Koshi khabar

Koshi khabar Koshi Khabar is a Koshi Province-based news website based in Biratnagar. The site is managed by a team of young journalists.

16/11/2025

पाटन दरबारको सांझको समय ।

एनपीएल टिकट दर तय ।
13/11/2025

एनपीएल टिकट दर तय ।

मतदाता नामावली राष्ट्रिय परिचय पत्रबाट‌ लिंक गर्ने तरिका ।
13/11/2025

मतदाता नामावली राष्ट्रिय परिचय पत्रबाट‌ लिंक गर्ने तरिका ।

कोशी पूर्वमन्त्रीको गाडीको ठक्करबाट मोरङमा एक पुरूषको ज्यान गयो विराटनगर । कोशी पूर्वमन्त्री तथा माओवादी संसदीय दलका नेत...
13/11/2025

कोशी पूर्वमन्त्रीको गाडीको ठक्करबाट मोरङमा एक पुरूषको ज्यान गयो

विराटनगर । कोशी पूर्वमन्त्री तथा माओवादी संसदीय दलका नेता इन्द्रबहादुर आङ्बो प्रयोग गर्दै आएको सरकारी गाडीको ठक्करबाट बिहीबार मोरङमा एक जनाको मृत्यु भएको छ। तर ठक्कर दिँदा आङ्बो भने गाडीमा सवार थिएनन् ।

कोशी प्रदेश सभाको को १ झ ६५० नम्बरको स्कोर्पियो गाडीले ग्रामगान गाउँपालिका–५ का करिब ३५ वर्षीय प्रवेश चौधरीलाई ठक्कर दिएको हो। उक्त दुर्घटनामा चौधरीको ज्यान गएको मोरङका प्रहरी प्रवक्ता डीएसपी कोपिला चुँडालले जानकारी दिइन्।

विराटनगरबाट विराटचोकतर्फ जाँदै गरेको गाडीले बाटो काट्दै गरेको को ९ प ७९ नम्बरको मोटरसाइकललाई ग्रामथान–५ ककडमाडीमा दिउँसो १२:१५ बजे ठक्कर दिएको प्रहरीले बताएको छ।

स्थानीयका अनुसार तीव्र गतिमा रहेको गाडीको ठक्करबाट मोटरसाइकल चालक चौधरी गम्भीर घाइते भएका थिए। उनलाई उद्धार गरी विराटनगरस्थित विराट नर्सिङ होम लगिएको थियो, तर उपचारका क्रममा दिउँसो ३:१५ बजे चिकित्सकले मृत घोषणा गरेका हुन्।

दुर्घटनाको समयमा गाडी उच्च गतिमा रहेको स्थानीयले बताएका छन्। ठक्कर दिने गाडीका चालक पाँचथर फाल्गुनन्द गाउँपालिका–१ का करिब ४० वर्षीय गम्भीरमान सार्कीलाई प्रहरीले नियन्त्रणमा लिएको छ। घटनाको थप अनुसन्धान इलाका प्रहरी कार्यालय बेलबारीका इन्स्पेक्टर राजीव गिरीको टोलीले गरिरहेको छ।

दुर्घटनामा पररी निधन भएका चौधरीप्रति श्रद्धाञ्जली दिंदै पूर्वमन्त्री आङ्बोले दुर्घटनाको कानुनी प्रकृयालाई सहयोग गर्ने र क्षतिपूर्ति उपलब्ध गराउने कुरामा साथसहयोग रहने जनाएका छन् ।

कोशी सरकारले सवारी लाईसेन्स जरिवाना छुट थियो, संघीय सरकारले रोक्यो विराटनगर । कोसी प्रदेश सरकारले सवारी चालक अनुमति पत्र...
13/11/2025

