09/06/2025
वाईसीएल नेपालको तेस्रो राष्ट्रिय सम्मेलन काठमाडौंमा सम्पन्न भयो । नेकपा (माओवादी केन्द्र) को सहायक संगठन रुपमा रहको यस संगठनले परिवर्तित विश्व यूवा आन्दोलन अझ विशेष गरी नेपाली यूवा आन्दोलनको विविध पक्षहरूमा विचार, विमर्श गर्छ होला भन्ने आशा नेतृत्व चयनको विषयवस्तुले पूर्णतया छाया पारिदियो । ३५ जना केन्द्रीय सदस्यले पनि संगठनको साखलाई अहिलेसम्म गर्भ गर्न लायक संगठनको निमार्ण हुन सक्छ भन्ने मान्यतालाई पूर्ण रुपमा कुल्चिदै ७ दिनको छाटो अवधि २ पटक विधान परिवर्तन गरी ३५१ सदस्यीय केन्द्रीय समिति, ३ ओटा आयोगको गठन गरी निवार्चन प्रकिया सम्पन्न गर्यो । हरेक २/२ बर्षमा हुनु पर्ने सम्मेलन लगभग ३ वर्षमा हुनु सकारात्मक पक्ष हो । त्यति हुँदा हुँदै पनि माओवादी आन्दोलनले उठन गरेका विषयवस्तु (संघीयता, समावेशीता, धर्म निरपेक्षता र हरेक तह तप्कामा रहेका जनतालाई दिएको आत्मविश्वास) र यसको नेतृत्वलाई एकै ठाउँमा राखेर हेर्ने परम्परालाई यो सम्मेलनले तोड्न सकेन ।
माओवादी आन्दोलनलाई पूर्णतः सफल बनाउने हो भने नीति, कार्यक्रम र योजना संगठनको मुल मन्त्र हो । यसको नेतृत्व गर्ने कुरा गौण हो भन्ने कुरा हरेक तहमा बस्ने सामान्य चेतना भएका नेता र कार्यकर्ताले बुझ्न जरुरी छ । आफूले मात्रै बुझेर नभई गाउँ गाउँका जनताहरुलाई बुझाउन जरुरी छ । तब मात्रै माओवादी आन्दोलनले संस्थागत गरेका ऐजेण्डाहरुले सार्थकता पाउने छ ।
यीनै मुद्दाहरुलाई मुख्य विषयवस्तु बनाउनु पर्ने सम्मेलनले त्यो गर्न नसके पनि सम्मेलनको उदेश्य अनुरुप नयाँ नेतृत्व चयन हुनु सकारात्मक पाटो हो । जनमिलिसिया (जनसेना) को नाममा निर्वाचन प्रकियालाई बन्देज गर्नु कुनै पनि हालतमा सकारात्मक सन्देश होईन । देशको संविधानले नै आवधिक निर्वाचनलाई जनताको सबै भन्दा ठूलो अस्त्र हो भनेर स्वीकार गरि सकेको सन्दर्भमा हाम्रो संगठनले पनि यो प्रकियालाई ढिलो चाँडो आत्मसाथ गर्ने कुरालाई नकार्न सकिंदैन । त्यसैले कुनै पनि संगठन भित्र हुने स्वास्थ्य निर्वाचन प्रणालीलाई स्वीकार गर्नु पर्दछ । जसले १० वर्षको जनयुद्धबाट स्थापित संघीय लोकतान्त्रिक गणतन्त्र नेपालको संविधानलाई झनै परिपक्व बनाउदै लैजाने छ, भने निर्वाचनको मतपरिणामलाई सहर्ष स्विकार गर्ने वातावरण निर्माण गर्नेछ । जुन आजको पुस्तालाई सिकाउनै पर्ने सबै भन्दा महत्वपुर्ण शिक्षा हो ।
तर दुखद कुरा गत महाधिवेशनमा पार्टीको नक्कल गर्दै लगभग १८०० प्रतिनिधिलाई काठमाडौं बोलाएर कमलादीमा घाम तपाउनु नेतृत्वले तयारी नगरेको भन्ने कुरालाई स्पष्ट रुपमा उजागर गरेको छ । यो प्रवृत्तिलाई यूवाहरुले सकार्नु पर्नेमा त्यहि नक्कल गर्नु कुनैपनि हालतमा अग्रगामी हुन सक्दैन । झनै अहिलेको Gen Z पुस्ताले यस्ता सामान्य विषयमा ख्याल नगर्नु उनिहरुको साधारण विशेषता विरोधी कार्य हो । Gen Z पुस्ताका भावनाहरुलाई नसमेटेर आजको युवा आन्दोलन अपुरो, अधुरो मात्रै होइन पूर्णरुपमा अक्षम र असक्त हुन्छ ।
यो कुरालाई ख्यालमा राख्दै आउँदा दिनमा अबको नयाँ नेतृत्वले वाईसीएल नेपाललाई फरक ढंगले हाक्ने आशा, अपेक्षा र विस्वास सहित अध्यक्षमा निर्वाचित क.पुष्प ओली, उपाध्यक्षमा निर्वाचत दाईहरुलाई, महासचिवमा निर्वाचित क. गणेश शाही लगायत सम्पूर्ण निर्वाचित कमरेडहरुलाई विशेष आभार सहित सफल कार्यकालको शुभकामना । दाईहरु सँगै मैले पनि लेखा आयोगको सचिवको रुपमा नेपाली यूवा आन्दोलनलाई अघि बढाउने जिम्मेवारी प्राप्त गरेको छु । जिम्मेवारी प्रदान गर्नु हुने प्रतिनिधिहरुलाई विशेष धन्यवाद भन्ने चाहन्छु ।
यूवा आन्दोलनलाई सहि बाटोमा हिडाँउन डिलमा बसेर होईन कि मध्य भागबाट यसको नेतृत्व गर्नु पर्दछ भन्ने मान्यता सहित । मलाई प्रदान गरिएको जिम्मेवारी पूर्ण कर्तव्यनिष्ट भई निभाउने छु । साथै यो सम्मेलनमा भएका कमीकमजोरीहरु अर्को सम्मेलनमा नदोहोराउने व्यक्तिगत प्रयास र प्रयत्न गर्नेछु ।
सम्मेलन सम्पन्न गर्न अहोरात्र खटिनु हुने सम्पूर्ण तह तप्का व्यक्तिहरु विशेष गरी निवर्तमान अध्यक्ष सुबोध दाई, निवर्तमान वरिष्ठ उपाध्यक्ष कसम दाई, निवर्तमान महासचिव गणेश दाई, निवर्तमान कोषाध्यक्ष सन्तोष दाई र फ्याक्सन ईन्चार्ज दिपशिखा दाई र अन्य सम्पूर्ण व्यक्तिहरुलाई नमन ।
सम्पूर्णमा क्रान्तिकारी नमस्कार !!
