Tilottama FM

13/09/2025

रुपन्देहीका विद्यालय आइतबार (भोलि) बाट नियमित रुपमा संचालनमा आउने भएका छन्

12/09/2025

12/09/2025

09/09/2025

प्रधानमन्त्री केपी शर्मा ओलीद्वारा राजीनामाकाे घाेषणा

08/09/2025

सामाजिक सञ्जाल प्लेटफर्म माथि प्रतिबन्ध लगाउने सरकारी निर्णय सहित विभिन्न एजेण्डामा केन्द्रित रहेर काठमाडौंमा जेन जी समुदायले प्रदर्शन गरिरहेको छ । माइतीघर मण्डलामा सुरु भएको प्रदर्शनमा युवाहरू स्कुल, कलेजकै पोशाकमा समेत देखिएका छन् । उनीहरूले भिन्दा‌ भिन्दै प्लेकार्डहरू बोकेका छन् । त्यसमा आफ्ना माग र असन्तुष्टिहरू व्यक्त गरेका छन् ।

03/09/2025

नेपाल सरकारले लोकप्रिय सामाजिक सञ्जाल फेसबुक बन्द गर्ने वा नियन्त्रण गर्ने तयारी गरिरहेको खबर सार्वजनिक भएपछि सर्वसाधारणबीच चासो बढेको छ ।

आजको समयसम्म आइपुग्दा स्मार्टफोन र इन्टरनेट हरेक नागरिकको हातमा पुगेको छ । सानो गल्ती, बेथिति वा भ्रष्ट्राचार भए तुरुन्तै सामाजिक सञ्जालमा पोस्ट हुने र त्यसले समाजमा ठूलो बहस सिर्जना गर्ने गरेको छ । यसैकारण सत्तामा रहेका कतिपय नेताहरू र पदाधिकारीहरूले आलोचना सहन नसकेर सामाजिक सञ्जाल बन्द गर्ने सोच बनाएको विशेषज्ञहरूको ठम्याइ छ ।

सञ्चार विश्लेषकहरू भन्छन् – “समाजमा देखिने भ्रष्ट्राचार र बेथिति प्रायः सत्ता र शक्तिसँग जोडिएको हुन्छ । ती कुरा फेसबुकजस्ता प्लेटफर्ममार्फत छिट्टै सार्वजनिक भएपछि सत्ताधारीहरू असहज हुने गरेका छन् । यही कारणले सरकारले नियन्त्रण वा प्रतिबन्ध लगाउने तयारी गरेको देखिन्छ।”

यसैबीच, नागरिक समाजका अगुवाहरूले भने यस्तो कदमलाई लोकतन्त्र विरोधी भएको बताएका छन् । उनीहरूको भनाइमा, लोकतान्त्रिक प्रणालीमा जनताले आफ्ना विचार खुला रूपमा अभिव्यक्त गर्न पाउनुपर्छ । सामाजिक सञ्जाल बन्द गर्ने प्रयासले स्वतन्त्र विचार अभिव्यक्तिको अधिकारमाथि आक्रमण गर्नेछ ।

यद्यपि, सरकारका निकट स्रोतहरूले भने फेसबुक वा अन्य सामाजिक सञ्जालमा गलत सूचना, अफवाह र द्वेष फैलाउने प्रवृत्ति बढेकाले नियमन गर्ने सोच बनाएको बताइरहेका छन् ।

तर प्राविधिक विज्ञहरू चेतावनी दिन्छन् – आजको पुस्ता इन्टरनेट र सामाजिक सञ्जालसँग गहिरो रूपमा गाँसिएको छ । यस्तो अवस्थामा फेसबुक बन्द गर्ने प्रयासले जनमानसमा ठूलो असन्तुष्टि र अविश्वास बढ्नेछ । बरु, सरकार र सम्बन्धित निकायहरूले गलत प्रयोग रोक्ने प्रभावकारी नीति ल्याउनुपर्ने विज्ञहरूको सुझाव छ ।

