apelit.
Në këtë moment nuk duhet të kërkojmë armiq mes njëri-tjetrit. Mund të kemi dallime politike, por ato nuk duhet ta përçajnë shoqërinë pikërisht atëherë kur kërkohet maturi dhe unitet.
Siç u tha edhe në protestë:
“Pse po brohoritet ‘Albin spiuni’? Mund ta kritikojmë për shumëçka, por ta quajmë spiun është e padrejtë. Sot nuk jemi këtu as për Albinin, as kundër tij. Kemi dalë për drejtësi!”
Le të bashkohemi rreth kërkesës për drejtësi, duke respektuar njëri-tjetrin edhe kur nuk mendojmë njësoj. Kosova ka nevojë për maturi, argumente dhe unitet — jo për akuza pa prova. Del 13
