05/03/2026
प्रतिनिधिसभा निर्वाचन अन्तर्गत आज भएको मतदानमा बागलुङको बरेङ गाउँपालिकामा जम्मा ४ हजार २ सय ९५ मत खसेको छ ।
बरेङ गाउँपालिकामा १० हजार २ सय ८२ मतदाता रहेकामा जम्मा ४ हजार २ सय ९५ मत अर्थात ४१.७७% प्रतिशत मत खसेको बरेङ गाउँपालिकाका सुचना अधिकारी केशवराज क्षेत्रीले जानकारी दिनुभयो ।
गाउँपालिकाको वडा नं. १ धुल्लुबास्कोट मतदान केन्द्रमा महिलातर्फ ६ सय ४४ र पुरुषतर्फ ५ सय ५३ मत गरी १ हजार १ सय ९७ मत खसेको छ । वडा नं. १ मा २ हजार ५ सय ५६ जना मतदाता रहेका छन् ।
गाउँपालिकाको वडा नं. २ हुग्दिशिर मतदान केन्द्रमा महिलातर्फ ६ सय ५८ र पुरुषतर्फ ५ सय ४७ मत गरी १ हजार २ सय ०५ मत खसेको छ । वडा नं. २ हुग्दिशिरमा ३ हजार ४३ जना मतदाता रहेका छन् ।
गाउँपालिकाको वडा नं. ३ बाटाकाचौर मतदान केन्द्रमा महिलातर्फ ५ सय ९२ र पुरुषतर्फ ४ सय ६५ मत गरी १ हजार ५८ मत खसेको छ । वडा नं. ३ बाटाकाचौरमा २ हजार ६ सय ४८ जना मतदाता रहेका छन् ।
यसैगरी, गाउँपालिकाको वडा नं. ४ सल्यान मतदान केन्द्रमा महिलातर्फ २ सय २७ र पुरुषतर्फ २ सय ०७ मत गरी ४ सय ३४ मत खसेको छ । वडा नं. ४ सल्यानमा १ हजार १ सय ४६ जना मतदाता रहेका छन् ।
वडा नं. ५ सुखौरा मतदान केन्द्रमा महिलातर्फ २ सय २१ र पुरुषतर्फ १ सय ८० मत गरी ४ सय ०१ मत खसेको छ । वडा नं. ५ सुखौरामा ८ सय ८९ जना मतदाता रहेका छन् ।
