12/11/2025
२०७४ सालको स्थानीय तहको निर्वाचनमा काठमाडौंको मेयर पदका लागि वैकल्पिक मानिएका दुई दल विवेकशील नेपालीबाट Ranju Darshana रन्जु दर्शना अनि साझा पार्टीबाट किशोर थापा दुबैले उम्मेद्वारी दिएका थिए ।
दुई मध्ये एक मात्र वैकल्पिक उम्मेद्वार भए उसले जित्ने गरिको माहोल बनि रहेको थियो । तर दुबैलाई र उनीहरुको दल, समर्थकहरुलाई लाग्यो मेरै माहोल छ । जित्ने त मै हुँ । जनता मेरै पक्षमा छन् । त्यसैले कोहि पछाडी हट्न तयार भएनन् ।
निर्वाचन भयो ।
रन्जुले २३ हजार ४३९ र थापाले १८ हजार ४९६ मत पाए । विद्या सुन्दर शाक्य विजयी भए । वैकल्पिक उम्मेद्वारहरु आपसमा नजुटि लड्दा माहोल अनि सम्भावना हुदा हुदै पनि दुबैले हारे ।
अझ अर्को चर्चित उदाहरण २०७९ सालको निर्वाचनमा देख्यौं । जतिबेला मुलधारको दल भए पनि वैकल्पिक रुपमै हेरिएका Rabindra Mishra ले राप्रपाबाट , Pukar Bam पुकार बमले रास्वपाबाट र Ramesh Kharelले राष्ट्रिय सुशासन पार्टीबाट उम्मेद्वारी दिएका थिए ।
७४ सालको निर्वाचनमा मिश्रले यहि क्षेत्रमा जम्मा ८ सय १९ मतले मात्र प्रकाशमान सिंहसँग हारेको थिए । त्यो पटक अझै राम्रो माहोल भएकाले उनले जित्ने आंकलन गरिएको थियो ।
तर सबै वैकल्पिकहरुलाई आँफु नै बलियो भन्ने भ्रम थियो । कोहि पछाडी हटेनन् ।
निर्वाचन भयो , सिंहले जिते । मिश्रले जम्मा १ सय २४ मतले निर्वाचन हारे । सायद मिश्र, बम र खरेल मिलेर कोहि एकले उम्मेद्वारी दिएको भए वैकल्पिक व्यक्ति निर्वाचित हुने थिए ।
तर के भयो त ? केहि छैन । just chill...
अहिलेको लडाँई, फुट र विभाजन अनि म एक्लै जित्छु , म एक्लै देश बदल्छु भनिरहेका वैकल्पिक र स्वतन्त्रहरुको हाल देख्दा अब फाल्गुनको निर्वाचनमा यस्तै नतिजा देख्न पाईन्छ जस्तो छ ।
अग्रिम बधाई छ पुराना दलहरुलाई । नयाँले त पुराना गलतीबाट सिकेनन । तपाईहरु चैं आफ्ना गलतीबाट सिकेर अब चैं देश राम्रोसँग चलाउनु होला है । 🙏