कोशी सरकारले सवारी लाईसेन्स जरिवाना छुट थियो, संघीय सरकारले रोक्यो

विराटनगर । कोसी प्रदेश सरकारले सवारी चालक अनुमति पत्र (लाइसेन्स) को नवीकरणमा छुट दिने निर्णय गरेको छ, तर संघीय सरकारको यातायात व्यवस्था विभागको समन्वय नहुँदा उक्त निर्णय कार्यान्वयनमा रोक लागेको छ।

भाद्र २४ गतेपछि सेवा सञ्चालन नभएका अवधि को नवीकरण म्याद सकिएपछि जरिवाना लाग्ने प्रचलनलाई ध्यानमा राख्दै कोसी प्रदेश सरकारले उक्त अवधिलाई शून्य समय मान्दै जरिवाना छुट दिने निर्णय गरेको थियो।

यसअघि यो निर्णय कोसी मन्त्रीपरिषद्ले गरेको थियो, तर संघीय सरकारको यातायात विभागले सफ्टवेरमा जरिवाना छुटको व्यवस्था नपारिदिँदा सेवा उपयोग गर्ने नागरिकलाई समस्या भएको छ।

कोसी प्रदेशका आन्तरिक मामिला तथा कानुन मन्त्री रेवतीरमण भण्डारीले यससम्बन्धी एक विज्ञप्ति प्रकाशित गर्दै भने, “हामीले पटक-पटक लिखित र मौखिक अनुरोध गरे पनि सुनुवाई नभएकोले नागरिकलाई समस्यामा पर्नु परेको छ। यसबाट सेवाग्राहीलाई ठूलो असुविधा भएको छ।”

मन्त्री भण्डारीले नेपाल सरकारको भौतिक पूर्वाधार तथा यातायात मन्त्रालयको ध्यानाकर्षण गर्दै तत्काल सफ्टवेरमा जरिवाना छुटको व्यवस्था मिलाउन माग गरेका छन्।

गत भाद्र २३ र २४ गतेको प्रदर्शनका क्रममा काठमाडौँस्थित यातायात व्यवस्था विभागको कार्यालयमा आगजनी र तोडफोड भएको थियो, जसको कारण सवारी चालक अनुमति पत्रको सर्भरमा व्यापक नोक्सानी पुगेको थियो। यसबाट सेवा अवरुद्ध भएको र हाल भने आंशिक रुपमा सेवा सञ्चालनमा आएको बताइएको छ।

कोसी प्रदेश सरकारले दिएको छुटको निर्णय यथाशीघ्र कार्यान्वयनमा ल्याउन संघीय सरकारसँग थप समन्वय गर्नुपर्नेमा जोड दिइएको छ।

13/11/2025

विराट गोल्डकप कति भयो खर्च ?

13/11/2025

अघिल्लो विराट गोल्डकपको खर्च सार्वजानिक गर्दै

एमालेले कोशीका मन्त्री फेर्ने, कांग्रेस चुपचाप !विराटनगर । कोशी प्रदेशमा मन्त्रिपरिषद् पुनर्गठनका तयारी तीव्र बनेका छन्...
12/11/2025

एमालेले कोशीका मन्त्री फेर्ने, कांग्रेस चुपचाप !

विराटनगर । कोशी प्रदेशमा मन्त्रिपरिषद् पुनर्गठनका तयारी तीव्र बनेका छन्। मुख्यमन्त्री हिक्मत कुमार कार्कीले वर्तमान मन्त्रीहरूलाई फिर्ता बोलाएर नयाँ मन्त्री नियुक्त गर्ने अन्तिम तयारी थालेका छन्।

यो विषय केही दिनअघि एमाले मोरङ जिल्ला पार्टी कार्यालयमा आयोजित पत्रकार सम्मेलनमा पार्टीका कोशी इन्चार्ज तथा पूर्व मुख्यमन्त्री शेरधन राईले सार्वजनिक गरेका थिए। उनी कोशी सरकार सञ्चालनको उच्चस्तरीय संयन्त्रका संयोजक पनि हुन्।

