Prahar Daily

Prahar Daily Contact information, map and directions, contact form, opening hours, services, ratings, photos, videos and announcements from Prahar Daily, News & Media Website, Birgunj/10, Birgunj.
(1)

प्रहार डेलीको आधिकारिक फेसबुक पेजमा स्वागत छ। बिरगंज र मधेश प्रदेशबाट वास्तविक, भरपर्दो र जमीनी समाचार ल्याउँछौं। मधेश प्रदेशका स्थानीय समाचार र नयाँ कथा अपडेटहरू पाउन हामीसँग जोडिनुहोस्। यो प्रहार डेली डटकम (www.prahardaily.com) को आधिकारिक फेसबुक पेज हो। मधेश प्रदेशको आर्थिक राजधानी वीरगञ्जबाट सञ्चालनमा आएको प्रहार डेली प्रा.लि. द्वारा प्रकाशित अनलाइन समाचार पोर्टल हो, जुन सन् २०२१ मा स्थापना गर

िएको हो। यस पोर्टलमा राष्ट्रिय, अन्तर्राष्ट्रिय, विशेष गरी मधेश प्रदेश र वीरगञ्जका ताजा घटनाक्रम, राजनीति, मनोरञ्जन, खेलकुद, र सूचना प्रविधि सम्बन्धी दैनिक समाचारहरू प्रकाशित गरिन्छ। साथै, लेख, विचार, रचना र अन्तर्वार्ताजस्ता सामग्रीहरू पनि समावेश गरिएका छन्। प्रहार डेली डटकम मधेश प्रदेशमा सबैभन्दा छिटो र व्यापक समाचार प्रकाशन गर्ने अनलाइन पोर्टलका रूपमा लोकप्रिय बन्दै गएको छ। सूचना विभाग दर्ता नम्बर: ३३३६/२०७९/८०

‘कान्स’ जाँदै सुनिता डंगोल, वडाध्यक्ष भरतलाल श्रेष्ठलाई तोकिन् कार्यवाहक...
17/05/2026

‘कान्स’ जाँदै सुनिता डंगोल, वडाध्यक्ष भरतलाल श्रेष्ठलाई तोकिन् कार्यवाहक...

17/05/2026

बाँकेको नेपालगन्जस्थित भारत सीमासँग जोडिएको यो प्रमुख नाकामा पछिल्लो समय सरकारले अवैध आयात तथा तस्करी नियन्त्रणलाई प्राथमिकतामा राख्दै निगरानी थप कडा बनाएको छ । भारतबाट ल्याइने सामानमा तोकिएको सीमा भन्दा बढी भए अनिवार्य राजस्व तिर्नुपर्ने नियमलाई पनि कडाइका साथ कार्यान्वयन गर्न थालिएको छ । भिडियो- समाजिक संजालबाट

वीरगंजमा क्रियाशील युवा पत्रकार मञ्च नेपालको नयाँ नेतृत्व चयन, आनन्द पटेल सर्वसम्मत अध्यक्षक्रियाशील युवा पत्रकार मञ्च न...
16/05/2026

वीरगंजमा क्रियाशील युवा पत्रकार मञ्च नेपालको नयाँ नेतृत्व चयन, आनन्द पटेल सर्वसम्मत अध्यक्ष

क्रियाशील युवा पत्रकार मञ्च नेपाल को दोस्रो साधारण सभा शनिबार वीरगंजमा भव्य रूपमा सम्पन्न भएको छ। साधारणसभाले युवा पत्रकार आनन्द पटेलको अध्यक्षतामा १५ सदस्यीय नयाँ कार्यसमिति सर्वसम्मत रूपमा चयन गरेको हो।

नवनिर्वाचित कार्यसमितिको उपाध्यक्षमा वीरेन्द्र साह, महासचिवमा राकेश कुमार साह, सचिवमा ओमप्रकाश कुमार सर्राफ, कोषाध्यक्षमा उपेन्द्र कुमार बरै चयन भएका छन्। त्यसैगरी सदस्यहरूमा सुनिल कुमार ओझा, आरोहण साह, कन्हैया बर्णवाल, मुकेश कुमार यादव, आदित्य शर्मा, दिपेश कुमार ठाकुर, उपेन्द्र कुमार पटेल, दिनेश प्रसाद कुशवाहा, अर्जुन कुमार दास र अरुण कुमार साह रहेका छन्।

