https://www.facebook.com/111518097052345/

Sports Hub, Bharatpur (2026)

29/05/2026

१८ चेस खेलाडी राष्ट्रिय प्रतियोगितामा छनोट
१५ जेष्ठ, मेचिनगर।
झापाको काँकडभिट्टास्थित मेचिनगरमा सम्पन्न राष्ट्रिय “बी” चेस प्रतियोगिताबाट ९ पुरुष तथा ९ महिला खेलाडी राष्ट्रिय प्रतियोगिताका लागि छनोट भएका छन्।
नाइट चेस क्लबको स्थानीय व्यवस्थापनमा सम्पन्न प्रतियोगितामा पुरुषतर्फ ६ जना खेलाडीले समान ६ अंक जोडेका थिए। फिडे टाइब्रेक नियम अन्तर्गत डाइरेक्ट इन्काउन्टर, बुकोल्ज कट–१ र कट–२ का आधारमा प्रोग्रेसिभ ३७.५ अंकसहित रिसोन थापा विजेता बने।
प्रोग्रेसिभ ३५.५ अंकसहित कमल श्रेष्ठ दोस्रो, ३४.५ अंकसहित एआईएम अभिक शाह तेस्रो, ३४ अंकसहित धिरेन राई चौथो तथा ३२ अंकसहित ज्वाला इम्बुङ पाँचौं स्थानमा रहे।
समान ५.५ अंक जोड्ने ८ खेलाडीमध्ये प्रोग्रेसिभ ३९.५ अंकका आधारमा मुहान नरसिंह श्रेष्ठ छैटौं भए। सिएम पुरुषोत्तम चौलागाईं ३८ अंकसहित सातौं तथा ३७.५ अंकका साथ सिएम शुश्रुत दहाल र आशिष फूयाँल राष्ट्रिय प्रतियोगिताका लागि छनोट भए।
महिलातर्फ पूजा भण्डारी र कृतिसरा अधिकारीले समान ५ अंक जोडे। टाइब्रेकमा २० अंक प्राप्त गर्दै पूजा भण्डारी विजेता बनिन् भने १७.५ अंकसहित कृतिसरा अधिकारी दोस्रो स्थानमा रहिन्।
बिनिता कपाली ४ अंक र प्रोग्रेसिभ २१ अंकका साथ तेस्रो स्थानमा रहिन्। समान ४ अंक भए पनि प्रोग्रेसिभ १९ अंकका आधारमा प्रिया क्षेत्री चौथो तथा १६.५ अंकसहित एन्जल महर्जन पाँचौं भइन्।
त्यस्तै समान ३.५ अंकसहित सुशीला गुरुङ छैटौं, नुमा सुब्बा सातौं, निहाना श्रेष्ठ आठौं र प्रविशा दवाडी नवौं स्थानमा रहे।
यससँगै आगामी जेठ २९ गतेदेखि असार ४ गतेसम्म भक्तपुरमा सञ्चालन हुने २६औं राष्ट्रिय पुरुष बुद्धिचाल प्रतियोगितामा नेपाल च्याम्पियन एफएम रुपेश जैसवाल, द्वितीय सिएम पुरुषोत्तम सिलवाल तथा तृतीय राजन सुवेदीसँग छनोट खेलाडीहरूको प्रतिस्पर्धा हुने भएको छ।
त्यस्तै ११औं राष्ट्रिय महिला बुद्धिचाल प्रतियोगितामा नेपाल महिला च्याम्पियन सिन्दिरा जोशी, पुनम प्रसाईं तथा इशा गिरीसँग छनोट खेलाडीहरूले प्रतिस्पर्धा गर्नेछन्।
नेपाल च्याम्पियनसिपको ढाँचाअनुसार राष्ट्रिय “बी” बाट छनोट भएका ९ खेलाडीले वर्तमान शीर्ष ३ राष्ट्रिय खेलाडीसँग राउन्ड रोबिन प्रणालीमा प्रतिस्पर्धा गर्नेछन्। उक्त प्रतियोगिताबाट नयाँ राष्ट्रिय विजेता तथा शीर्ष १२ वरियता निर्धारण हुनेछ।
आगामी राष्ट्रिय प्रतियोगिताबाट पुरुष र महिला दुवै विधाका शीर्ष चार–चार खेलाडी तथा वर्तमान राष्ट्रिय विजेता एफएम रुपेश जैसवाल र सिन्दिरा जोशीले चेस ओलम्पियाडमा नेपालको प्रतिनिधित्व गर्नेछन्।
नेपाल बुद्धिचाल महासंघका अध्यक्ष हेराकाजी महर्जनका अनुसार सेप्टेम्बर १५ देखि २७ सम्म उज्बेकिस्तानको समरकन्दमा आयोजना हुने ४६औं चेस ओलम्पियाडमा पुरुष र महिला गरी १० जना नेपाली खेलाडी सहभागी गराइनेछ।

