Neednepal Tv

29/11/2025

खेलकुदमा अझ बढी बजेट ल्याउने छु - दूधनाथ यादव देवदह वार्ड नं ११ वडा अध्यक्ष

देवदह नगरपालिका वडा नं -११ द्वारा आयोजित वडा कप क्रिकेट प्रतियोगिता।
#खेल
#क्रिकेट
#देवदह

28/11/2025

देवदह नगरपालिका वडा नं -११ द्वारा आयोजित वडा कप क्रिकेट प्रतियोगिताको
फाइनल खेलमा छोट्की गुम्मी र सिक्टहन बीच प्रतिस्पर्धा भएको खेलमा सिक्टहन ले जीत हासिल गरेको छ।

27/11/2025

संसार बदल्नु छ सुरु आफैँबाट गर्नु छ विकासानन्द फाउण्डेशनद्वारा बुटवलमा मनोक्रान्ति स्मार्ट योग’ कार्यक्रम सुरु .

27/11/2025

संसार बदल्नु छ सुरु आफैँबाट गर्नु छ विकासानन्द फाउण्डेशनद्वारा बुटवलमा मनोक्रान्ति स्मार्ट योग’ कार्यक्रम शुरु
कृष्ण पौडेल
बुटवल
संसार बदल्नु छ सुरु आफैँबाट गर्नु छ र्। आफ्नो लागि साधना र अरूका लागि सेवा” भन्ने मूल मन्त्रका साथ विकासानन्द फाउण्डेशन बुटवल साखाले मनोकान्ति स्मार्ट योग’ कार्यक्रम आजबाट सुरु गरेको छ ।
आत्म–उन्नति, मानसिक स्वास्थ्य, दैनिक अनुशासन र सामाजिक सेवाको भावना अभिवृद्धि गर्ने उद्देश्यले उक्त कार्यक्रम औपचारिक रूपमा बुटवलमा प्रारम्भ गरिएको हो ।

कार्यक्रममा सहभागीहरूलाई योग, ध्यान, शारीरिक–मानसिक सन्तुलनका विधिहरूसँगै सकारात्मक जीवनशैली अंगाल्न प्रेरित गरिने फाउण्डेशनले जनाएको छ । ‘ मनोक्रान्ति स्मार्ट योगले व्यक्तिको आत्म–परिवर्तनमार्फत परिवार, समाज र राष्ट्रमा सकारात्मक प्रभाव पु¥याउने विश्वास आयोजकको रहेको छ।

फाउण्डेशनका प्रतिनिधिहरूका अनुसार समाज सुधारको शुरुवात हरेक व्यक्तिको व्यक्तिगत परिवर्तन र नियमित साधनाबाट हुने भएकाले कार्यक्रमलाई निरन्तर र प्रभावकारी बनाइनेछ । साथै, बुटवल क्षेत्रका आम नागरिकलाई योग र ध्यानमार्फत स्वस्थ जीवनशैली अपनाउन प्रोत्साहित गर्ने योजनासमेत फाउण्डेशनले अघि सारेको छ ।

कार्यक्रममा सहभागी स्थानीयवासीहरूले यस्तो पहलले शहरमा स्वास्थ्य, सचेतना र सकारात्मक सोच विस्तार गर्न ठूलो योगदान पु¥याउने विश्वास व्यक्त गरेकाछन् ।

26/11/2025

सडकमा रहेको बाच्छीको उपचार हुदै ।

22/11/2025

कान्ति माविमा नक्कली प्रमाणपत्र काण्ड: अख्तियारको सोधपुछपछि दुई शिक्षकको आकस्मिक राजिनामा

नेपालकै एक प्रतिष्ठित सामुदायिक विद्यालयमा नक्कली प्रमाणपत्र प्रयोग गरी शिक्षक नियुक्ति गरिएको आशंका

बुटवल। नेपालकै प्रतिष्ठित सामुदायिक विद्यालय मानिने कान्ति माध्यामिक विद्यालय, बुटवलमा नक्कली प्रमाणपत्र पेस गरी शिक्षक नियुक्ति गरिएको आशंका सार्वजनिक भएको छ। सोही प्रकरणसँग सम्बन्धित रहेको मानिएका दुई शिक्षकले अचानक दिएको आकस्मिक राजिनामाले थप प्रश्न खडा भएको छ।

विद्यालयमा झण्डै पाँच वर्षदेखि कार्यरत शिक्षक बिष्णु गौतम र बिदुर पौडेलले हालै एकैसाथ राजिनामा दिएपछि, नक्कली प्रमाणपत्र प्रयोग गरी नियुक्ति लिएको भन्ने सम्भावित अनियमितता चर्चामा आएको हो।

