Neednepal Tv, Rupandehi, Butwal (2026)

11/01/2026

लायन्स क्लब अफ शुद्धोधनद्वारा पृथ्वीनारायण शाहको ३०४औँ जन्मजयन्ती तथा राष्ट्रिय एकता दिवसको अवसरमा दीप प्रज्ज्वलन कार्यक्रम सम्पन्न

11/01/2026

लायन्स क्लब अफ शुद्धोधनद्वारा पृथ्वीनारायण शाहको ३०४औँ जन्मजयन्ती तथा राष्ट्रिय एकता दिवसको अवसरमा दीप प्रज्ज्वलन कार्यक्रम सम्पन्न
कृष्ण पौडेल

लायन्स क्लब अफ शुद्धोधनले राष्ट्र निर्माता पृथ्वीनारायण शाहको ३०४औँ जन्मजयन्ती तथा राष्ट्रिय एकता दिवस को अवसरमा दीप प्रज्ज्वलन कार्यक्रम आयोजना गरी सम्पन्न गरेको छ।

कार्यक्रम शुद्धोधन गाउँपालिका–४, फर्सटिकर, रूपन्देही मा सम्पन्न भएको हो।
उक्त कार्यक्रम लायन्स क्लब अफ शुद्धोधनका अध्यक्ष सुनील थापाको अध्यक्षतामा सम्पन्न भएको थियो भने शुद्धोधन गाउँपालिका–४ का अध्यक्ष केशव अधिकारी प्रमुख अतिथिका रूपमा उपस्थित रहनुभएको थियो।

कार्यक्रममा बोल्ने वक्ताहरूले राष्ट्र निर्माता पृथ्वीनारायण शाहले नेपालको एकीकरणमा पुर्‍याउनुभएको ऐतिहासिक योगदान, राष्ट्रिय एकताको महत्व तथा वर्तमान अवस्थामा राष्ट्रिय भावना, सामाजिक सद्भाव र एकतालाई अझ मजबुत बनाउनुपर्ने आवश्यकता माथि प्रकाश पार्नुभएको थियो। साथै, देशको सार्वभौमिकता, राष्ट्रिय अखण्डता र पहिचानको संरक्षण सबै नागरिकको साझा दायित्व भएको धारणा व्यक्त गरिएको थियो।

लायन्स क्लब अफ शुद्धोधनले यस्ता राष्ट्रिय तथा सामाजिक चेतनामूलक कार्यक्रमहरू मार्फत समाजसेवामा निरन्तर योगदान दिँदै आएको र आगामी दिनमा पनि यस्ता कार्यक्रमलाई निरन्तरता दिने प्रतिबद्धता व्यक्त गरिएको छ।

कार्यक्रमको अन्त्यमा राष्ट्र निर्माण र एकताको भावनालाई आत्मसात गर्दै दीप प्रज्ज्वलन गरिएको थियो।

11/01/2026

राष्ट्रिय प्रजातन्त्र पार्टी शुद्धोदनले पृथ्वीनारायण शाहको ३०४ औं जन्मजयन्ती तथा राष्ट्रिय एकता दिवसको अवसरमा फर्साटिकर चोक मा दीप प्रज्ज्वल कार्यक्रम सम्पन्न गरेको छ।

