23/08/2025
नता समाजवादी पार्टी, नेपालका अध्यक्ष उपेन्द्र यादवले नेपालमा अहिले नक्कली संघीयता रहेको बताउनुभएको छ ।
उहाँले हजारौँ वर्षदेखि उत्पीडनमा परेका समुदायहरुले स्वायत्त र सुशासन, आफ्नो प्रतिनिधित्व र स्वामित्वको अनुभुति गर्न नपाएकाले यहाँको संघीयताको अर्थ नभएको बताउनुभएको हो ।
संघीयता भएका मुलुक संसारमा विकसित र शक्तिशाली भएको उहाँको भनाई छ । भारत अमेरिका, क्यानडा, स्वीजरल्याण्ड, युएई जस्ता ठूलाठूला शक्तिशाली मुलुकहरु संघीयताकै कारणले अगाडी बढेको उहाँले बताउनु भयो ।
उहाँले ‘संघीयता नेपालमा छ र ?’ भन्दै प्रश्न समेत गर्नुभयो । संघीयताले देशभित्रको विविधतालाई सम्बोधन गर्ने उल्लेख गर्नुहुँदै उहाँले हाल नेपालमा भएको संघीयताले यहाँको विविधतालाई सम्बोधन गर्न नसकेको बताउनु भयो ।
उत्पिडनमा परेका समुदायहरुको स्वायत्तता र स्वामित्वलाई संबोधन नगर्ने गरि राज्य पुनःसंरचनाको निम्ति मात्रै संघीयता लागू गरिएको उहाँको भनाई छ ।
उहाँले साँच्चिकै देशलाई संघीयतामा लैजाउन आवश्यक भएको बताउनु भयो । देखाउने मात्रै संघीयता नभई यसलाई कार्यगत संघीयताको रुपमा रुपान्तरण गर्नु आजको आवश्यकता रहेको उहाँको भनाई छ ।
