https://www.facebook.com/152654411480781/

News Point, Belbari, Morang, Biratnagar (2025)

09/03/2023

राप्रपाका १४ जना सांसद सहित अरु थुप्रै सांसद मतदान गर्न गएनन्

आज भएको राष्ट्रपति निर्वाचनमा प्रतिनिधि सभातर्फ ३१३ र प्रदेशतर्फ ५१८ जनाले मतदान गरेका छन् ।बानेश्वरस्थित राष्ट्रपति तथा उपराष्ट्रपति निर्वाचन अधिकृतको कार्यालयका सहायक निर्वाचन अधिकृत अमृता कुमारी शर्माका अनुसार दिउँसो ३ बजेसम्ममा राष्ट्रपति निर्वाचनको मतदानको कार्य अन्तिम चरणमा पुगेको हो।यसअघि राष्ट्रपति निर्वाचनका लागि निर्वाचन आयोगले सङ्घीय संसद्का ३३१ र प्रदेश सभाका ५५० गरी जम्मा ८८१ मतदाता नामावली प्रकाशन गरेको थियो।मतदानमा अनुपस्थित हुनेमा राप्रपाका १४ जना सांसद रहेका छन् । त्यस्तै नेमकिपाका प्रेम सुवाल पनि मतदानमा सहभागी भएनन् । त्यसैगरी माओवादी सांसद वर्षमान पुन र कांग्रेस सांसद उपचारका लागि चीन र भारतमा रहेका छन् ।त्यस्तै एमालेका फरार सांसद लक्ष्मी महतो कोइरी पनि मतदानमा सहभागी भएनन् । प्रदेशतर्फ पनि राप्रपाका २८ र नेमकिपाका ३ सांसद मतदानमा सहभागी भएनन् ।राष्ट्रपति पदमा पूर्व सभामुख एवम् नेपाली कांग्रेसका वरिष्ठ नेता रामचन्द्र पौडेल र पूर्व सभामुख एवम् नेकपा एमाले उपाध्यक्ष सुवासचन्द्र नेम्वाङ दुई जना उम्मेदवार छन् ।

09/03/2023

राष्ट्रपति निर्वाचनको मतदान सकियो, ४ बजेदेखि मतगणन

काठमाडौँ । विहान १० बजेबाट शुरु भएको राष्ट्रपति निर्वाचनको मतदान सकिएको छ । राष्ट्रपति तथा उपराष्ट्रपति निर्वाचन अधिकृतको कार्यालयका अनुसार संघीय संसदतर्फ ३१३ र प्रदेशसभातर्फ ५१८ मत खसेको छ ।
संघीय संसद्का ३३१ सांसदमध्ये ३१३ ले मतदान गरेका हुन् । मतदानमा अनुपस्थित हुनेमा राप्रपाका १४ जना सांसद रहेका छन् । त्यस्तै नेमकिपाका प्रेम सुवाल पनि मतदानमा सहभागी भएनन् । त्यसैगरी माओवादी सांसद वर्षमान पुन र कांग्रेस सांसद उपचारका लागि चीन र भारतमा रहेका छन् ।त्यस्तै एमालेका फरार सांसद लक्ष्मी महतो कोइरी पनि मतदानमा सहभागी भएनन् । प्रदेशतर्फ पनि राप्रपाका २८ र नेमकिपाका ३ सांसद मतदानमा सहभागी भएनन् ।संघीय संसद् सदस्यको मतभार ७९ छ भने प्रदेशसभा सदस्यको ४८ छ । दुवै सभाको तत्काल कायम रहेका मतदाताको कुल मतभार भने ५२ हजार ६ सय २८ रहेको छ । तत्काल कायम रहेको कुल मतको बहुमत प्राप्त गर्ने व्यक्ति राष्ट्रपति निर्वाचित हुनेछ राष्ट्रपति निर्वाचनको मतगणना ४ बजेदेखि गर्ने तयारी भएको छ ।

