18/06/2026
* बा *
वरिष्ठ सर्जन DR... अमर कपुरी ले भन्नु भएको छ यदि बुबाको राम्रो सग ख्याल् राख्न सकियो नियमित डाइलोसिस गरिस भने बुबा लाई लगभग 5 बर्ष सम्म बचाउन सकिन्छ
तर कसै-कसैले हिसाब गर्न थालेछन कि हद्धै भए 2/3 महिना बाच्लान भनेर 😭😭😭
बा,
तिमी मेरो लागि 30 वर्ष बाँच्यौ।
भोकै बसेर मलाई खुवायौ।
चिसोमा कम्बल ओढाएर आफू कठ्याङ्ग्रियौ...।
अहिले तिम्रो पालो आयो बा।
अब म भोकै बसेर भएपनी तिम्रो औषधि किन्छु..।
चिसोमा म कठ्याङ्ग्रिएर तिमीलाई कम्बल ओढाउँछु।
कसैले "अब ढिलो भयो" उपचार सम्भब छैन भन्न थालेछन 😢😢😢
म भन्छु - जिउँदो छोरा हो भने बाउको लागि कहिल्यै ढिलो हुँदैन...।"
5 वर्ष भनेको कति हो थाहा छ बा...?
तिम्रो हात समातेर हिँड्ने 1825 वटा बिहान...।
तिम्रो गाली सुन्ने 1825 वटा साँझ...।
"भात खाइस् छोरा..?" भनेर सोध्ने 1825 वटा रात।
आज फुच्चे काहा गयो भनेर खोज्ने 1825 वटा सुनौलो मौका
तिम्रो लागि मर्न तयार छु बा,
तर तिमीलाई सजिलै मर्न दिन्न..।
तिमीलाई लाग्छ होला कान्छो छोरा लाई मेरो केही मतलब छैन"
तर बा, तिमी बिनाको यो सास को नै मतलब छैन...।
तिमी बिना यो घरको औचित्य छैन..।
तिमी बिनाको "बा" शब्द अपूरो लाग्छ...।
रिपोर्टमा तिम्रो रोग लेखिएको छ CKD 5 STAGE PATIENT ( दुबै मृगौला फेल भएको बिरामी )
तर मेरो आँखाले तिम्रो माया पढ्छ...।
त्येसैले मलाई मायामा विश्वास छ, रिपोर्टमा होइन..।
त्यसैले बा, मेरो कसम।
1 दिन होस् या 5 वर्ष तिम्रो साथ पाई रहनको लागि म जे पनि गर्न तैयार छु
तिमी बाँच्नुपर्छ...बा बाच्नु पर्छ..।
किनकी मेरो भाग्यमा "बाउविनाको छोरा" लेखिएको हेर्ने हिम्मत छैन ममा..।
म लड्छु बा।
मृत्युसँग, समयसँग, आफन्त को भेष मा लुकेका कालो गोमन सर्प सबैसँग लड्छु..।
किनकि छोरा भनेको ढाल हो बा...। म तिम्रो ढाल बनिरहन पाँउ
बाउको छातीमा लाग्ने हरेक घाउ म आफ्नो छातीमा थाप्न हरदम तैयार छु ''बा''…।
तिमी बाँच्नुपर्छ बा।
मेरो लागि नभए पनि
मेरो "बा" शब्द बचाउनको लागि भए पनि बाच्नु पर्छ
तिम्रो छोरा जो तिम्रो लागि मर्न र परि आए मार्न तयार छ,
तर तिमीलाई सजिलै मर्न दिन तयार छैन