यससँगै, आगामी दिनमा सरकारले कस्तो निर्णय लिन्छ भन्ने विषयमा सबैको ध्यान केन्द्रित भएको छ ।

02/09/2025

डा. लेखजङ थापाको आमालाई आशीर्वाद लिन पाइएन, निजी जीवनमाथि उठेका प्रश्नलाई दिए सार्वजनिक जवाफ**

रुपन्देही–३ बाट राष्ट्रिय स्वतन्त्र पार्टीको तर्फबाट उम्मेदवार बनेका न्युरोचिकित्सक डा. लेखजङ थापाले आफ्ना निजी जीवनसम्बन्धी प्रश्नहरूको खुलेर जवाफ दिएका छन्।

उनी भन्छन्, ९६ वर्षकी आमालाई पहिलो फ्लाइट लिएर आफू उम्मेदवार भएको खुसी सुनाउन जाने योजना थियो, तर आमाको आशीर्वाद लिन भैरहवा पुग्नुपर्ने बेलामा काठमाडौँमै आफ्नो निजी जीवनबारे उठाइएका प्रश्नहरूको जवाफ दिँदैछु।

थापाले आफ्ना वैवाहिक सम्बन्धबारे पारदर्शी गर्दै दुई पटक विवाह भएको, एकपटक सम्बन्धविच्छेद भएको र सम्बन्धविच्छेद भएकी पत्नीबाट आफूलाई सन्तान रहेको बताएका छन्। उनले भने, *“म बाबा पनि हुँ। बच्चाको भविष्यलाई प्राथमिकता दिँदै साझा अभिभावकत्व दिन मिलेर काम गर्न सकिन्छ भन्नेमा विश्वास गर्छु। सम्बन्धविच्छेद भनेको कटुता होइन।”*

उनले पार्टीलाई यसबारे जानकारी दिइएको र कानुनी सल्लाहसहित उम्मेदवार छनोट प्रक्रियामा समावेश भएको स्पष्ट पारे। *“माथि भएको आक्रमण मेरो निजी जीवनमा मात्र होइन, राष्ट्रिय स्वतन्त्र पार्टीको सुसंस्कृत राजनीतिमाथि भएको सुनियोजित प्रहार हो,”* उनले जोड दिए।

व्यावसायिक जीवनलाई ‘खुला किताब’ भन्दै उनले १४ वर्ष लामो चिकित्सकीय यात्रामा हजारौँ बालबालिकाको मनोविज्ञान नजिकबाट देखेको अनुभव सुनाए। पारिवारिक सम्बन्धका असरले बच्चाको जीवन बिग्रन नहुने उनको अडान छ।

डा. थापाले आफू नेता बन्न नभई देश रूपान्तरणको यात्रामा सहयात्री बन्न आएको बताए। उनले भने, *“रुपन्देही–३ को उम्मेदवार केवल म होइन, पुनम, जेबी, रचना, सुलभ, ज्ञानु, मधु, पार्थिवेन्द्र, कुसुम अनि देशलाई माया गर्ने सबै नेपाली हुन्। यो सौम्य र शान्तिपूर्ण क्रान्तिको संवाहक हामी सबै हो।”*

उनले ३५ दिन लामो बहुआयामिक प्रक्रियाबाट उम्मेदवार चयन भएको तथ्य स्मरण गर्दै पार्टीले गर्ने जुनसुकै निर्णयलाई सहर्ष स्वीकार्ने घोषणा गरे।

---

31/08/2025

रास्वपाबाट उमेदवार बनेका डा. लेखजंग थापा को हुन् ??? १३ मिनेट को यो अडियो बाट प्रस्ट हुन्छ |