कार्यक्रमको उद्घाटन प्रमुख अतिथि उच्च अदालत जनकपुर अस्थायी इजलाश वीरगंज का न्यायाधीश गोकर्ण डाँगी ले गरेका थिए। उनले नवनिर्वाचित पदाधिकारीलाई खाँदा, माला तथा टिका लगाएर स्वागत गर्दै सामाजिक सञ्जालको बढ्दो प्रभावका कारण पत्रकारितामा चुनौती थपिएको उल्लेख गरे। सत्य, तथ्य र खोजमूलक पत्रकारितालाई प्राथमिकता दिन उनले पत्रकारहरूलाई आग्रह गरे।

मञ्चका निवर्तमान अध्यक्ष प्रणय कुमार साहको अध्यक्षतामा सम्पन्न उद्घाटन सत्रमा नेपाल पत्रकार महासंघ का केन्द्रीय लेखा संयोजक केसी लामिछाने, मधेश प्रदेश अध्यक्ष श्याम बञ्जारा, नेपाल पत्रकार महासंघ पर्सा शाखा का अध्यक्ष ओमप्रकाश खनाल, सचिव विजय चौहान, सदस्य राहुल गुप्ता,प्रेस सेन्टर नेपाल मधेश प्रदेश अध्यक्ष निरज पिटाकोटे मगर, ज्ञानदा माध्यमिक विद्यालय का सञ्चालक राजेन्द्र कोइराला, उद्योग वाणिज्य संघ वीरगंज का पूर्व अध्यक्ष सुवोध गुप्ता तथा वर्तमान अध्यक्ष हरि गौतम लगायतले शुभकामना मन्तव्य व्यक्त गरेका थिए।

कार्यक्रममा संस्थाका संस्थापक सदस्य स्वर्गीय नरेश सर्राफ को परिवारलाई नगदसहित कदरपत्र प्रदान गर्दै सम्मान गरिएको थियो।

यसैबीच, नवनिर्वाचित कार्यसमितिको पहिलो बैठक पनि शनिबार नै सम्पन्न भएको छ। अध्यक्ष आनन्द पटेलको अध्यक्षतामा बसेको बैठकले पुरानो कार्यसमितिप्रति धन्यवाद ज्ञापन गर्ने, नयाँ सदस्यता वितरण अभियान सञ्चालन गर्ने तथा वीरगंजमा देखिएको रगत अभावलाई मध्यनजर गर्दै जेठ महिनाभित्र रक्तदान कार्यक्रम आयोजना गर्ने निर्णय गरेको जनाएको छ।

प्रहरी निरीक्षक सोभन बिक्रम राणाको अगुवाइमा रत्ननगरमा लागुऔषध विरुद्ध सामूहिक शपथ : “लागुपदार्थ सेवन गर्दिनँ, गर्न पनि द...
16/05/2026

प्रहरी निरीक्षक सोभन बिक्रम राणाको अगुवाइमा रत्ननगरमा लागुऔषध विरुद्ध सामूहिक शपथ : “लागुपदार्थ सेवन गर्दिनँ, गर्न पनि दिन्नँ” भन्दै सयौँ नागरिकको प्रतिबद्धता

चितवनको रत्ननगरमा बढ्दो लागुऔषध दुर्व्यसन नियन्त्रणका लागि समुदाय र प्रहरी एकै ठाउँमा उभिएका छन्। शुक्रबार रत्ननगर–टाँडीस्थित रहमानिया जामे मस्जिद परिसरमा आयोजित बृहत् सचेतना कार्यक्रममा सहभागीहरूले “लागुपदार्थ सेवन गर्दिनँ, गर्न पनि दिन्नँ” भन्ने सामूहिक शपथ लिँदै समाजलाई दुर्व्यसनमुक्त बनाउने प्रतिबद्धता व्यक्त गरेका हुन्।

‘सामुदायिक प्रहरी साझेदारी कार्यक्रम’ अन्तर्गत इलाका प्रहरी कार्यालय रत्ननगर र रहमानिया जामे मस्जिद समितिको संयुक्त आयोजनामा सम्पन्न कार्यक्रममा स्थानीय नागरिक, युवा, अभिभावक तथा धार्मिक अगुवाहरूको उल्लेख्य सहभागिता रहेको थियो।

कार्यक्रममा प्रहरी निरीक्षक सोभन बिक्रम राणा तथा प्रहरी वरिष्ठ नायव निरीक्षक युवराज पाँडेले लागुऔषध दुर्व्यसनका कारण, असर, कानुनी प्रावधान तथा रोकथामका उपायबारे विस्तृत जानकारी दिएका थिए। उनीहरूले लागुऔषध सेवन गर्ने व्यक्तिमा देखिने व्यवहारिक परिवर्तन, परिवार र समाजमा पर्ने नकारात्मक प्रभाव तथा यसविरुद्ध समुदायको भूमिकाबारे समेत सचेत गराएका थिए।