पत्रकार सम्मेलनमा राईले भने, “एमालेबाट सरकारमा रहेका मन्त्रीहरूमा फेरबदल हुनेछ।” उनका अनुसार को-को मन्त्री फेर्ने भन्ने निर्णय भने छलफल र परामर्शपछि गरिनेछ।

हाल एमालेतर्फबाट आन्तरिक मामिला तथा कानुन मन्त्री रेवतीरमण भण्डारी, उर्जा, खानेपानी तथा सिंचाई मन्त्री एकराज कार्की, आर्थिक मामिला तथा योजना मन्त्री रामबहादुर मगर, र सामाजिक विकास मन्त्री पांचकर्ण राई रहेका छन्। स्रोतका अनुसार मुख्यमन्त्री कार्कीले भण्डारीलाई निरन्तरता दिने तर अन्य मन्त्रीहरूमा परिवर्तन गर्ने तयारी गरेका छन्।

मुख्यमन्त्री कार्कीले सत्ता साझेदार दल नेपाली कांग्रेस र नेकपा (एमाले) दुबैसँग छलफल गर्दै मन्त्रालयगत कार्यसम्पादन कमजोर देखिएका मन्त्रीहरूलाई हटाई “नतिजा दिन सक्ने” नयाँ टोली ल्याउने योजना बनाएका हुन्।

भदौ महिनादेखि नै मन्त्री फेरबदलको कुरा चल्दै आएको भए पनि कांग्रेसको ढिलाइका कारण प्रक्रिया अघि बढ्न सकेको थिएन। अहिले भने मुख्यमन्त्री कार्की मंसिरको पहिलो साताभित्र नयाँ मन्त्रीहरू नियुक्त गर्ने तयारीमा छन्।

कांग्रेसतर्फबाट हाल पर्यटन मन्त्री सदानन्द मण्डल, उद्योग, कृषि तथा सहकारी मन्त्री खगेनसिं हाङगाम, र भौतिक पूर्वाधार विकास मन्त्री भूपेन्द्र राई रहेका छन्। यीमध्ये कृषि र पर्यटन मन्त्री विवादमा परेका छन्।

आउँदो असारमा कोशी प्रदेशमा मुख्यमन्त्री पद कांग्रेसको पालोमा जाने व्यवस्था छ, तर कांग्रेसले मन्त्री फेरबदलको विषयमा अहिलेसम्म कुनै औपचारिक धारणा सार्वजनिक गरेको छैन।

12/11/2025

कोशी प्रदेश सभा मोरङ कटहरीमा

विराटनगर महानगरपालिका वडा नं २ मा पौने ४ करोड खर्चेर सिंगिया नदी किनारमा आरती स्थल निर्माण गरिएको छ ।
12/11/2025

विराटनगर महानगरपालिका वडा नं २ मा पौने ४ करोड खर्चेर सिंगिया नदी किनारमा आरती स्थल निर्माण गरिएको छ ।

झापामा प्रहरी कार्यालय तोडफोड र आगजनी प्रकरणमा १७ जना पक्राउविराटनगर । झापाको विभिन्न प्रहरी कार्यालयमा तोडफोड, आगजनी र ...
12/11/2025

झापामा प्रहरी कार्यालय तोडफोड र आगजनी प्रकरणमा १७ जना पक्राउ

विराटनगर । झापाको विभिन्न प्रहरी कार्यालयमा तोडफोड, आगजनी र हातहतियार लुटपाट घटनामा संलग्न भएको आरोपमा प्रहरीले १७ जनालाई पक्राउ गरेको छ।

जिल्ला प्रहरी कार्यालय झापाका अनुसार, भदौ २४ गते झापाको इलाका प्रहरी कार्यालय दमकमा साना–ठूला सवारीसाधनमा ढुंगामुढा, तोडफोड र प्रहरीका हातहतियार लुटपाट गरिएको थियो। घटनामा संलग्नहरूलाई नियन्त्रणमा लिएर थप अनुसन्धान भइरहेको प्रहरीको भनाइ छ।