10/01/2026

१३ बुँदे माग नसुने निर्णायक संघर्षः हरेक नागरिक राष्ट्रिय मुक्ति सेना बन्न तयार – बसन्त श्रेष्ठ
रामकृष्ण शर्मा ,बुटवल
नेकपा (माओवादी) का पोलिटब्युरो सदस्य तथा प्रमुख अतिथि बसन्त श्रेष्ठ (सी) ले नेपालको राष्ट्रिय स्वाधीनता गम्भीर खतरामा परेको बताउँदै त्यसको रक्षाका लागि हरेक नागरिक राष्ट्रिय मुक्ति सेना बन्न तयार हुनुपर्ने कडा चेतावनी दिएका छन्। उनले भ्रष्टाचारीहरूको सम्पत्ति छानबिन गरी कारबाही गर्दै सम्पत्ति राष्ट्रियकरण गर्नु आजको ऐतिहासिक आवश्यकता भएको स्पष्ट पारे।
शनिबार बुटवलमा सम्पन्न समाजवादी युवा जागरण सभालाई सम्बोधन गर्दै नेता श्रेष्ठले राष्ट्रपति समक्ष बुझाइएका मागहरू राज्यसत्ताले बेवास्ता गरे सडक, संसद र सरकार तीनै मोर्चाबाट निर्णायक संघर्ष चर्काइने बताए।
नेकपा (माओवादी) ले पौष ९ गते राष्ट्रपति समक्ष पेस गरेको १३ बुँदे मागपत्र माथि १० दिने अल्टिमेटम दिइएको थियो। अल्टिमेटम पूरा नहुँदा पौष २० गतेदेखि समाजवादी युवाहरूको नेतृत्वमा समाजवादी युवा जागरण अभियान सुरु गरिएको हो। पश्चिमको गड्डाचौकीबाट सुरु भएको अभियान शनिबार बुटवल आइपुगेको छ।
सभामा अभियानका संयोजक प्रेम सी ले वर्तमान राजनीतिक अवस्थाप्रति तीव्र असन्तोष व्यक्त गर्दै जनतालाई विचार र सिद्धान्तविहीन प्रवृत्तिबाट होसियार हुन आग्रह गरे।
उनले भने, “विचार, सिद्धान्त र वर्गीय दृष्टिकोणबिनै ‘नयाँ पार्टी’ को नारा लगाउने ठग प्रवृत्तिले जनतालाई भ्रममा पारिरहेको छ। यस्ता शक्तिहरू अन्ततः परिवर्तनका बाधक हुन्।”
कार्यक्रममा वक्ताहरूले सर्वपक्षीय सरकार गठन, राज्यको पुनर्संरचना, जेन–जी आन्दोलनका मागहरूको तत्काल सम्बोधन, संविधानको पुनर्लेखन, उच्चस्तरीय शक्तिशाली न्यायालय स्थापना, कालोधन थुपार्नेहरू तथा विदेशी एजेन्ट र दलालहरूमाथि कडा कारबाही जस्ता मागहरू पुनः दोहोर्‍याए।
जेन–जीको भावना र चाहनाविपरीत कठपुतली सरकार गठन गरिएको आरोप लगाउँदै नेताहरूले त्यसलाई खारेज गरी जनताको प्रतिनिधित्व गर्ने सर्वपक्षीय सरकार गठन नगरे संघर्षलाई अझ व्यापक र तीव्र बनाइने चेतावनी दिए।
कार्यक्रमको सञ्चालन नेकपा (माओवादी) का केन्द्रीय सदस्य तथा दैलेख इञ्चार्ज प्रकाश सी ले गरेका थिए। जनयुद्धकालीन जनकलाकार हिमशिखर र रेसमी का क्रान्तिकारी गीतहरूले सभालाई उर्जाशील बनाएको थियो।
आजकै दिन रुपन्देहीको सैनामैना, बुटवल र देवदहमा जागरण सभा सम्पन्न गरी अभियान टोली नवलपरासी तर्फ अगाडि बढेको छ। नेताहरूले राष्ट्रपति समक्ष बुझाइएका १३ बुँदे मागहरू नसुने कडा आन्दोलन र निर्णायक जनसंघर्षमा जाने अन्तिम चेतावनी दिएका छन्।

10/01/2026

१३ औँ शुद्धोदन फर्साटिकर कप २०८२ को उपाधि झरना स्पोर्ट्स क्लव लाई
कृष्ण पौडेल

१३ औँ शुद्धोदन फर्साटिकर कप २०८२ अन्तर्गत सम्पन्न फाइनल खेलमा झरना स्पोर्ट्स क्लबले शानदार प्रदर्शन गर्दै कपिलवस्तु–११ लाई २–० गोल अन्तरले पराजित गरेको छ।

निर्धारित समयमा झरना स्पोर्ट्स क्लबले खेलको सुरुदेखि नै आक्रामक रणनीति अपनाउँदै विपक्षी टिममाथि दबाब बनाएको थियो। उत्कृष्ट पासिङ, अनुशासित खेल र सशक्त आक्रमणका कारण झरनाले २ गोल गर्दै खेललाई एकतर्फी बनायो।

कपिलवस्तु–११ ले खेलमा पुनरागमनको प्रयास गरे पनि झरना स्पोर्ट्स क्लबको मजबुत डिफेन्स र गोलकिपिङ अघि टिक्न सकेन। दर्शकको उल्लेख्य उपस्थितिमा सम्पन्न फाइनल खेल निकै उत्साहपूर्ण बनेको थियो।

उक्त जितसँगै झरना स्पोर्ट्स क्लबले १३ औँ शुद्धोदन फर्साटिकर कप २०८२ को उपाधि हात पार्दै प्रतियोगिताको सफल अन्त्य गरेको छ।

10/01/2026

१३ औँ शुद्धोदन फर्साटिकर कप २०८२

10/01/2026

फाइनल खेल !
१३ औँ शुद्धोदन फर्साटिकर कप २०८२ अन्तर्गत
झरना स्पोर्ट्स क्लब ले कपिलबस्तु ११ लाइ 0-2 गोल अन्तरले पराजित गर्दै १३ औँ शुद्धोदन फर्साटिकर कप २०८२ बिजेता बन्न सफल भयको छ ।

