21/06/2025
पूर्व-पश्चिम राजमार्गको चितवनमा दुई वटा यात्रुवाहक सवारी साधन एक आपसमा ठोक्किँदा गर्भवती महिला सहित ७ जनाको मृत्यु भएको छ।
धनगढीबाट काँकडभिट्टा तर्फ जाँदै गरेको बस र मकवानपुरबाट नारायणगढ तर्फ जाँदै गरेको विद्युतीय माइक्रो खहरेपुलमा दुर्घटनामा परेका थिए।
चितवनका प्रहरी नायक उपरक्षक रवीन्द्र खनालका अनुसार गर्भवती महिलालाई उनका श्रीमान् र सालसुले हेटौँडाबाट भरतपुर अस्पताल लैजाने क्रममा तीनै जना सवार माइक्रो दुर्घटनामा परेको थियो।
दुर्घटनामा २४ जना घाइते भएका छन्। उनीहरूको भरतपुरका विभिन्न अस्पतालमा उपचार भइरहेको प्रहरीले जनाएको छ।