09/03/2023

बेलबारीमा धारिलो हतियार प्रयोग गरि श्रीमानले गरे श्रीमतीको हत्या

बेलबारी । मोरङको बेलबारीमा श्रीमानले श्रीमतीको हत्या गरेका छन् । बेलबारी १ नक्सालवारिका ५७ को हेम कर्ण महतले श्रीमती देवी महतलाई धारिलो हतियारले काटेर मारेको इलाका प्रहरी कार्यालय बेलबारीका प्रमुख उदय राणाले बताए ।
बिहीबार दिउसो १२ बजे तिर हत्या भएको प्रहरीले जनाएको छ । धारिलो हतियार प्रहार गर्दा टाउको तथा हातमा चोट देखिएको अनुसन्धानका क्रममा खुलेको प्रहरीले जनाएको छ । हेम कर्णका दुई श्रीमती थिए । देवी भने जेठी हुन । कान्छी श्रीमती भने छुटै विराटचोकमा बस्ने गरेकी थिइन ।
हेम कर्ण र देवीको बेलबारीमै मासु पसल समेत रहेको छ । मासु काट्ने दाउले काटेको हुन सक्ने प्रहरीको अनुमान रहको छ । श्रीमान् भने फरार रहेको र खोजी कार्य तीव्र बनाइएको प्रहरीले जनाएको छ ।

03/03/2023

लक्ष्मीमार्गमा बालबालिकाले आगो खेलाउँदा आगलागी

बेलबारी । मोरङको बेलबारी नगरपालिका वडा न ११ मुनाल पथ टोलमा शुक्रबार बिहान भएको आगलागी स्थानीयबासी र बारुणयन्त्रको पहलमा समयमै नियन्त्रणमा आउँदा ठुलो क्षति हुनबाट जोगिएको छ ।
स्थानीय दिपक रायमाझी्को गोठमा बालबालिकाले कार्टुनमा आगो बालेर खेलाउदा आगलागी भएको थियो । बेलबारी नगरपालिकाको दमकल मर्मतका क्रममा रहेकोले सुन्दरहरैचा र कानेपोखरीबाट आएको दमकल र स्थानीयले आष्गो नियन्त्रणमा लिएका थिए । आगलागीबाट कति क्षति भयो भन्ने बारेमा अनुसन्धान भईरहेको प्रहरीले जनाएको छ ।

03/03/2023

शर्मिला वाइबाले ‘विष सेवन’ गरेको पुष्ठि भएन, अस्पताल भन्छ– ‘नाटक गरेको हुन सक्छ’

पछिल्लो समय निकै सामाजिक सञ्जालमा भाइरल बनेकी शर्मिला वाइबाले बिहीबार विष सेवन गरेर वीर अस्पताल भर्ना भएको खबर बाहिरिएपछि त झनै तातिरहेको छ– सामाजिक सञ्जाल । तर, सामाजिक सञ्जालमा शर्मिलाले विष नै सेवन गरेर आत्महत्याको प्रयास गरेको भनिए पनि अस्पतालले भने अहिलेसम्म त्यो पुष्टि गरेको छैन ।अस्पताल स्रोतका अनुसार शर्मिला विषय सेवन गरिएको भन्ने घटना शंकास्पद देखिएको छ । किनकि वीर अस्पतालमा गरिएको शारीरिक परीक्षणमा विष सेवनको पुष्टि भएको छैन ।बाहिर बुधबार राति करिब १ बजेतिर विष सेवन गरेकी शर्मिलालाई उपचारका लागि वीर पुर्याइएको भनिएको छ । क्रिटिकल अवस्थामा रहेकी उनलाई अस्पताल पुर्याएर तत्काल आइसीयूमा भर्ना गरिएको भनिएको पनि छ । तर, अस्पताल स्रोतले बताएअनुसार शर्मिलालाई अस्पताल पुर्याउँदा उनी होसमै थिइन्, अब्जरभेसनका लागि मात्र आइसीयूमा भर्ना गरिएको हो ।अस्पताल भर्ना गरिएको केही समयपछि शर्मिलाको रगतमा विषको मात्र कति प्रतिशत छ भन्ने परीक्षण गर्न रगत टिचिङ अस्पताल लगिएको थियो । तर, परीक्षणमा रगतमा विषको मात्रा केही नदेखिएको अस्पताल स्रोतले जानकारी दिएको छ ।अस्पताल स्रोत यो पनि भन्छ कि कहिलेकाहीँ विषको असर ढिला पनि देखिन्छ र अहिल्यै निष्कर्षमा पुग्नु छिटो हुन्छ । तैपनि अहिलेसम्म शर्मिलाले विष सेवन गरेको हो भनेर अस्पतालले पुष्टि भने गरेको छैन ।अहिले शर्मिलाको श्वासप्रश्वास, ब्लड प्रेसर, धड्कन, मानसिक अवस्था सबै ठीक छ । ब्लड रिपोर्ट पनि पोजेटिभ छ । यद्यपि, अस्पताल अहिलेसम्म यो निष्कर्षमा छ– शर्मिलाले मुखमा विष हालेर थुकेको वा नखाइकन खाएको नाटक गरेको पनि गरेकी हुन सक्छ।अभिनेता पल शाहलाई स्वागत गर्न त्रिभुवन विमानस्थल पुगेकी शर्मिलालाई गायक राजेशपायल राईले पत्रकार ऋषि धमालसँग नाम जोडेर प्रश्न गरेपछि उनी चिढिँदै आएकी थिइन् । त्यसलगत्तै शर्मिलाले विष सेवन गरेपछि त्यहि कारण त होइन शर्मिलाले विष सेवन गरेको भनेर बजारमा प्रश्न चलेको छ ।