28/08/2025

थारु समुदायको सबै भन्दा ठुलो चाड वड्का अत्तवार र अनन्ताको शुभ अवसरमा शुभकामना आदानप्रदान कार्यक्रम आज सम्पन्न भएको छ । थारु कल्याणकारिणी सभा तिलोत्तमा नगर समिति रुपन्देहीद्धारा आयोजना गरिएको शुभकामना कार्यक्रम तिलोत्तमा १३ वभनी रुपन्देहीको थारु संस्कृति प्रर्वद्धन संग्रहालयमा सम्पन्न भएको हो । तिलोत्तमा नगरपालिकाका मेयर जागेश्वर देवी चौधरी, थाकसा जिल्ला कार्य समिति सचिव सरिता चौधरी, जनकावि बमबहादुर थारु, देवदहका सुरेन्द्र चौधरी ले शुभकामना दिदै

23/08/2025

नेपाल पर्वतारोहण संघ निर्वाचन २०२५ सम्पन्न भएको छ। देशभरिका पर्वतारोहण व्यवसायी र सदस्यहरूको सहभागितामा सम्पन्न यस निर्वाचनमा फुर्वा ग्याल्जे शेर्पा समूहले निर्णायक विजय हासिल गरेको छ।

अध्यक्ष पदमा फुर्वा ग्याल्जे शेर्पाले ३४२ मत प्राप्त गर्दै विजयी भएका छन्। उनका प्रतिस्पर्धी कुलबहादुर गुरुङ २८८ मतमा सीमित भए। यससँगै फुर्वा शेर्पा संघको नयाँ नेतृत्वमा उक्लिएका छन्।

वरिष्ठ उपाध्यक्षमा इश्वरी पौडेल ३४५ मत ल्याएर विजयी भए भने टिका गुरुङ २५८ मतमा सीमित भए।
प्रथम उपाध्यक्षमा मिङ्मा ग्याबो शेर्पाले ३५९ मत प्राप्त गरेर जितेका छन्। उनका प्रतिद्वन्द्वी काजी शेर्पाले २५६ मत पाएका छन्।
द्धितीय उपाध्यक्षमा बोधराज भण्डारी ३६८ मत ल्याएर विजयी भए भने धनबहादुर गुरुङ २३८ मतमा रोकिए।

महासचिवमा राजेन्द्रबहादुर लामा ३१८ मतसहित विजयी भए। उनका प्रतिस्पर्धी विमल नहर्कीले २०९ र शिव सापकोटाले ६८ मत पाएका छन्।
सचिव पदमा चन्दन थापाले ३५८ मतसहित जित निकाले। ङिमा दिकी शेर्पा २४४ मतमा रोकिइन्।

कोषाध्यक्ष पदमा भने नतिजा निकै रोचक रह्यो। ङिमा नुर्बु शेर्पा र सुमी लामाले समान ३०४–३०४ मत ल्याए। बराबरी भएपछि दुबैजनाले आधा–आधा कार्यकाल सम्हाल्ने सहमति भएको छ।

सदस्य पदमा पनि फुर्वा ग्याल्जे शेर्पा समूहकै वर्चस्व रह्यो। विजयी सदस्यहरूमा माधवकुमार धमला, केदार न्यौपाने, थुप्देन शेर्पा, गोकुल थापा, मुलाल गुरुङ, देण्डी शेर्पा, विक्रम कार्की, रिञ्जे शेर्पा, देवेन्द्र डंगोल, दिकी शेर्पा र निशा भोटे रहेका छन्।

यो नतिजाले फुर्वा ग्याल्जे शेर्पा समूहलाई संघको निर्णायक नेतृत्वमा पुर्‍याएको छ।
विश्लेषकहरूको भनाइमा, कांग्रेस र एमालेको समर्थन पाएका उम्मेदवारहरूको हार सत्ता गठबन्धनकै लागि धूलो चटाउने लाजमर्दो पराजय सावित भएको छ।

अब नयाँ कार्यसमितिबाट पर्वतीय पर्यटनको प्रवर्द्धन, आरोहीहरूको हित, जलवायु संकटका चुनौती, र संस्थागत सुधारमा ठूला अपेक्षा गरिएको छ।

21/08/2025

नगरस्तरीय अन्तरविद्यालय तीज गीत प्रतियोगीता २०८२, तिलोत्तमा मणिग्रामका केही झलकहरु