Youth's eyes

11/06/2025

स्वास्थ चौकी भवन निर्माण शिलान्यास तस्बिर

16/05/2025

"समर्पण, संस्कार र सकारात्मक सोचका प्रतीक—कञ्चन राज गिरी ज्यूलाई हार्दिक नमन!"
नेपाल सरकारका अधिकृत तथा एक दम्मै मिलनसार, सहृदय र सकारात्मक दृष्टिकोण भएका कञ्चन राज गिरी ज्यूले हाम्रो साझा आस्था र संस्कृतिको प्रतीक देवी मन्दिर पुनर्निर्माण कार्यमा रु. ५,०५५/- सहयोग प्रदान गरी अत्यन्तै प्रेरणादायी कार्य गर्नु भएको छ।
उहाँजस्तो संवेदनशील र सत्प्रवृत्तिका व्यक्तिहरूको साथ र सद्भावनाले मात्र हाम्रो परम्परा र धार्मिक धरोहरहरू संरक्षण सम्भव हुन्छ।

उहाँको यस पुण्य योगदानप्रति गहिरो आभार व्यक्त गर्दै, उत्तरोत्तर प्रगति, दीर्घायु र सुस्वास्थ्यको शुभकामना व्यक्त गर्दछौं।

जय माता देवि !

16/05/2025

"आस्था र समर्पणको अनुपम उदाहरण—मनिष खत्री ज्यूलाई श्रद्धाभावपूर्वक नमन!"

हाल अध्ययनका लागि अमेरिकामा रहनुभएका मनिष खत्री ज्यूले हाम्रो साझा धार्मिक सम्पदा देवी मन्दिर पुनर्निर्माण कार्यमा रु. ५,५०५/- योगदान गरी आफ्नो मातृभूमिप्रति प्रेम र आस्थाको गहिरो सन्देश दिनुभएको छ।
उहाँजस्तो पुण्य मन भएकाहरूको सहयोगले मात्र सम्भव हुन्छ—धर्म, संस्कार र संस्कृतिको संरक्षण।

उहाँको यस पवित्र कार्यको लागि हामी गहिरो आभार प्रकट गर्दै, उज्वल भविष्य र उत्तरोत्तर प्रगतिको शुभकामना व्यक्त गर्दछौं।

जय माता देवि !

27/04/2025

"देवी मन्दिर पुनर्निर्माण कार्यमा सहयोग गर्ने इच्छाशक्ति राखी 3D डिजाइन र नक्सा पठाउने भक्तजनहरूको मनकामना पूरा होस्। तपाईंहरूको योगदानले यस कार्यलाई सम्भव बनाउन सहयोग पुर्‍याएको छ, यसका लागि हाम्रो तर्फबाट हार्दिक धन्यवाद।"

26/04/2025

26/04/2025

सबैले एकपटक हेरेर सेयर गर्दिनु होला ।

25/04/2025

श्री श्री १०८ देवी मन्दिर
ऐतिहासिक शिलालेख

यस पवित्र मन्दिरमा पृथ्वीनारायण शाहको पालामा उहाँको वीर सेनाले पूजा अर्चना गर्ने गर्थे, जसले राष्ट्र एकीकरणको संकल्पमा आध्यात्मिक बलको आश्रय लिए।
दशैं र तिहार जस्ता महान चाडपर्वहरूमा यहाँका स्थानवासीहरूले देवीको पूजा गर्दै परम्परालाई निरन्तरता दिँदै आएका छन्।
वि.सं. १९९१ मा कपुङगाल बसोबास गर्ने एक श्रद्धालु भक्तजनले मन्दिरको अगाडि श्रद्धापूर्वक घण्टी स्थापना गरे, जसले भक्तिभाव र आस्थाको प्रतीक बनेको छ।

यो मन्दिर धार्मिक, सांस्कृतिक र ऐतिहासिक महत्त्वले भरिपूर्ण छ। सम्पूर्ण भक्तजनमा धार्मिक आस्था र एकताको भावना जागृत रहोस्।

जय माता देवी!

25/04/2025

"देवी मन्दिरको पुनः निर्माण कार्यमा सामूहिक रूपमा मिलिजुली काम हुँदैछ।"

24/04/2025

देवी मन्दिरको पुनः निर्माण कार्य जारी छ। यस पुण्य कार्यमा योगदान दिन इच्छुक सबै सहयोगी मनहरूलाई हार्दिक स्वागत छ।"

23/04/2025

धन्यवाद
"हाल रोजगारीको सिलसिलामा क्यानाडा बसोबास गर्दै आउनु भएका बनेपा–२ निवासी श्री दिपक राज गिरीज्यूले देवी मन्दिर पुनःनिर्माणका लागि रु. ५,००५ आर्थिक सहयोग प्रदान गर्नुभएको छ। स्वदेशभन्दा टाढा रहँदा पनि आफ्नो जन्मभूमिप्रतिको प्रेम र धार्मिक आस्थाप्रति देखाउनुभएको यो योगदान अत्यन्तै सराहनीय छ।"
जय माता देवि

22/04/2025

हार्दिक धन्यवाद
देवी मन्दिर पुनर्निर्माणको पवित्र कार्यमा सहयोग गर्दै, सिन्धुपाल्चोक निवासी हाल दुबईमा रहनु भएका विक्रम तामाङज्यूले रु. ५,५५५ सहयोग गर्नु भएकोमा हामी सम्पूर्ण टिमको तर्फबाट हार्दिक धन्यवाद व्यक्त गर्दछौं।

यस्ता सहयोगहरूले हाम्रो संस्कृति, आस्था र समुदायलाई अझ मजबुत बनाउने कार्यमा ठूलो टेवा पुर्‍याउँछ।

जय माता देवि!