10/08/2025
पूर्वविद्यार्थीहरुद्वारा लेटाङ–९ जाँतेस्थित श्रीमाविका विद्यार्थीहरुलाई छात्रवृत्ति प्रदान
लेटाङ । लेटाङ ९ जाँतेस्थित श्री माध्यमिक विद्यालयमा पूर्व विद्यार्थीहरुले स्थापना गरेको अक्षयकोषबाट ४ जना विद्यार्थीलाई छात्रवृत्ति रकम प्रदान गरिएको छ ।
पूर्वविद्यार्थीहरुका प्रतिनिधि रेवतीरमण निरौलाले कक्षा ११ र १२ मा अध्ययनरत ४ जना विद्यार्थीलाई जनही ३ हजारका दरले १२ हजार रुपैयाँको छात्रवृत्ति प्रदान गर्नुभयो ।
विद्यालयको स्वर्णमहोत्सवको अवसरमा पूर्वविद्यार्थीहरुले स्थापना गरेको ६१ हजार रुपैयाँको अक्षयकोषको व्याजबाट विद्यार्थीहरुलाई छात्रवृत्ति वितरण गरिएको निरौलाले जानकारी दिनुभयो ।
छात्रवृत्ति वितरण गर्दै उहाँले विद्यालयको शैक्षिक गुणस्तर वृद्धिका लागि विद्यालयलाई सबैले सहयोग गर्नुपर्नेमा जोड दिनुभयो । हेर्नुहोस् भिडियो सामाग्री :
