Aviyan TV

11/06/2026

11/06/2026

लागुऔषध नियन्त्रणमा कडाइ गर्न गृह मन्त्रालयलाई राज्य व्यवस्था समितिको निर्देशन
काठमाडौं, जेठ २८ —
प्रतिनिधिसभा अन्तर्गतको राज्य व्यवस्था तथा सुशासन समिति ले देशभर बढ्दो लागुऔषध दुव्र्यसन तथा ओसारपसार नियन्त्रणका लागि गृह मन्त्रालय लाई विशेष निर्देशन दिएको छ।
सिंहदरबारमा बुधबार बसेको समितिको बैठकले लागुऔषध नियन्त्रण ब्यूरोको आर्थिक वर्ष २०८२/८३ को हालसम्मको कार्यप्रगति तथा आगामी तीनवर्षीय कार्ययोजनाबारे छलफल गर्दै नियन्त्रण अभियानलाई थप प्रभावकारी बनाउन कानुनी तथा संस्थागत सुधारका कदम अघि बढाउन निर्देशन दिएको हो।
बैठकमा गृहमन्त्री सुधन गुरुङ तथा प्रहरी प्रमुख दानबहादुर कार्की सहभागी हुनुहुन्थ्यो।
समिति सभापति हरि ढकाल ले लागुऔषध नियन्त्रणसम्बन्धी विद्यमान ऐन, नियम तथा कानुनी व्यवस्थामा आवश्यक सुधार गर्न कानुन, न्याय तथा संसदीय मामिला मन्त्रालय सँग समन्वय गरी सुधार प्रक्रिया अघि बढाउन गृह मन्त्रालयलाई निर्देशन दिनुभएको छ।
समितिले लागुऔषध नियन्त्रण अभियानको प्रभावकारिता मूल्याङ्कन गर्न मन्त्रालयस्तरीय समिति गठन गरी अध्ययन प्रतिवेदन तयार गर्न र उक्त प्रतिवेदन २०८३ कात्तिक १५ गतेभित्र समितिमा पेश गर्न पनि निर्देशन दिएको छ। साथै त्यसपछि प्रत्येक तीन–तीन महिनामा प्रगति तथा मूल्याङ्कन प्रतिवेदन समितिमा पेश गर्ने व्यवस्था मिलाउन भनिएको छ।
बैठकले लागुऔषध नियन्त्रण ब्यूरोको कार्यक्षमता र क्रियाशीलता बढाउन आवश्यक न्यूनतम स्रोत–साधनको सुनिश्चितता गर्न तथा ब्यूरोको संस्थागत क्षमता अभिवृद्धिका लागि मध्यम तथा दीर्घकालीन योजना तयार गरी कार्यान्वयनमा ल्याउन समेत गृह मन्त्रालयलाई निर्देशन दिएको छ।
विभिन्न उपसमिति गठन
समितिले आफ्नो कामकारबाहीलाई थप प्रभावकारी, व्यवस्थित र गतिशील बनाउन विभिन्न उपसमिति गठन गरेको छ।
माननीय कमल सुवेदी को संयोजकत्वमा ११ सदस्यीय कार्यविधि मस्यौदा तर्जुमा उपसमिति तथा माननीय श्रद्धा कुँवर क्षेत्री को संयोजकत्वमा ७ सदस्यीय उजुरी अध्ययन तथा सिफारिस उपसमिति गठन गरिएको छ।
त्यसैगरी प्रधानमन्त्री तथा मन्त्रिपरिषद्को कार्यालय र रक्षा मन्त्रालयसँग सम्बन्धित विषयको अध्ययन तथा सहजीकरणका लागि माननीय अमरेश कुमार सिंह को संयोजकत्वमा ७ सदस्यीय उपसमिति गठन गरिएको छ। गृह मन्त्रालयसम्बन्धी कामकारबाहीको अध्ययन तथा सहजीकरणका लागि माननीय दिपक बोहोरा को संयोजकत्वमा तथा संवैधानिक निकायहरूको अध्ययनका लागि माननीय सुरेन्द्र चौधरी को संयोजकत्वमा ७–७ सदस्यीय उपसमिति गठन गरिएको छ।
कारागार तथा क्षेत्रीय कार्यालयको स्थलगत अनुगमन हुने
समितिले अख्तियार दुरुपयोग अनुसन्धान आयोग अन्तर्गतका बर्दिबास, इटहरी, बाँके, कञ्चनपुर र हेटौँडास्थित क्षेत्रीय कार्यालयका साथै जलेश्वर, बर्दिया, कैलाली, झुम्का र भिमफेदीस्थित कारागार कार्यालयहरूको संयुक्त स्थलगत अनुगमन गर्ने निर्णय गरेको छ।
अनुगमनका लागि ५ जना सांसद र २ जना कर्मचारीसहित ७ सदस्यीय टोली गठन गर्ने जिम्मेवारी समिति सभापति हरि ढकाललाई दिइएको समितिका सचिव विशाल सापकोटा ले जानकारी दिनुभयो।
समितिले लागुऔषध नियन्त्रणलाई राष्ट्रिय चुनौतीका रूपमा लिएर कानुनी सुधार, संस्थागत सुदृढीकरण तथा नियमित अनुगमनमार्फत नियन्त्रण अभियानलाई थप प्रभावकारी बनाउने प्रतिबद्धता व्यक्त गरेको छ।