करीब दुई महिनाअघि केही शिक्षकले नक्कली प्रमाणपत्र प्रयोग गरेको उजुरी बुटवल उपमहानगरपालिका र अख्तियार दुरुपयोग अनुसन्धान आयोगमा पुगेको थियो। उजुरीका आधारमा अख्तियारले विद्यालयसँग स्पष्टिकरण माग गर्दै पत्र पठाएको र सोही पत्र पुगेको केही दिनमै दुवै शिक्षकले राजिनामा दिएको विद्यालय स्रोतको दाबी छ।

यसैबीच, विद्यालयका सहायक प्रअ तथा सूचना अधिकारी केदार ज्ञवालीले दुई शिक्षकका कागजातबारे अख्तियारबाट सोधपुछ आएको पुष्टि गर्दै भने, “अख्तियारको जानकारी आएलगत्तै दुवैले राजिनामा बुझाएका हुन्।”

शिक्षक बिष्णु गौतम विद्यालयको होस्टेल वार्डेनको जिम्मेवारीमा पनि थिए। नयाँ व्यवस्थापन समिति गठन भएपछि होस्टेलका केही सामान खरिद प्रक्रियामा अनियमितता फेला परेपछि व्यवस्थापन समितिले व्यापारीहरूलाई मूल्य घटाएर भुक्तानी गर्न निर्देशन दिएको थियो। सोही प्रक्रियामा संलग्न व्यक्तिमध्ये गौतमले बुटवलमै कुनै निकायमा दर्ता नभएको निजी होस्टेल सञ्चालन गरेको आरोप एक शिक्षकले लगाए।

प्राचार्य: “सत्यतथ्य छानबिनपछि मात्र स्पष्ट हुन्छ”

विद्यालयका प्राचार्य गोविन्द ज्ञवालीले अख्तियारको पत्र आएको भोलिपल्टै दुवै शिक्षकलाई सक्कली प्रमाणपत्रसहित उपस्थित हुन भनिएको जानकारी दिए।
तर बिदुर पौडेलले इमेलमार्फत राजिनामा पठाएका थिए भने बिष्णु गौतमले अरू व्यक्तिमार्फत राजिनामा बुझाएको उनले बताए।

प्राचार्यका अनुसार दुवै जनाको राजिनामा अहिले स्वीकृत गरिएको छैन र एक महिनाको तलब रोकिएको छ।
“के सत्य हो भन्ने अख्तियारले छानबिन गरी पठाएपछि मात्र स्पष्ट हुन्छ,” प्राचार्य ज्ञवालीले भने।

आरोपित शिक्षकहरूको पक्ष=-

शिक्षक बिष्णु गौतमले आफूले प्रयोग गरेका सबै कागजात सक्कली भएको दाबी गर्दै भने,
“अरू ठाउँमा जागिरको लागि स्वेच्छाले राजिनामा दिएको हुँ। कुनै निकायबाट अनुसन्धान भइरहेको जानकारी आएको छैन।”

अर्का शिक्षक बिदुर पौडेलले पनि आफ्नो आन्तरिक कारणले राजिनामा दिएको बताउँदै भने,
“बाहिर अनावश्यक हल्ला फैलाइएको मात्र हो। मेरा सबै प्रमाणपत्र सक्कली छन्। शिक्षक सेवा आयोगका परीक्षामा पनि नियमित सहभागी हुँदै आएको छु।”

लामो विवादपछि सक्रिय बन्दै विद्यालय

करिब ६ हजार विद्यार्थी र २०० भन्दा बढी शिक्षक–कर्मचारी रहेको कान्ति माविमा राजनीतिक खिचातानीका कारण वर्षौँदेखि व्यवस्थापन समिति गठन हुन नसकेको थियो।
झण्डै चार महिनाअघि सम्पन्न निर्वाचनबाट नयाँ समिति गठन भएपछि विद्यालयले सुधार, पारदर्शिता र अनुगमनका कामलाई तीव्रता दिएको छ। नक्कली कागजातसम्बन्धी उजुरी र पछिल्लो राजिनामा घटनाले विद्यालय पुनः चर्चामा आएको छ।

22/11/2025

मंसिर ७ भोलि देखी दुर्गा प्रसाईं नेतृत्वको अनिश्चितकालीन आम हडताल

19/11/2025

19/11/2025

मुक्तिनाथ महायज्ञ २०८२ सुरुहुदै परम बैस्णब पुज्य गुरु नेत्र पराजुली ज्यु को आगमन ।

19/11/2025

मुक्तिनाथ महायज्ञ सुरुहुदै परम बैस्णब पुज्य गुरु नेत्र पराजुली ज्यु को आगमन ।

19/11/2025

मतदाता नामावली दर्ता सहजीकरण निःशुल्क अभियान मा देवदहका युवाहरुले गरेको यस्तो महान् काम प्रति सम्मान🙏❤️

#कश्यपपाण्डे