05/10/2020
निर्मला पन्तले
सम्झना बि.क लाई सोधिन् ,
" तिमी पनि नेपाल भन्ने देश बाट आएकी जस्ती छौ नि, के भएर आएकी हौ र? "
रगतले लत्पतिएको शरिरि, च्यातिएको कपडा बिच, डराउदै र काप्दै बोलिन ..
हजुर... हो नि, मन्दिर भित्र मेरो अन्तिम प्राण गयो !
निर्मला..
आत्तिदै सोधिन, " कतै तिम्लाई बलिको पात्र त बनाएनन ?"
सम्झना फेरि डराउदै बोलिन ..
बलि को पात्र नै बने दिदी ! बस मेरो रगत गर्धन बाट बगेन,
घाँटी निमोठियो, अन्कुराउदै गरेका कलिला स्तन निमोठियो,
निर्मला...
अझै आत्तिदै र डराउदै प्रश्न गर्न थालिन..
"मेरो हत्या पश्चात् पनि नेपालमा कुनै कानुन बनेन ? कसैले आवाज उठाएन्न ? कसैले सुनेन्न म बलात्कृत हुँदा को चीत्कार ?
अझै पनि कोहि चेली सुरक्षित छैन्न र ? "
सम्झना...
काम्दै गरेका ती कलिला ओठले शिर उठाउदै येता उता हेर्दै बोल्न थालिन..
बोलेका थिए दिदी..
सडक तातेको थियो, मानिस बलात्कारी लाई झुन्डाउनु पर्छ भन्दै माग गरेका देखिन्थ्ये, तर पैसा , पावर र राजनैतिक आडमा कोहि समातिएनन, तपाई को आत्मा अझै पनि उखुबारी मा नै छट्पटिएको छ, तपाईं ले न्याय पाउनु हुन्थ्यो त आज मेरो यो हालत हुने थिएन !
सम्झना रुदै निर्मला लाई प्रश्न गर्न थालिन..
दिदी यहाँ त नेपालको जस्तो बलात्कृत हुन्न नि म फेरि ?
" चिन्ता नगर..
तिमी स्वर्गमा छौ, यहाँ सबैको सम्मान हुन्छ, यहाँ पापी हरुलाई कुनै स्थान नै छैन, यहाँ हाम्लाई भगवान ले बचाउछन "
सम्झना केही डराउदै प्रश्न गर्न थालिन..
दिदी भगवान ले बचाउथ्ये भने, म मन्दिर भित्रै बलात्कृत हुदा भगवान किन नतमस्तक भै हेरि मात्र रहे ? म माथी त्रिशुल प्रहार हुदा किन तपाईं को भगवानले रोकेनन ?
निर्मला शब्दहिन भैन,
स्वर्गका भगवान हरु उत्तरबिहिन भए,
निर्मला ले हात दिदै...
सम्झना लाई उठाइन, यहाँ पापी हरुलाई कुनै स्थान छैन,
कपडा परिबर्तन गराई दिन, अनुहार सजाई दिन र परि झै बनाई दिन र भनिन् ,
हिड...
आज म तिम्लाई स्वर्ग देखाउछु ,
उ त्यो इन्द्रको सिङ्हासन हो, ती अप्सरा हरु हुन,
उ त्यो तिमी जस्तै कोमल र निर्मल कमल को फुल हो,
ती स्वर्गका चरा हरु हुन,
यी रङ्गिचङ्गी फुल हरु हुन,
तिमी यहाँ एक्लै जहाँ पनि जान सक्छौ,
तिमी यहाँ एक्लै रात बिताउन सक्छौ,
तिम्लाई यहाँ कसैले कु- दृस्टी ले हेर्न सक्दैन्न,
तिमी त्यो आँप को बगैंचा एक्लै घुम्न सक्छौ,
तिमी बग्गीमा एक्लै घुम्न सक्छौ,
यहाँ तिम्रा स्तन छुने आट कसैले गर्दैनन् ,
उ तिनी हरु नाची रहेका अप्सरा हरु हुन,
जस्लाई कसैले एकान्त को फाइदा उठाउदै बालात्कार गर्न सक्दैन्न,
तिमी यहाँ एक्लै शिक्षा लिन जान सक्छौ र
एक्लै अबेर साझ सुरक्षित फर्किन सक्छौ !
सम्झना खुशी हुँदै हास्न थालिन..
दिदी उ तिनी हरुचै को हुन नि ?
" ती सबै हामी जस्तै बालात्कृत भएर मारिएका हुन..
स्वर्गका भगवान ले सबैलाई परि झै सजाई राखेका छन "
अनि दिदी..
हाम्लाई बलात्कार गरि मार्ने हरु यहाँ आए भने हामी कता जाने फेरि ? कता लुक्ने ? कता भाग्ने ? यहाँ त हाम्रो परिवार पनि छैनन् , दाजुभाई पनि छैनन् बचाउन !
" ती सबै नरपिचास हरु स्वर्ग आउने बाटो धर्ती बाटै बन्द छ
उनी हरुलाई नर्क लान्छन , धर्तिमा नपाएको सजाय भगवान ले नर्क मै दिन्छन् "
दिदी .. उ त्यो के हो ?
" त्यो बाघ हो , नडराउ उ धर्तिका मानिस भन्दा नि ज्ञानि छ !
अनि उ त्यो ?
" त्यो तलाउ हो.. जहाँ अप्सरा हरु आई स्नान गर्छन "
अनि उ त्यो नि ?
"त्यो बादल हो, हिड हामी जाउ , बादल माथी, घुमौ स्वर्ग
जहाँ हामी स्वतन्त्र अनि बे- फिक्री घुम्न सक्छौ,
🌹🥀
Legendary post