29/05/2026

ब्राजिलका स्टार फुटबलर Neymar Jr. फेरि चोटग्रस्त भएका छन्। अन्तर्राष्ट्रिय मिडियाका अनुसार उनको दाहिने खुट्टाको पिँडुलामा (calf) मांसपेशी च्यातिएको छ, जसका कारण उनी २–३ हप्ता मैदान बाहिर रहने सम्भावना छ। त्यसैले FIFA World Cup 2026 मा ब्राजिलको पहिलो खेल गुमाउन सक्ने चिन्ता बढेको छ।

28/05/2026

१४ जेठ, झापा । राष्ट्रिय ‘बी’ बुद्धिचाल च्याम्पियनसिप अन्तर्गत खुल्ला तथा महिलातर्फको प्रतिस्पर्धा निकै रोमाञ्चक बनेको छ। खुल्ला तथा महिला दुवै विधाबाट शीर्ष ९ खेलाडी राष्ट्रिय च्याम्पियनसिपका लागि छनोट हुनेछन्।
खुल्लातर्फ सर्लाहीका कमल श्रेष्ठ, सुनसरीका मुहान नरसिंह श्रेष्ठ र पाँचथरका रिशोन थापा समान ५ अंकसहित शीर्ष स्थानमा रहेका छन्। ४.५ अंकसहित सीएम सुश्रुत दाहाल, आशिष फुयाल, धिरेन राई, सीएम पुरुषोत्तम चौलागाईं र एआइएम अभिक शाहले पनि कडा चुनौती दिइरहेका छन्।
महिलातर्फ कास्कीकी पूजा भण्डारी र झापाकी कृतिसारा अधिकारी समान ४.५ अंकसहित छनोट पक्का गर्न सफल भएका छन्। काठमाडौंकी बिनिता कापाली र प्रिया क्षेत्री ३.५ अंकसहित छनोट नजिक पुगेका छन् भने अन्य खेलाडीबीच अन्तिम चरणमा कडा प्रतिस्पर्धा हुने भएको छ।
प्रतियोगिता मेचिनगर, काँकडभिट्टास्थित खानेपानी तथा सरसफाइ सभाहलमा सञ्चालन भइरहेको छ भने समापन १५ जेठमा हुनेछ।

26/05/2026

१२ जेठदेखि झापाको मेचीनगरस्थित खानेपानी तथा सरसफाइ हलमा राष्ट्रिय ‘बी’ बुद्धिचाल च्याम्पियनसिप सुरु भएको छ। नेपाल बुद्धिचाल महासंघद्वारा आयोजित प्रतियोगिता २६औँ राष्ट्रिय पुरुष तथा ११औँ राष्ट्रिय महिला च्याम्पियनसिपको छनोट प्रतियोगिता हो।
देशभरका ७८ खेलाडी सहभागी रहेको प्रतियोगितामा स्विस प्रणालीअनुसार क्लासिकल फर्म्याटमा खेल सञ्चालन भइरहेको छ। खुलातर्फ दुई चरणको समाप्तिसम्म रिसोन थापा २ अंकसहित अग्रस्थानमा छन्। उनीसँगै सीएम पुरुषोत्तम चौलागाईं, सीएम सुश्रुत दाहाल, आशिष फूँयाल, मुहान नरसिंह श्रेष्ठ, धिरेन राई र सुरोज महर्जन शीर्ष समूहमा रहेका छन्।
महिलातर्फ पहिलो चरणपछि कृतिसरा अधिकारीसहित शान्ति धिमाल, बिनिता कापाली, पूजा भण्डारी र सुशिला गुरुङले विजयी सुरुवात गरेका छन्।
प्रतियोगिताका खुला तथा महिला दुवै विधाका शीर्ष ९ खेलाडीले नगद पुरस्कार प्राप्त गर्नेछन् भने उत्कृष्ट ३ खेलाडीले नेपाल च्याम्पियनसिपका लागि राउण्ड रोबिन खेल्ने अवसर पाउनेछन्।

