30/07/2026
म्याग्दीको बेनी नगरपालिका–२ स्थित ज्यामरुककोट प्राकृतिक सौन्दर्य, ऐतिहासिक सम्पदा र ग्रामीण जीवनशैलीले भरिपूर्ण आकर्षक पर्यटकीय गन्तव्यका रूपमा परिचित बन्दै गएको छ। बेनी नगरपालिकाले ‘एक वडा, एक पर्यटकीय स्थल’ कार्यक्रमअन्तर्गत यस क्षेत्रको पर्यटन प्रवर्द्धन र पूर्वाधार विकासलाई प्राथमिकता दिएको छ।
ज्यामरुककोट पुग्ने पर्यटकहरूले यहाँको स्वच्छ वातावरणसँगै स्थानीय उत्पादनबाट बनेका अर्गानिक परिकार, फलफूल र कृषिजन्य वस्तुको स्वाद लिन सक्छन्। स्थानीय उत्पादनको उपभोग र खरिदले गाउँका बासिन्दाको आयआर्जनमा टेवा पुग्ने भएकाले पर्यटकहरूले स्थानीय व्यवसायलाई प्राथमिकता दिन आवश्यक देखिन्छ।
पर्यटन र स्थानीय उत्पादनलाई जोड्न सके ज्यामरुककोटले दिगो पर्यटनको उत्कृष्ट नमुना बन्नुका साथै स्थानीय समुदायको आर्थिक समृद्धिमा समेत महत्त्वपूर्ण योगदान पुर्याउने अपेक्षा गरिएको छ।
