30/05/2026
आज विराटनगरको एक मात्र चर्चित @“इको फाउन्टेन पार्क”@पुग्ने मौका मिल्यो ।
मन दुख्यो… करोडौं रुपैयाँ खर्च भएको परियोजनाको अवस्था आज बेहाल छ ।
जुन ठाउँ परिवार, बालबालिका र युवाहरुको रमाइलो र विश्रामको केन्द्र बन्नुपर्थ्यो, आज त्यही ठाउँ कचरा फाल्ने थलो जस्तै बनेको छ ।
अव्यवस्था, बेवास्ता र फोहोरले भरिएको यो दृश्यले विकासको वास्तविकता देखाइरहेको छ ।
जनताको करबाट बनेको संरचना यसरी बिग्रिनु केवल कमजोरी होइन, यो सीधा जनताको पैसाको दुरुपयोग र भ्रष्टाचारको संकेत हो ।
करोडौं खर्च गर्ने तर संरक्षण र व्यवस्थापन नगर्ने हो भने, त्यो विकास होइन — केवल बजेट सक्ने खेल मात्र हो ।
विराटनगर महानगरपालिका, मेयर र उपमेयरज्यू —
गफ, भाषण र झुटा आश्वासनले अब पुग्दैन ।
जनताले काम खोजिरहेका छन्, जिम्मेवारी खोजिरहेका छन् ।
विराटनगर परिवर्तन पोस्टर र प्रचारले होइन, इमानदार काम र सही व्यवस्थापनले हुन्छ ।