25/05/2026

नेपाल बुद्धिचाल महासंघको विशेष साधारणसभाले अध्यक्ष र महासचिवविरुद्ध वरिष्ठ उपाध्यक्ष दिपेन राई समूहले दर्ता गरेको अविश्वास प्रस्ताव सर्वसम्मत रूपमा अस्वीकृत गरेको छ। पहिलोपटक आह्वान गरिएको सभा गणपूरक संख्या नपुगेपछि विधानअनुसार दोस्रोपटक जेष्ठ ११ गते हेटौंडामा सभा सम्पन्न गरिएको थियो।
सभामा ३३ प्रतिशतभन्दा बढी प्रतिनिधिको उपस्थिति रहेको थियो भने बागमती प्रदेश सभासद् एकालाल श्रेष्ठ प्रमुख अतिथि र फिडे डेलिगेट दिलजित खन्ना विशिष्ट अतिथि रहेका थिए। प्रतिनिधिहरूले आर्थिक पारदर्शिता, खेलाडी हित, मानव तस्करी लगायत विषयमा प्रश्न उठाएका थिए भने अध्यक्ष र महासचिवले महासंघ सुधारका योजनासहित प्रतिरक्षा प्रस्तुत गरेका थिए।
सभाले महासंघको गरिमामाथि असर पर्ने भ्रामक गतिविधि नगर्न चेतावनी दिँदै समग्र विषयमा पत्रकार सम्मेलन गर्ने निर्णय समेत गरेको प्रवक्ता राजु ताम्राकारले जानकारी दिएका छन्।

24/05/2026

नेपाल बुद्धिचाल महासंघको विशेष साधारणसभा अविश्वास प्रस्तावका कारण पहिलो पटक आवश्यक गणपूरक संख्या नपुगेपछि निर्णय हुन सकेन। विधान अनुसार ३३% उपस्थितिमा दोस्रो पटक सभा ११ गते सोमबार बिहान ९ बजे पुनः बोलाइएको छ। अध्यक्ष र महासचिव विरुद्धको अविश्वास प्रस्तावमाथि त्यही दिन छलफल र निर्णय हुने बताइएको छ।

24/05/2026

नेपाल A ले इन्डियाको डोमेस्टिक टोलीहरुसँग खेल खेल्न आफ्नो टोली घोषणा गरेको छ।
📸CAN

24/05/2026

क्यानले एसियन गेम्स छनोट प्रतियोगिताको लागि नेपाली क्रिकेट टोलीको घोषणा गरेको छ।
📸CAN

23/05/2026

नेपाल बुद्धिचाल महासंघको विशेष साधारणसभा भोलि हेटौंडामा हुने भएको छ। अध्यक्ष हेराकाजी महर्जन र महासचिव धरमबहादुर लामा विरुद्ध वरिष्ठ उपाध्यक्ष दिपेन राईसहित ४० प्रतिनिधिले दर्ता गरेको अविश्वास प्रस्तावमाथि छलफल तथा निर्णय गरिनेछ। महासंघको विधानअनुसार सभा आह्वान गरिएको हो। फिडे डेलिगेट अमित खन्ना पर्यवेक्षकका रूपमा हेटौंडा पुगेका छन् भने शनिबार साँझसम्म ५२ प्रतिनिधि उपस्थित भइसकेका छन्। अविश्वास प्रस्ताव पारित गर्न दुई तिहाइ मत आवश्यक पर्नेछ।

22/05/2026

भक्तपुरको सूर्यविनायक रिसोर्टमा सम्पन्न दोस्रो राष्ट्रिय जुनियर चेस च्याम्पियनसिपमा एआईएम अभिक शाह र दानिसा पुरी जुनियर चेस च्याम्पियन बनेका छन्। अभिकले सबै खेल जित्दै ९ अंकसहित उपाधि जिते भने छात्रातर्फ दानिसाले ६ अंक जोड्दै च्याम्पियन बनिन्। प्रतियोगितामा विभिन्न उमेर समूहका उत्कृष्ट खेलाडीलाई समेत नगद, मेडल र ट्रफी प्रदान गरिएको थियो।

22/05/2026

रेकर्ड ब्रेकिङ प्रदर्शन! 🇳🇵🔥
नेपालले आज अमेरिकाविरुद्ध पहिले ब्याटिङ गर्दै ODI इतिहासकै आफ्नो सर्वाधिक स्कोर ३१७ रन बनाएको छ। ❤️🏏

Sports Hub

29/05/2026

29/05/2026

28/05/2026

26/05/2026

25/05/2026

24/05/2026

24/05/2026

24/05/2026

23/05/2026

22/05/2026

22/05/2026

Address

Telephone

Website

Alerts

Shortcuts

Share

Category