10/01/2026

फाइनल खेल !
१३ औँ शुद्धोदन फर्साटिकर कप २०८२ अन्तर्गत
झरना स्पोर्ट्स क्लब Vs कपिलबस्तु ११ बिच भैरहेको छ |

10/01/2026

फाइनल खेल !
१३ औँ शुद्धोदन फर्साटिकर कप २०८२ अन्तर्गत
झरना स्पोर्ट्स क्लब Vs कपिलबस्तु ११

09/01/2026

बुटवल बृहत् सरसफाइ अभियान दोस्रो दिन पनि उत्साहजनक सहभागिता
बुटवल।
‘स्वच्छ बुटवल–हरित बुटवल, ऐतिहासिक बुटवल–पर्यटकीय बुटवल’ भन्ने मूल नारासहित सञ्चालन भइरहेको बुटवल बृहत् सरसफाइ अभियान–२०८२ दोस्रो दिन पनि व्यापक सहभागिताका साथ सम्पन्न भएको छ।
पौष १८ गते बुटवल उपमहानगरपालिकाका प्रमुख खेलराज पाण्डेले अभियानको औपचारिक उद्घाटन गरेका थिए। सहिद बेपत्ता स्मृति प्रतिष्ठान नेपाल, रुपन्देहीको आयोजनामा तथा बुटवल उपमहानगरपालिकाको सहकार्यमा सञ्चालन भइरहेको अभियान अन्तर्गत आज दोस्रो दिनको सरसफाइ कार्यक्रम सम्पन्न गरिएको हो।
दोस्रो दिनको कार्यक्रम अक्सफोर्ड माध्यमिक विद्यालय, बुटवलका प्रधानाध्यापक दिनेश भुसालको संयोजकत्वमा सुरु गरिएको हो। कार्यक्रममा बुटवल उपमहानगरपालिकाका प्रमुख खेलराज पाण्डे प्रमुख अतिथिका रूपमा सहभागी थिए।
कार्यक्रमलाई सम्बोधन गर्दै नगरप्रमुख पाण्डेले बुटवललाई स्वच्छ, हरित र सुन्दर सहर बनाउन यस्ता अभियानलाई निरन्तरता दिनुपर्ने बताए। उनले आयोजक संस्थालाई अभियानलाई अझ व्यवस्थित र दिगो बनाउन आग्रह गर्दै सम्पूर्ण नगरबासीलाई सक्रिय सहभागिताका लागि अनुरोध गरे।
आजको कार्यक्रमका संयोजक दिनेश भुसालले बुटवल बजार क्षेत्र सफा राख्न विद्यालय सधैँ सहयोग गर्न तयार रहेको स्पष्ट पार्दै विद्यार्थीहरुलाई समेत परिचालन गरेर सहर सफा राख्ने अभियानमा योगदान गर्ने प्रतिबद्धता व्यक्त गरे।
सरसफाइ कार्यक्रममा सहिद बेपत्ता स्मृति प्रतिष्ठानमा आवद्ध अभियन्ता, नेकपा (माओवादी) का नेता तथा कार्यकर्ता, विद्यार्थी, सामाजिक क्षेत्रका अगुवा, समाजसेवी, नागरिक समाजका प्रतिनिधि तथा मिडियाकर्मीहरूको बाक्लो उपस्थिति रहेको थियो।
कार्यक्रमका क्रममा बसपार्क क्षेत्र वरपर डस्बिनको अभाव देखिएको सहभागीहरुले औंल्याएका थिए। उक्त क्षेत्रमा थप डस्बिन व्यवस्थापन गर्नुपर्ने आवश्यकता रहेको निष्कर्ष निकालिएको छ।
यस अवसरमा बुटवल उपमहानगरपालिका सरसफाइ शाखा प्रमुख लक्ष्मी अर्यालको समेत उपस्थित रहेको थियो।
आयोजक संस्थाले बुटवललाई स्वच्छ र स्वस्थ सहर बनाउने लक्ष्यसहित अभियानलाई निरन्तर अगाडि बढाइने जानकारी दिँदै सबै सरोकारवालालाई अभियानमा साथ दिन आग्रह गरेको छ।

Neednepal Tv

11/01/2026

11/01/2026

11/01/2026

10/01/2026

10/01/2026

10/01/2026

10/01/2026

10/01/2026

10/01/2026

09/01/2026

Address

Telephone

Website

Alerts

Contact The Business

Shortcuts

Share

Category