27/02/2023

पहिचान नखुलेको २ जना पुरूषको उपचारको क्रममा मृत्यू
मिति २०७९/११/१५ गते अन्दाजी ०९:०० बजे जिल्ला मोरङ बुढिगंगा गाउँपालिका वडा नं.- ४ स्थित दक्षिणबाट उत्तर तर्फ जाँदै गरेको बा ६३ प ४२७ नं. को मोटरसाईकल अनियन्त्रित भई बिजुलीको पोलमा ठक्कर खाई दुर्घटना हुँदा मोटर साईकल चालक र पछाडी सवार निम्न हुलिया भएका मानिसको विराट टिचिङ अस्पतालमा उपचारको क्रममा मृत्यू भएको र हाल उक्त लाश कोशी अस्पतालको शव गृहमा रहेको हुँदा सम्बन्धित आफन्तजनले जिल्ला प्रहरी कार्यालय मोरङको ९८५२०३८३५५ मा सम्पर्क राख्नु हुन अनुरोध गरिएको छ ।
निम्न:-
१) लिङ्ग : पुरूष
उमेर: अन्दाजी ३०/३५ बर्ष देखिने
उचाई: अन्दाजी ५ फिट ४.५ ईन्च
निलो र पहेलो कलरको ट्राकसुट लगाएको ।
२) ) लिङ्ग : पुरूष
उमेर: अन्दाजी २८/२९ बर्ष देखिने
उचाई: अन्दाजी ५ फिट ४ ईन्च
कालो जम्पर लगाएको ।

27/02/2023

प्रहरी भ्यानबाट हाम फालेर बलात्कार अभियुक्त फरार

धनुषा प्रहरीको भ्यानबाट हाम फालेर बलात्कार मुद्दाका एक अभियुक्त हतकडीसहित फरार भएका छन् ।बलात्कार मुद्दामा पक्राउ परेका धनुषाको सबैला नगरपालिका वडा नम्बर–१३ किरतपुरका २८ वर्षीय राजाबाबु मुखिया भ्यानबाट हाम फालेर फरार भएका हुन् ।आइतबार जिल्ला अदालत धनुषाबाट सात दिनको म्याद थप गरी इलाका प्रहरी कार्यालय फर्किदै गर्दा साँझ साढे ७ बजे यदुकुहास्थित कमला नहर नजिक भ्यानबाट हामफालेर भागेको धनुषाका प्रहरी प्रवक्ता डिएसपी वेदप्रसाद गौतमले बताए । रातिदेखि नै उनको खोजी कार्य तीव्र पारिएको उनले बताए ।गत माघ १५ गते इलाका प्रहरी कार्यालय सखुवा महेन्द्रनगरको हिरासत कक्ष फोडेर ६ जना थुनुवा फरार भएका थिए । उनीहरू मध्ये दुईजना अझै पक्राउ पर्न सकेका छैनन् ।

