https://www.facebook.com/106840385409068/

Changu Khabar, Bhaktapur (2025)

03/08/2025

रास्वपा चाँगुनारायण नगर सभापति राेशन थापाकाे भनाई केही हदसम्म सहि छ । अबकाे दस पन्ध्र बर्ष यसरी नेपाली विदेशिने हाे भने हरेक नागरिककाे घरमा ताला लाग्ने निश्चित छ

02/08/2025

30/07/2025

चाँगुनारायणको इन्द्रखोल्साको जर्जर सडक वर्षौंदेखि बेवास्ता : स्थानीय निकाय मौन

भक्तपुरको चाँगुनारायण नगरपालिका अन्तर्गत देकोचाबाट चाँगुनारायणतर्फ जाने मुख्य सडकखण्डको इन्द्रखोल्सा (तीनदोबाटो) क्षेत्रको अवस्था वर्षौंदेखि जस्ताको तस्तै रहेको छ। चाँगुनारायण नगर अस्पतालदेखि करिब २०० मिटर अघिको यो सडकखण्ड अहिले धुलो, हिलो र खाल्डाखुल्डीको पर्याय बनेको छ। बाटो हेर्दा धराप थापेको भान हुन्छ, यो धरापमा परेर कुन दिन ठूलै दुर्घटना हुन बेर छैन ।

स्थानीयवासीका अनुसार सडकको यो खण्ड पोहोर सालदेखि नै अत्यन्तै खराब अवस्थामा रहँदै आएको हो। तर आजसम्म वडा कार्यालयदेखि नगरपालिकासम्म, प्रदेश सरकारसम्म कुनै पनि निकायले गम्भीर चासो दिएको देखिँदैन।

दैनिक आवत–जावत गर्ने पैदल यात्रु, सवारी चालक र बासिन्दाहरू वर्षेनी पानी पर्दा हिलो, घाम लाग्दा धुलो र कहिले दुर्घटनाको जोखिमसँग जुधिरहेका छन्। चाँगुनारायणजस्तो धार्मिक तथा पर्यटकीय नगरको प्रमुख पहुँचमार्ग यस्तो दयनीय अवस्थामा हुँदा समेत सम्बन्धित निकायको मौनता प्रश्नको विषय बनेको छ।

स्थानीयहरू भन्छन्, “सडककै कारण एम्बुलेन्ससमेत समयमा पुग्न सक्दैन, विद्यार्थी, वृद्ध, बिरामी सबै हैरान छन्। हामीले पटक–पटक गुनासो गर्दा पनि अहिलेसम्म सुनुवाइ भएको छैन।”

स्थानीय सरकार र सम्बन्धित निकायको यस विषयमा गम्भीररुपमा ध्यान जाओस् ।

Namaste Bhaktapur