प्रहरीले चितवन जिल्ला देशकै मध्यभागमा रहेकाले विभिन्न क्षेत्रबाट हुने आवतजावतका कारण लागुऔषधको जोखिम बढ्दो अवस्थामा रहेको उल्लेख गर्दै समुदायको सक्रिय सहभागिता बिना नियन्त्रण सम्भव नरहेको स्पष्ट पारेको थियो।

कार्यक्रमको सबैभन्दा भावुक र प्रभावकारी क्षण अन्त्यतिर देखियो, जब उपस्थित सबैले एकै स्वरमा दुर्व्यसनविरुद्ध सामूहिक प्रतिबद्धता जनाए। सहभागीहरूले “म लागुपदार्थ सेवन गर्दिनँ, अरूलाई पनि गर्न दिन्नँ र यसको नियन्त्रणका लागि सक्दो प्रयास गर्नेछु” भन्दै हात उठाएर शपथ लिएका थिए।

रहमानिया जामे मस्जिद समितिका अध्यक्ष अब्दुल वहाबले यस्तो कार्यक्रमले धार्मिक स्थललाई सामाजिक जागरणको केन्द्रका रूपमा स्थापित गरेको बताउँदै समुदायलाई थप जिम्मेवार बनाएको प्रतिक्रिया दिए।
“यस्ता कार्यक्रमले कानुनी ज्ञान मात्र होइन, समाज जोगाउने चेतना पनि दिन्छ। हामी लागुऔषध विरुद्ध प्रहरीसँग सहकार्य गरेर अघि बढ्न तयार छौँ,” उनले भने।

यता इलाका प्रहरी कार्यालय रत्ननगरका प्रमुख प्रहरी नायव उपरीक्षक (डीएसपी) सुवास भट्टले लागुऔषध नियन्त्रणमा ‘शून्य सहनशीलता’ नीति अपनाइएको बताएका छन्। उनका अनुसार पहिलो प्राथमिकता सचेतना, दोस्रो उपचार तथा सुधार र अन्तिम विकल्पका रूपमा मात्र कानुनी कारबाहीको नीति अवलम्बन गरिएको छ।

डीएसपी भट्टको नेतृत्वमा पछिल्लो समय रत्ननगर क्षेत्रमा मादक पदार्थ सेवन (मापसे) तथा लागुऔषध सेवन (लापसे) नियन्त्रणका लागि चेकजाँचलाई समेत तीव्र बनाइएको प्रहरीले जनाएको छ। समुदायसँगको सहकार्यमा सञ्चालन गरिएका यस्ता अभियानले समाजमा हुने अपराध न्यूनीकरणमा समेत सकारात्मक प्रभाव पारिरहेको प्रहरीको विश्वास छ।

रास्वपाको वीरगन्ज–१० मा वडा समिति गठन, सर्वसम्मत नेतृत्व चयनराष्ट्रिय स्वतन्त्र पार्टी (रास्वपा) वीरगन्ज महानगरपालिका वड...
16/05/2026

रास्वपाको वीरगन्ज–१० मा वडा समिति गठन, सर्वसम्मत नेतृत्व चयन

राष्ट्रिय स्वतन्त्र पार्टी (रास्वपा) वीरगन्ज महानगरपालिका वडा नं. १० को वडा भेला उत्साहपूर्ण वातावरणमा सम्पन्न भएको छ। प्रतिनिधि सभा सदस्य सुशील साह कानुको वडा समेत रहेको वडा नं. १० मा सम्पन्न भेलाले सर्वसम्मत रूपमा नयाँ वडा समिति गठन गरेको छ।

भेलामा पार्टीको संगठन विस्तार, जनसरोकारका मुद्दा, सुशासन तथा वडास्तरमा पार्टीको गतिविधिलाई थप प्रभावकारी बनाउने विषयमा व्यापक छलफल गरिएको थियो।

भेलाबाट सन्तोष कुमार साह सभापतिमा, मुकेश कुमार गुप्ता उपसभापतिमा तथा सुमेश्वर साह सचिव पदमा सर्वसम्मत रूपमा चयन भएका छन्।

त्यस्तै सदस्यहरूमा मनिश कुमार सरार्फ, सोनु गुप्ता, विकास साह सोनार, प्रेम गुरुङ, मन्जु कलवार ,खुशी श्रेष्ठ र ज्योति कुमारी सोनारिन चयन भएका छन्। महिला दलित सदस्यमा जया कुमारी देवी चयन भएका छन्।

यसैगरी सल्लाहकार समितिमा दिपेन्द्र कुमार सिंह, रमइ साह कानु तथा योगिन्दर प्रसाद कानु चयन भएका छन्।