22/02/2023

डीआईजी अशोक सिंह राजीनामा दिने तयारीमा

नयाँ प्रहरी प्रमुखको दाबेदार मानिएका प्रहरी नायब महानिरीक्षक (डीआईजी) अशोक सिंहले राजीनामा दिने तयारी गरेका छन् । प्रहरी प्रधान कार्यालय पुगेर बुधबार (आज) उनले राजीनामा बुझाउने तयारी गरेका हुन् ।सिंहले राजीनामा दिएमा भावी आईजीपीको दौडमा डीआईजी वसन्त कुँवर, टेकप्रसाद राई र दीपक थापा मुख्य प्रतिष्पर्धी हुनेछन् ।बढुवाका लागि रस्साकस्सी चलिरहेका बेला सिंहको नागरिकता र प्रहरी सिटरोलमा रहेको उमेर फरक-फरक भेटिएपछि प्रहरी प्रधान कार्यालयले आन्तरिक छानबिन थालेको थियो । जन्ममिति विवाद सार्वजनिक भएपछि सिंह राजीनामा दिने तयारीमा लागेको स्रोतले बतायो ।
जिल्ला प्रशासन कार्यालय, कैलालीबाट जारी नागरिकता अनुसार उनको जन्ममिति २०२४ हुनुपर्ने हो ।सिंहको शैक्षिक प्रमाण पत्रमा जन्ममिति १६ पुस २०२५ जन्ममिति उल्लेख छ । त्यही अनुसार प्रहरी प्रधान कार्यालयको सिट रोलमा उनको जन्ममिति कायम गरिएको देखिएको छ ।तर, प्रहरी नियमवालीमा सेवा प्रदेश गर्दा सम्बन्धित व्यक्तिले लिएको नागरिकताको प्रमाण पत्र, शैक्षिक योग्यताको प्रमाण पत्र र वैयक्तिक विवरण सबैमा एउटै मिति नभए जुन मितिबाट पहिले अवकाश हुन्छ, सोही मितिका आधारमा हिसाब हुने भनिएको छ । त्यस अनुसार उनको जन्ममिति नागरिकता अनुसार कायम २०२४ कायम हुनुपर्ने प्रहरी प्रधान कार्यालयका अधिकृतहरु बताउँछन् ।नागरिकता अनुसारको उमेर कायम भएको भए सिंहले प्रहरी वरिष्ठ उपरीक्षक (एसएसपी) को उमेर हदका कारण २२ जेठ २०७९ मै अवकाश पाउनुपर्ने हो । सिटरोलमा फरक विवरण हुँदा उनी डीआईजी बढुवा मात्र भएनन्, एआईजी बढुवामा पनि बलियो दाबेदारी प्रस्तुत गरिरहेका थिए ।जन्ममितिको विवाद सहतमा आएपछि सिंहले आफूमाथि प्रतिशोध साँधिएको बताउने गरेका छन् । ‘यत्तिका वर्षसम्म कुनै समस्या भएको थिएन, अहिले आएर विवाद झिक्नु प्रतिसोध मात्र हो’, उनको दाबी छ ।प्रहरी प्रवक्ता डीआईजी पोषराज पोखरेलले भने यसबारे अनविज्ञता प्रकट गरे उनले भने, ‘बाहिर आएका विषयहरुबारे मात्रै जानकार छु, थप थाहा छैन ।’

22/02/2023

बसले ठक्कर दिँदा बेलबारी २ का चौहानको मृत्यु

बेलबारी । मोरङको बेलबारीमा यात्रुबहाक बसले ठक्कर दिँदा बुधबार बिहान साइकलयात्री एक जना युवकको मृत्यु भएको छ । अर्का युवक घाइते भएका छन् ।
प्रहरीका अनुसार ना ५ ख ६९४२ नम्बरको बसले पूर्व–पश्चिम लोकमार्गअन्तर्गत बेलबारी नगरपालिका–१ मा एकैपटक दुईवटा साइकललाई बिहान ६ः३० बजेतिर ठक्कर दिएको थियो । दुर्घटनामा परेर साइकलयात्री बेलबारी–२ का १९ वर्षीय लेखनाथ चौहानको मृत्यु भएको छ । बसको ठक्करबाट अर्को साइकलका यात्री बेलबारी–२ का १८ वर्षीय राम बस्नेत घाइते भएका छन् ।

