17/01/2026
नेपाल आदिवासी जनजाती महासंघ, भक्तपुरको तेस्रो अधिवेशन
भक्तपुर÷ नेपाल आदिवासी जनजाती महासंघ, जिल्ला समन्वय परिषद, भक्तपुरको तेस्रो अधिवेशन हालै मध्यपुर थिमिमा सम्पन्न भएको छ ।
नेपाल आदिवासी महासंघ, संघिय परिषदका सचिव गोविन्द ह्याल्मोको प्रमुख आतिथ्यतामा सम्पन्न भएको सो महाधिवेशनले हरिवहादुर श्रेष्ठको अध्यक्षतामा ११ सदस्यीय सचिवालय र जातिय संस्थाको सिफारिसमा ३ जना सदस्य गरी जम्मा १४ जनाको नेपाल आदिवासी जनजाती महासंघ, जिल्ला परिषद, भक्तपुरको सर्वंसम्मतीबाट निर्वाचित भएका छन् ।
नेपाल आदिवासी जनजाती, जिल्ला परिषद भक्तपुरका अध्यक्ष कान्छा आलेमगरको अध्यक्षतामा सञ्चालन भएको सो अधिवेशनमा नेवा देय् दबु, भक्तपुरका संस्थापक अध्यक्ष एवं नेपाल आदवासी जनजाती महासंघ भक्तपुरका सल्लाहकार कृष्णबहादुर घजु, नेवाः देय् दबु भक्तपुरका अध्यक्ष नरेश नेवाः, किरात राई यायोक्खा, भक्तपुरका अध्यक्ष चन्द्र राई, तामाङ घेदुङ संघका ज्वाला तामाङ, सुनुवार सेवा समाजका भुवन सुनुवार र किरात याक्थुम चुम्लुङका तेजवहादुर केरुङ लिम्बुलगायतका बक्ताहरुले आदिवासी जनजातीहरुको हक र अधिकारको लागि एकजुृट भएर लागिरहनु पर्ने बताउनु भयो ।
हालै जारसिंह पौवाको बस दुर्घटनामा परी देहवसान भएका किरात याक्थुम चुम्लुङका सदस्यहरुको दिवंगत आत्माको चीर शान्तिको कामना गरिएको सो अधिवेशनमा कार्यसमिति सदस्य रत्नबहादुर राईले स्वातग तथा सहसचिव कान्छा तामाङले धन्यबाद मन्तव्य दिनु भएको थियो भने अधिवेशनलाई मनोरञ्जक तथा रौनक बनाउनका लागि नेवारी समुदाय तथा राई समुदायको साँस्कृतिक नृत्य प्रदर्शन गरिएको थियो ।
नव निर्वाचित सो कार्यसमितिको अन्य पदहरुमा उपाध्यक्ष तेजवहादुर केरुङ, रत्नवहादुर राई, संगिता मगर र महिला उपाध्यक्षमा सरिता दुवाल, सचिव कान्छा तामाङ, सह–सचिव विर्ख माझी, केदार थापामगर, कविता तामाङ र बिणा चामलिङ तथा कोषध्यक्षमा लालबहादुर सुनुवार रहेका छन् भने जातिय संस्था नेवाः देय् दबु भक्तपुरको सिफारिसमा नरेश नेवाः र कृष्णप्रसाद प्रजापति रहेका छन् भने सुनुवार सेवा समाजको सिफरिसमा कमलमाया सुनुवार समेत गरी १४ जनाको कार्यसमिति सर्वसम्मतीबाट निर्वाचित भएका छन् ।
