22/06/2025
सुनका लागि देवरद्वारा १६ दिने सुत्केरी भाउजूको हत्या :
कैलालीको गौरीगंगा–७ मा १६ दिने सुत्केरी १९ वर्षीया तुलसी नाथको हत्या उनकै देवर नवीन नाथले गरेको खुलेको छ। पुरानो रिसइबी र सुनका गहना लुट्ने नियतले उनले भाउजू सुतिरहेकै बेला सिरानीले मुख थुनेर हत्या गरेको र शव नालीमा फालेको बयान दिएका छन्।
प्रहरीका अनुसार, सुनका गहना हराएपछि अनुसन्धान हत्या तर्फ मोडिएको थियो। नवीनको बयान बाझिएपछि शंका बढेको र उनले गहना बारे आफ्नै बुवालाई बताएपछि घटनाको रहस्य खुलेको हो। प्रहरीले अभियुक्तविरुद्ध कडा कारबाही अघि बढाउने जनाएको छ।