21/02/2023

सौर्य जहाजको इण्डिकेटरमा समस्या देखिएपछि उड्नै लागेको जहाज फिर्ता : उडान स्थगित

त्रिभुवन विमानस्थलबाट विराटनगर उडान भर्न लागेको जहाजको प्रविधिमा समस्या देखिएपछि उडान स्थगित गरिएको छ ।धावनमार्ग नजिकै पुगेको सौर्य एयरलाइन्सको जहाजको इण्डिकेटरमा समस्या देखाएपछि उडान स्थगित गरिएको हो ।एसएयू ७२१ उडान नम्बरको जहाज यात्रु बोर्डिङ पूरा गरी धावनमार्ग नजिकै पुगेको थियो ।तर, इण्डिकेटरले जहाजमा समस्या रहेको देखाएपछि तत्काल उडान स्थगित गरिएको विमानस्थलका प्रवक्ता टेकनाथ सिटौलाले जानकारी दिए ।

21/02/2023

काँग्रेसले राष्ट्रपति लिएरै छाड्छ : शेखर कोइराला

नेपाली काँग्रेसका नेता डा. शेखर कोइरालाले राष्ट्रपति काँग्रेसकै उम्मेदवारले जित्ने दाबी गरेका छन् ।नेपाली काँग्रेस सिन्धुली क्षेत्र नम्बर ’ख’ को प्रदेश १ ले आयोजना गरेको सहिदको सम्मान तथा अगुवा कार्यकर्ता प्रशिक्षण कार्यक्रमलाई सम्बोधन गर्दै उनले काँग्रेसले राष्ट्रपति पाउनु पर्छ भन्नेमा आफू विश्वस्त नभएको बताउँदै काँग्रेसले राष्ट्रपति लिएरै छाड्ने बताए ।उनले भने, ‘राष्ट्रपति पाउने होइन लिने हो, लिएर जितेर देखाउने हो । राष्ट्रपति काँग्रेसको उम्मेदवार हुन्छ र काँग्रेसको उम्मेदवारलाई जिताउँछौ भन्ने विश्वास दिलाउन चाहन्छु, उनले थपे, ‘राष्ट्रपतिमा नेपाली काँग्रेसको उम्मेदवार हुन्छ र नेपाली काँग्रेसले जित्छ ।’नेपाली काँग्रेसमा विचार र सिद्धान्तलाई पन्छाएर जाने समस्या आएको भन्दै उनले नेपाली काँग्रेसमा विचार र सिद्धान्त बिस्तारै कमजोर हुँदै गएको बताएका छन् । नेपाली काँग्रेसभित्र अवसरवरादीहरुको झुण्डले घेर्ने समस्या आएको नेता कोइरालाको भनाइ छ । उनले नेपाली काँग्रेससहित अन्य राजनीतिक दलमा विचार बिनाको राजनीति चलिरहेको बताए । आगामी निर्वाचनका मतदाता हालका १४÷१५ वर्षका बालबालिका नै हुने भएकाले उनीहरूलाई समेत काँग्रेसको विचार र भिजन बुझाउनुपर्ने उनको भनाई छ।
लोकतन्त्र सुशासन पारदर्शी जबाफदेहिता र उत्तरदायित्वको बारेमा त्यो बर्गल्याई बुझाउनु पर्ने भन्दै उनले बिचार बिनाको राजनीति चल्न थालेको बताएका छन् । सिद्धान्त र विचार बिना राजनीति चल्न नसक्ने उनको भनाई छ ।

20/02/2023

हात्तीपाईले रोग निबारण औषधि सेवन गर्न बेलबारी नगरपालिकाको अनुरोध।

News Point

09/03/2023

09/03/2023

09/03/2023

03/03/2023

03/03/2023

27/02/2023

27/02/2023

22/02/2023

22/02/2023

21/02/2023

21/02/2023

20/02/2023

Address

Telephone

Website

Alerts

Shortcuts

Share

Category