11/06/2026

आर्थिक वर्ष २०८३/०८४ मा चितवन क्षेत्र नं.१ का लागि विकास तथा पूर्वाधार निर्माणका लागि संघीय सरकारबाट विभिन्न महत्वपूर्ण योजनाहरूमा बजेट विनियोजन भएको छ। पूर्वी चितवनको समग्र विकास, सडक सञ्जाल विस्तार, पुल निर्माण, शिक्षा, कृषि तथा आवास क्षेत्रमा उल्लेखनीय लगानी सुनिश्चित भएको छ।
विनियोजित योजनाहरू तथा बजेट तपसिल बमोजिम छन्

29/05/2026

पूर्वी चितवनका लागि ऐतिहासिक बजेट : सांसद हरि ढकाल
रत्ननगर, जेठ १५ ।
अर्थमन्त्री स्वर्णीम वाग्लेले प्रस्तुत गरेको आर्थिक वर्ष २०८३/८४ को बजेटलाई चितवन क्षेत्र नम्बर १ का सांसद हरि ढकालले पूर्वी चितवनका लागि ऐतिहासिक बजेट भनेका छन् ।
सांसद ढकालले सामाजिक संजालमा स्टाटस लेख्दै बजेटले २०४८ सालदेखि बहस हुँदै आएको मझिमटार–शक्तिखोर १०.६ किलोमिटर बहुआयामिक सुरुङ मार्गको अध्ययनका लागि बजेट विनियोजन गरेको छ जसले त्रिशुलीको पानीबाट पूर्वी चितवनमा सिंचाइ गर्न सहज बनाउने छ । यसैगरी चेपाङ समुदायका बालबालिकालाई आधारभूत शिक्षामा पहुँच सुनिश्चित गर्न आवासीय विद्यालय सञ्चालन योजनामा पनि बजेट छुट्ट्याइएको छ । पूँजीबजारको अन्तिम करलाई टुङ्गो लगाउने व्यवस्था गरिएको छ भने कृषि क्षेत्रलाई उच्च प्राथमिकता दिइएको छ र निजी क्षेत्रको मनोबल बढाउने नीति लिइएको छ ।
सांसद ढकालले यस बजेटले पूर्वी चितवनको विकासमा बजेटको विभेदीकरण अन्त्य गर्ने विश्वास व्यक्त गरेका छन् । बाँकी योजनाहरू रातो किताबमा समेटिएर क्रमशः आउने पनि उनले उल्लेख गरेका छन् ।

02/05/2026

रत्ननगर खानेपानी तथा सरसफाइ संस्थाको निर्वाचन भोलि वैशाख २० मा हुँदै
सबै दल भर्सेज रास्वपा मैदानमा
यस्तो छ त रास्वपाको एकल टीम

