05/06/2018
विगत ५ बर्षदेखि दिगो शान्तिको लागि उन्नत सम्बन्ध स्थापित गर्ने उदेश्यका साथ स्थापना भएको प्रातिक श्रोत द्धन्द्धरुपान्तरण केन्द्र नेपालले काभ्रे जिल्लाका सरोकारवालाहरुसँग शुक्रवार धुलिखेलमा अभिमुखिकरण कार्यक्रम सम्पन्न गरेको छ । संस्थाको कार्यकारी निर्देशक चुपबहादुर थापाले काभ्रे जिल्ला लगायत १९ वटा जिल्लामा प्राकृतिक श्रेोत जंगल, जमिन र जलसँग जोडिएका समाज भित्रका नागरिकहरुमा एक आपसमा आएको मनमुटावले सृजना भएको दरारलाई उन्नत सम्बन्ध स्थापित गर्ने कार्य गरेको कुरा जानकारी गराउनुभयो । टुटेको मन जोडिन नसक्दा पुन झगडा हुने र मन फाट्ने हुन जान्छ । त्यसो हुन नदिन समाजमा स्थायी शान्ति ल्याउने अभियानमा लागि २०७४ फागुन सम्म १ सय ४० वटा बहुसरोकारवाला विवादहरु समुदायका मानिसहरु विच आपसी सम्वादको माध्यमवाट समाधान भई कायम भएको कुरा निर्देशक थापाले जानकारी गराउनुभयो । द एसिया फाउण्डेशनको आर्थिक सहयोगमा रसुवा, नुवाकोट, काभ्रे, सिन्धुपाल्चोक, दोलखा जिल्लाका ३८ गाउँपालिका र १३ वटा नगरपालिकाहरुमा सामुदायीक मेलमिलाप कार्यक्रम सञ्चालन गरेको जनाएको छ । दोलखा जिल्लामा ४९ वटा मेलमिलाप केन्द्रमा ५ सय १ जना तालिम प्राप्त मेलमिलाप कर्ताहरु परिचालन भएका छन् । यसैगरी सिन्धुपाल्चोक जिल्लामा १ सय ३ वटा मेलमिलापकेन्द्र र ७ सय मेलमिापकर्ता, काभ्रे जिल्लामा ८० मेलमिलाप केन्द्र र ९ सय ४२ जना मेलमिलाप कर्ता रहेको जनाएको छ । उक्त संस्थाले १ सय १२ जना जनशक्तिलाई परिचालन गरेर समाजमा उन्नत सम्बनध कायम गराउने सवालमा कार्य गरेको जनाएको छ । कार्यक्रममा जिल्ला अदालत काभ्रेको न्यायाधिश अर्जुन अधिकारी, जिल्ला समन्वय समितिका संयोजक उद्धब केसी, जिल्ला समन्वय अधिकारी कोमल धमला, सहायक प्रमुख जिल्ला अधिकारी किरण थापा, जिल्ला बन कार्यालयका प्रमुख प्रेम खनाल, मण्डन देउपुर नगरको उपप्रमुख निर्मला शाही लगायतले आ–आफ्नो धारण राखेका थिए । मण्डन देउपुर नगरपालिकाका प्रमुख टोकबहादुर वाईवा, नेपाल पत्रकार महासंघ काभ्रेका उपाध्यक्ष रमेश प्रसाद न्यौपाने, नेपाल फोटो पत्रकार महासंघ काभ्रेका अध्यक्ष केशवराज पौडेल, भूमि अधिकार म१चका अध्यक्ष रामबहादुर लामा, महिला विकास कार्यालयको प्रज्ञा निरौला, जिल्ला समन्वय समितिको माया वादे, गाउँपालिका र नगरपालिकाको प्रमुख तथा उपप्रमुखहरुको उपस्थिति रहेको थियो । कार्यक्रममा मद्यमाञ्चल क्षेत्रिय संयोजक रमिला हुँमागाई, जिल्ला संयोजक उमा थापा, जिल्ला परियोजनाका कार्यरत गंगा दोङ लगायतले संस्थाले भएगरेका कार्यको बारेमा जानकारी गराउनुभयो ।
विगत ५ बर्षदेखि दिगो शान्तिको लागि उन्नत सम्बन्ध स्थापित गर्ने उदेश्यका साथ स्थापना भएको प्रातिक श्रोत द्धन्द्.....