Strandvikjo

23/06/2025

16/06/2025

Fosse og Bach pregar musikkprogrammet til den siste «Open kyrkje» i Strandvik før sommaren på tysdag 17. juni. Kyrkja vil vere open frå kl. 19 til 20. Her kan ein setje seg ned ein heil time eller berre eit par minutt. Her kan ein tenne eit lys i lysgloben, eller sitja stille i ein benk, la tankane vandre og ta imot ord og tonar.

Ingvard Nistad vil lese dikt av Nobelprisvinnaren Jon Fosse. Mellom dikta spelar kantor Iman de Zwarte alle 15 tre-stemte «Sinfonien» av Johann Sebastian Bach. Eit meir eller mindre liknande program vart også gjennomført i fjor. I år vert det derimot andre tekstar og andre musikkverk.

Fusa sokneråd og Strandvik KU vonar at initiativet vert teke godt imot av bygdefolket og inviterer til å ta ein tur innom kyrkja når du går forbi på din kveldstur.

16/06/2025

14/06/2025

Vestlandsk toppkor vitjar vakre Strandvik!

Søndag 15. juni kl. 17:00 held Bergen Domkor sommarkonsert i Strandvik kyrkje. Gratis inngang. Vipps-kollekt til «Childrens Burn & Wound Care Foundation» (arbeidet til Dr. Eriksen med brannskadde barn i Etiopia).
Programmet byr på vakker musikk for a capella kor: frå den store renessansekomponisten Palestrina via vår eigen Edvard Grieg, til nyare musikk av skotske James MacMillan. Delar av programmet vart også framført på ein konsert under Festspela i Bergen.
-Det er 500 år sidan Palestrina ble født, og han har ein spesiell plass hos dei fleste korfolk. Hans polyfoniske komposisjonar er matematiske og regelbundne, men opplevast både frie og kunstnarisk fullenda, seier Kjetil Almenning, domkantor og dirigent for Bergen Domkor.

Bergen Domkor blei etablert i 2009 av domkantor Kjetil Almenning. Det er i dag eit av landets leiande amatørkor og eit kyrkjemusikalsk kraftsenter på Vestlandet. I tillegg til deltaking på gudstenester, har koret høgt aktivitetsnivå med hyppige konsertar og årlege turnear. Det medverkar jamleg under Festspela i Bergen og samarbeider med mellom andre Bergen Barokk, Bergen Filharmoniske Orkester og Sjøforsvarets musikkorps. Bergen Domkor forvaltar ein rik kyrkjemusikalsk arv som det arbeider for å formidle med kvalitet og liv. Samstundes har koret fokus på framføring av nyare verk og musikk av nolevande komponistar. Domkoret legg vekt på å skape interessante konsertprogram og presentere spanande repertoar. Repertoarlista spenner frå renessansemusikk til bestillingsverk av unge norske komponistar.

-Vi håpar å gje publikum ei ordentlig god oppleving av fantastisk kormusikk, seier Almenning, og for eigen del kan me føye til: «framført av eit ordentlig godt kor».

Foto: Tuva Åserud

25/05/2025

Strandvik filmklubb er ein filmklubb som ynskjer å dele filmglede med store og små i Strandvik og omland.

22/05/2025

Vel møtt til årsmøte for Strandvik Bygdautval i Strandvik Grendahus i kveld kl. 19:00!

21/05/2025

PROGRAM • Hausten 2025

Strandvik filmklubb har programmet klart fram til 11. januar 2026. Først viser vi tre nye filmar. Sidan skal vi sjå tre klassikarar.

OM IKKJE LENGE
KAN DU LESE OM FILMANE HER:
https://strandvikfilmklubb.no

Vi ventar publikumsauke! Vi trur at folk
skal komme frå nabobygdene våre. Det er ikkje langt å køyre, eller sykle, verken frå Vinnes, Fusa eller Eikelandsosen.
Det tek heller ikkje lang tid å køyre frå Os. Og det er lettare å finne parkeringsplass i nærleiken av Grendahuset i Strandvik
enn det er ved Oseana på Os!

Ja, kvifor ikkje ei langhelg i ei av dei aller
vakraste bygdene i Midthordland?

Lerretet i Grendahuset er stort; det er vel
kanskje den viktigaste grunnen til at ein
skal gå og sjå filmklubbens filmar.
Sjå kvalitetsfilm på stort lerret!
Det er eitt av slagorda våre.

I slutten av september skal vi vise
«Boy from Heaven». Ein thriller;
eit drama som spelar seg ut på Al-Azhar-
universitetet i Kairo. Al-Azhar skal vere
verdas nest eldste universitet, etablert
på 970-talet.

11. januar er vi òg i Afrika. I Marokko.
Nesten alle går i sommaruniform når
dei kjem til Ricks nattklubb; nokre går
med runde fessar. Ein som går i mørk
uniform er Claude Rains, han spelar
politimannen Renault; dette er ein av
dei gode birollene i filmen. (Vel, han
er ikkje mørkkledd heile tida. Sjå foto!)
Rick blir spelt av Humphrey Bogart.
Han stammar ikkje frå Boga i Strandvik😊 Bogart har nederlandske anar; namnet er nederlandsk og betyr frukthage.

PROGRAM • Hausten 2025

Sundag 7. september | 19:00 Drømmer
Regi: Dag Johan Haugerud/ 2024

Sundag 28. september | 19:00 Boy from Heaven
Regi: Tarik Saleh/ 2022

Sundag 19. oktober | 19:00 All we imagine as light
Regi: Payal Kapadia/ 2024

Sundag 9. november | 19:00 Paris, Texas
Regi: Wim Wenders/ 1984

Sundag 30. november | 19:00 Blikktrommen
Regi: Volker Schlöndorff/ 1979

Sundag 11. januar | 19:00 Casablanca
Regi: Michael Curtiz/ 1942

•

FOTO: Store norske leksikon.
(Claude Rains er nummer to frå venstre.)

19/05/2025

Fyrstkomande tysdag, 20. mai, vert det igjen "Open kyrkje" i Strandvik. Blandakoret «Sine Nomine» står for musikkprogrammet. Frå kl. 19:00 vil dei framføre eit program med variert kormusikk. Repertoaret spenner frå musikk av Johannes Brahms til musikk av nolevande komponistar som t.d. James MacMillan. Koret er også innom pop- og gospelmusikk. Mellom korsongane spelar dirigent Iman de Zwarte eit utval «Fantasistykker» av Hans-Günther Heumann.
Elles kan ein som vanleg setje seg ned ein heil time eller berre eit par minutt. Her kan ein tenne eit lys i lysgloben, eller sitja stille i ein benk, la tankane vandre og la musikken strøyme innover seg.
Fusa sokneråd og Strandvik KU innbyr til å ta ein tur innom kyrkja, uansett grunn, når du går forbi på din kveldstur.

15/05/2025

Oppheving av kokevarsel i Strandvik og på Vinnes. Me har fått svar på vannprøven og den viser at vatnet trygt kan drikkes. Strandvik og Vinnes vassverk.

12/05/2025

Nokon som saknar nøkkel? Armband? Ta kontakt med skulen☺️

08/05/2025

🗓 Årsmøte i Strandvik Bygdautval
📍 Strandvik Grendahus
🕖 Torsdag 22. mai kl. 19:00

Vanlege årsmøtesaker – kom og bli med!

Saker til møtet? Send til [email protected] innan 1 veke før.

Vel møtt!