हातहतियार लुटपाट प्रकरणमा इलाम चुलाचुली–३ का १९ वर्षीय सुजल राई र दमक–७ का १९ वर्षीय गणेश शर्मा पक्राउ परेका छन्। उनीहरू विरुद्ध हातहतियार खरखजना, चोरी तथा डाँका सम्बन्धी कसुरमा अनुसन्धान भइरहेको प्रहरीले जनाएको छ।

यस्तै, प्रहरी कार्यालयमा ढुंगामुढा, तोडफोड र आगजनी गरेको आरोपमा पाँचथर मिक्लाजुङ–५ का साजन लुहागुन (२१), दमक–३ का रियाज सिलवाल (१९), इलाम चुलाचुली–३ का नकुल अधिकारी (२२), दमक–१ का दिपचन महतो (३४) र दमक–६ का लोमस कटुवाल (२४) पक्राउ परेका छन्। उनीहरू विरुद्ध आपराधिक उपद्रवसम्बन्धी कसुरमा अनुसन्धान भइरहेको प्रहरीले जनाएको छ।

त्यसैगरी, दमक–३ स्थित भुटानी शरणार्थी सुरक्षा बेस क्याम्पमा सशस्त्र प्रहरीले प्रयोग गर्दै आएको SLR राइफल लुटपाट प्रकरणमा पाँचथर फाल्गुनन्द–७ का स्थायी बासिन्दा र दमक–३ बस्ने १७ वर्षीय आदित्य लिम्बु पक्राउ परेका छन्। उनलाई हातहतियार खरखजना ऐनअन्तर्गत अनुसन्धानका लागि नियन्त्रणमा राखिएको छ।

प्रहरीका अनुसार, इलाका प्रहरी कार्यालय अनारमनी र जिल्ला ट्राफिक प्रहरी कार्यालय बिर्तामोडमा पनि तोडफोड र आगजनीमा संलग्न समूहले प्रहरी कर्मचारीलाई बाँसमा डोरीले बाँधी अमानवीय व्यवहार गरेको थियो।

सो घटनामा संलग्न बिर्तामोड–५ का राजन चौधरी (२२), आयुस धिमाल (२०), कनकाई–१ का गोपाल संग्रौला (४२), अर्जुनधारा–७ की पुजा मगर (२४), सुरज मगर (२८) र सुनसरी हरिनगर–१ का साहिल अन्सारी (२२) पक्राउ परेका छन्। उनीहरू विरुद्ध आपराधिक उपद्रवसम्बन्धी मुद्दा दर्ता गरी अनुसन्धान भइरहेको छ।

त्यसैगरी, बिर्तामोड–५ का नवराज राई (२६) लाई ज्यान मार्ने उद्योगको अभियोगमा पक्राउ गरी अनुसन्धान भइरहेको प्रहरीले जनाएको छ।

भदौ २४ गते कन्काई नगरपालिका–३ स्थित इलाका प्रहरी कार्यालय सुरुङ्गामा भएको तोडफोड र आगजनी प्रकरणमा झापा शिवसताक्षी–१० का संजय बस्नेत (३१), कुशल तिम्सिना (२५) र कन्काई–३ का बिष्णु विश्वकर्मा (२५) पक्राउ परेका छन्। उनीहरू विरुद्ध पनि आपराधिक उपद्रवसम्बन्धी कसुरमा अनुसन्धान भइरहेको छ।

12/11/2025

कोशी प्रदेश सभाको तयारी के छ ?- उपसभामुख सिर्जना दनुवार

Address

Main Road
Biratnagar
56613

Website

Alerts

Be the first to know and let us send you an email when Koshi khabar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Koshi khabar:

Shortcuts

Share

Category