"रत्ननगरको शान, स्वच्छ ,शुद्ध खानेपानी हाम्रो अभियान"
रत्ननगर खानेपानी तथा सरसफाइ उपभोक्ता संस्था को आसन्न यही वैशाख २० गते हुने निर्वाचनमा रास्वपाको समर्थनमा पुराना दलहरुको गठबन्धन विरुद्ध नन्दु केशरी खनाल समूह चुनाव चिन्ह केराको समूहका उमेदवार उपाध्यक्षमा प्रह्लाद ठाकुर , सचिवका उमेदवार टेकनाथ प्रसाईं ,कोषाध्यक्षका उमेदवार जयन्ती रानाभाट, सदस्यका उमेदवारहरु वद्री प्रसाद सुवेदी, टंक प्रसाद भट्ट, मित्रराज पाठक, रेनुका खनाल र संगीता बस्ताकोटी साथै लेखा समिति संयोजकमा पुण्य प्रसाद देवकोटा, लेखा सदस्यहरु तिलक पौडेल र कल्पना अर्यालरहेका छन् ।

मतदान वडा नं.१ देखि १३ वटै वडामा एकैसाथ हुदैछ । मतदानका लागि खानेपानी संस्थाले जारी गरेको परिचयपत्र वा सरकारी मान्यता प्राप्त जुनसुकै परिचय खुल्ने कागजात हेरी मतदान सहभागी हुन पाईने , जसको नाममा धारा जडान भएको छ , उ स्वयं व्यक्तिले मात्र मतदानमा सहभागी हुने तथा अशक्त, वृद्ध तथा दृष्टिविहिनलाई एकाघरको व्यक्तिले मात्र वा मतदान अधिकृतको सहायताले सहभागी हुन पाउने प्रमुख निर्वाचन अधिकृतले जनाउनुभएको छ ।

02/05/2026

रत्ननगर खानेपानी तथा सरसफाइ संस्थाा रत्ननगर, चितवनको आसन्न वैशाख २० गते हुने निर्वाचनमा रास्वपाको समर्थनमा अध्यक्ष पदका उमेदवार नन्दु केशरी खनाल , आफ्नो एजेण्डा उपभोक्ता माझ राख्दै

28/04/2026

चितवनमा लोक भजन–चुड्का संरक्षण प्रतिष्ठानको प्रथम जिल्ला अधिवेशन सम्पन्न
चितवन । राष्ट्रिय लोक भजन चुड्का संरक्षण प्रतिष्ठान जिल्ला शाखा चितवनको प्रथम जिल्ला अधिवेशन सम्पन्न भएको छ। तदर्थ समिति अध्यक्ष टिकाराम शर्मा लामिछानेको सभाध्यक्षतामा सम्पन्न अधिवेशनमा संस्थापक केन्द्रीय अध्यक्ष प्रजापति पराजुली प्रमुख अतिथिका रूपमा उपस्थित हुनुहुन्थ्यो।

कार्यक्रममा बागमती इन्चार्ज नविन पौडेल, रत्ननगर नगरपालिका–९ का वडाध्यक्ष अनन्त अधिकारी, बागमती प्रदेश अध्यक्ष गोविन्द प्रसाद नेपाल विशिष्ट अतिथिका रूपमा सहभागी हुनुहुन्थ्यो। त्यसैगरी प्रदेश तथा जिल्ला सल्लाहकार सोम सापकोटा, चितवन जिल्ला प्रहरी प्रमुख एसपी गोविन्द पुरी, बागमती प्रदेश महिला उपाध्यक्ष पुनम बस्याल, सल्लाहकार गोविन्द सापकोटा, पुष्पाञ्जली भजन समूहका उपाध्यक्ष मिनराज बास्तोला तथा पूर्वी चितवन पत्रकार मञ्चका अध्यक्ष होमनाथ सापकोटा अतिथिका रूपमा उपस्थित रहनुभएको थियो।

कार्यक्रममा तदर्थ समिति उपाध्यक्ष वेद प्रसाद आचार्यले स्वागत मन्तव्य राख्नुभएको थियो भने प्रमुख अतिथि प्रजापति पराजुलीले भजन गाएर कार्यक्रमको समुद्घाटन गर्नुभएको थियो।

अधिवेशनमा प्रदेश तथा जिल्ला सल्लाहकार सोम सापकोटा, बागमती प्रदेश अध्यक्ष गोविन्द प्रसाद नेपाल, वडाध्यक्ष अनन्त अधिकारी, बागमती इन्चार्ज नविन पौडेल तथा संस्थापक केन्द्रीय अध्यक्ष प्रजापति पराजुलीले मन्तव्य व्यक्त गर्दै लोक भजन–चुड्का संरक्षण र प्रवर्द्धनमा सबैको सहकार्य आवश्यक रहेको बताएका थिए।