कार्यक्रममा मधेस प्रदेश संगठन विभागका उपप्रमुख प्रमोद राय माझी को विशेष उपस्थिति रहेको थियो। साथै मधेस प्रदेश खेलकुद विभागका सभापति आनन्द प्रसाद कानु, पर्सा जिल्ला सदस्य प्रियंका पटेल, वीरगन्ज महानगर सदस्य सन्दिप कुशवाहा तथा पर्सा क्षेत्र नं. २ का सचिव किशन प्रसादको समेत उपस्थिति रहेको थियो।

भेलामा उपस्थित नेता तथा कार्यकर्ताहरूले वडा नं. १० बाट पार्टीको संगठनलाई अझ सुदृढ बनाउँदै जनताको आवाजलाई प्रभावकारी रूपमा उठाउने, सुशासनको अभियानलाई घरदैलोसम्म पुर्‍याउने तथा वैकल्पिक राजनीतिक शक्तिका रूपमा रास्वपालाई थप मजबुत बनाउने प्रतिबद्धता व्यक्त गरेका छन्। नयाँ समिति गठनसँगै वडा नं. १० मा पार्टीको संगठनात्मक गतिविधि थप सक्रिय र प्रभावकारी हुने विश्वास व्यक्त गरिएको छ।

सिंहदरबारस्थित गाभिएका मन्त्रालयहरुको नाम परिवर्तन गर्ने काम सुरु ।तस्वीरहरू: नेपाल फोटो लाइब्रेरी
16/05/2026

सिंहदरबारस्थित गाभिएका मन्त्रालयहरुको नाम परिवर्तन गर्ने काम सुरु ।

तस्वीरहरू: नेपाल फोटो लाइब्रेरी

प्रधानमन्त्री बालेन्द्र शाहले प्रचार गरेको ‘याक चिज’ १५ मिनेटमै बजारमा अभाव भएको दाबी गरिएको छ।सामाजिक सञ्जालमा प्रचारपछ...
16/05/2026

प्रधानमन्त्री बालेन्द्र शाहले प्रचार गरेको ‘याक चिज’ १५ मिनेटमै बजारमा अभाव भएको दाबी गरिएको छ।
सामाजिक सञ्जालमा प्रचारपछि यसको माग अचानक बढेको बताइएको छ। सीमित मात्रामा उपलब्ध चिज छिट्टै सकिएपछि उपभोक्ताले पसल र अनलाइनमा खोजी गर्न थालेका छन्।

सामाजिक सञ्जालमा यसलाई “बालेन इफेक्ट” भन्दै चर्चा भइरहेको छ। यद्यपि कम्पनीले आधिकारिक बिक्री तथ्यांक सार्वजनिक गरेको छैन।

16/05/2026

वीरगन्जको मेनराेडमा डाेजर चलाएर कैयन परिवारकाे उठिवास लगाइएको छ: लालबाबु राउत,पूर्वमुख्यमन्त्री

विद्यार्थी संगठनको आन्दोलन: “प्रधानमन्त्री नशामा, देश दशामा” भन्दै प्रदर्शन ।
16/05/2026

विद्यार्थी संगठनको आन्दोलन: “प्रधानमन्त्री नशामा, देश दशामा” भन्दै प्रदर्शन ।

यूएई भ्रमणमा पुगेका भारतीय प्रधानमन्त्री नरेन्द्र मोदी सवार विमानलाई यूएईको F-16 लडाकु जेटले विशेष सुरक्षा प्रदान गरेको ...
16/05/2026

यूएई भ्रमणमा पुगेका भारतीय प्रधानमन्त्री नरेन्द्र मोदी सवार विमानलाई यूएईको F-16 लडाकु जेटले विशेष सुरक्षा प्रदान गरेको छ ।

पाथिभारा मन्दिरमा भक्तजनहरूले चढाएको भेटी गन्दै दिदीबहिनीहरू । आस्थाको केन्द्र बनेको यस मन्दिरमा एक महिनामै १ करोडभन्दा ...
16/05/2026

पाथिभारा मन्दिरमा भक्तजनहरूले चढाएको भेटी गन्दै दिदीबहिनीहरू ।
आस्थाको केन्द्र बनेको यस मन्दिरमा एक महिनामै १ करोडभन्दा बढी भेटी संकलन भएको बताइएको छ ।

Address

Birgunj/10
Birgunj
44300

Telephone

+9779819259201

Website

Alerts

Be the first to know and let us send you an email when Prahar Daily posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Prahar Daily:

Shortcuts

Share

Category