18/09/2025
के नेपालमा शैक्षिक लोन पाइन्छ? पाइँदैन, स्पष्ट छ पाइँदैन। फेरि भन्छु नेपालमा शैक्षिक लोन कसैले पाएको छैन? नपाएको थियो? न त्यस्तो कुनै व्यवस्था नै छ! यहाँ त विदेश पढ्न जानेलाई मात्रै लोन दिन्छन् त्यो पनि जमानत मा घर जग्गा राखेर बन्धक बनाएर अनि मासिक तुरुन्तै किस्ता पनि सुरु गर्दिन्छन् । Colateral राखेर दिएको लोन शैक्षिक लोन पक्कै होइन। भ्रममा नपर्नुस्।
नेपालमा पनि शैक्षिक लोन सरकारले उपलब्ध गराउनुपर्छ। अझ स्पष्ट हुनुस् नेपालमै पढ्नको लागि पनि विद्यार्थीलाई शैक्षिक लोन दिनुपर्छ कि पर्दैन ? अब तपाईं भन्नुहुन्छ बैंकले त शैक्षिक लोन दिइरहेको छ। तर दिए छैन। नेपालको कुनै बैंकले शैक्षिक लोन दिएका छैनन् फेरि प्रश्न उठ्छ। हामी त एजुकेसन लोन लिएका छौं। केही जनाले भन्नुहुन्छ । तपाईँले धरौटीको लागि केही जग्गा घर सुन चाँदी राखेर लोन पाउनुभएको छ भने त्यो शैक्षिक लोन होइन। तपाईं यदि यस्तो हो भने तपाईं गलत फ्यामी पाल्नुभएको छ। तपाईँ एजुकेसन लोन पाउनुभएको छैन । Education लोनको अर्थ पनि तपाईँलाई थाहा रहेन्छ। बैंकवालाले एजुकेसन लोनको नाममा वा शीर्षकमा मात्रै तपाईँलाई लोन दिएका हुन् जबकि त्यो शैक्षिक लोन होइन ।
शैक्षिक लोन भनेको कस्तो हुन्छ त आउनुस् विस्तृत रुपमा छलफल गरौं।
पहिलो जुन युनिभर्सिटीमा बच्चा पढ्दैछ त्यो युनिभर्सिटीलाई बैंकले त्यो एडमिसन अनि फी सबै एकमुष्ट बैंकले प्रत्येक वर्ष जम्मा गर्नुपर्ने हुन्छ। यो प्रत्येक वर्ष बैंकले शैक्षिक लोन दिने बच्चालाई बिना कोल्याटरल दिनुपर्छ।
दोस्रो बैंकले विद्यार्थीको अध्ययन को समयमा उसले कुनै पैसा किस्ता तिर्नु पर्दैन। न त त्यो बैंकले कहिल्यै फोन गरेर वा चिठी पठाएर किस्ता तिर्न मानसिक तनाव नै दिँदैन।
तेस्रो पढाइ पूरा भएको दुई वर्षपछि मात्रै त्यो बच्चाले आफू जागिरै भएपछि बल्ल किस्ता किस्तामा तिर्ने हो। उसको अध्ययन पुरा भएपछि मात्रै अनि जागिरै पाएपछि मात्रै कमसेकम अध्ययन समयको दुई वर्ष पश्चात मात्र उसको किस्ता सुरु हुन्छ।
हो यस्तालाई भनिन्छ एजुकेसनल लोन न कि शीर्षक वाला मात्रै होइन ।अब भन्नुस् के नेपालमा यस्तो व्यवस्था हुनुपर्छ वा पर्दैन । विद्यार्थीले शैक्षिक लिन पाउनुपर्छ वा पर्दैन। हालसम्म रहेको जोसुकै सरकारले यस्तो व्यवस्थाको बारेमा न उनीहरूको बुद्धि नै थियो न सोच नै थियो न उनीहरूले गर्न चाहे। "अहिलेको अन्तरिम सरकारले वा नयाँ बन्ने सरकारले यस्तो व्यवस्था गर्नुपर्छ "भन्ने जतिले कमेन्ट गर्नुहोला।