अधिवेशनले सर्वसम्मत रूपमा नयाँ कार्यसमिति चयन गरेको छ। जसअनुसार अध्यक्षमा टिकाराम शर्मा लामिछाने, उपाध्यक्षमा उद्धव अर्याल, सचिवमा रामु आचार्य, कोषाध्यक्षमा हिमाल खनाल, सह–सचिवमा लक्ष्मी रेग्मी र सह–कोषाध्यक्षमा रुपा पौडेल चयन हुनुभएको छ।

त्यसैगरी सदस्यहरूमा रुपा पौडेल बी, सीता पाण्डे, विष्णु पन्थी, सीता कंडेल, विनु सुवेदी, मिनराज बास्तोला, विन्दु अर्याल, प्रकाशमणि सापकोटा, राजेन्द्र हमाल र कृष्ण अधिकारी चयन हुनुभएको छ भने अन्य सदस्यहरू मनोनयन गर्न बाँकी रहेको जनाइएको छ।

अधिवेशनले सोम प्रसाद सापकोटा, वेद प्रसाद आचार्य, कमल पौडेल र गोविन्द सापकोटालाई सल्लाहकार समितिमा चयन गरेको छ।

नवगठित कार्यसमितिले लोक भजन तथा चुड्का संस्कृतिको संरक्षण, प्रवर्द्धन र पुस्तान्तरणमा सक्रिय भूमिका खेल्ने प्रतिबद्धता व्यक्त गरेको छ।

06/03/2026

शुभरात्री
चितवन १ को ताजा अपडेट
(राप्ती नगरपालिका र रत्ननगरको १४,१५ र १६ नं. वडाको कुल गणनामा)

🔔 हरि ढकाल (राष्ट्रिय स्वतन्त्र पार्टी) – 18184
सूर्य - दावा दोर्जे लामा( नेकपा एमाले) – 5919
🌲 राजेन्द्र बुर्लाकोटी (नेपाली कांग्रेस) – 4461
तारा - डा. कृष्णराज पन्त- 2012
हलो- बलराम खनाल ( राप्रपा) - 914
मतान्तर = 12265

08/02/2026

चितवन क्षेत्र नं.१ राष्ट्रिय स्वतन्त्र पार्टीले रत्ननगर वडा नं. १० को निर्वाचन केन्द्रीत वडा सम्पर्क कार्यालय स्थापना गरेकाे छ ।
चितवन क्षेत्र नं.१ का उमेदवार हरि ढकालको विशेष आतिथ्यता र ९९ वर्षीय स्थानीय लोक बहादुर अधिकारीको उपस्थितिमा उक्त सम्पर्क कार्यालय शुभारम्भ भएको हो । कार्यक्रममा राष्ट्रिय स्वतन्त्र पार्टीका विभिन्न तहका नेता तथा स्थानीयवासीहरुको उल्लेख्य सहभागीता रहेको थियो । कार्यक्रममा बोल्दै उमेदवार हरि ढकालले देशले परिवर्तन खोजिरहेको र त्यसका लागि राष्ट्रिय स्वतन्त्र पार्टीले हिजोका दिनमा देखाएको परिवर्तनकामी अभ्यासलाई अब बहुमत सहितको सरकार गठन गरि पार्टी देशमै स्वरोजगारी , शिक्षा ,स्वास्थ , कृषि र पर्यटनमा दीगो विकासका नीतिहरु अवलम्बन गर्ने र आम जनजीविकाका विषयमा निरन्तर साथ सहयोग गर्ने प्रतिबद्धता व्यक्त गर्दै आफ्नो पार्टीलाई जिताउन अपिल गरेका छन् । कार्यक्रम रास्वपाका वडा सभापति कृष्ण पौडेलको सभापतित्व र सचिवालय संयोजक वेद प्रसाद आचार्यको संचालनमा भएको थियो । कार्यालय ृद्घाटन पश्चात् सोही वडामा घरदैलो समेत गरेका थिए । घरदैलोको क्रममा स्थानीयहरुले परिवर्तनका लागि भोट दिने वचन र जितका लागि आशिर्वाद दिएका थिए ।