03/06/2026
राष्ट्रिय स्वतन्त्र पार्टीका सभापति रवि लामिछाने र भारतीय प्रधानमन्त्री नरेन्द्र मोदी बीच आज नयाँ दिल्लीमा भेटवार्ता भएको छ। भारतीय भ्रमणमा रहेका लामिछानेले यसअघि भारतीय जनता पार्टी (भाजपा) का अध्यक्ष नितिन नवीन, भारतीय गृहमन्त्री अमित शाह तथा विदेशमन्त्री एस. जयशंकरसँग समेत भेटवार्ता गरेका थिए।
भ्रमणका क्रममा नेपाल–भारत सम्बन्ध, विकास साझेदारी, सीमा क्षेत्रको सहकार्य, जनस्तरको सम्बन्ध तथा आपसी हितका विविध विषयमा छलफल भएको जनाइएको छ। लामिछानेलाई भाजपा मुख्यालयमा विशेष स्वागतसमेत गरिएको थियो।
यस भेटलाई नेपाल–भारत सम्बन्धलाई थप सुदृढ बनाउने प्रयासका रूपमा हेरिएको छ। प्रधानमन्त्री मोदीसँगको भेटले दुई देशबीचको राजनीतिक तथा कूटनीतिक संवादलाई थप गति दिने अपेक्षा गरिएको छ।
