The Bhugol - भुगोल

08/06/2025

२५ जेठ, काठमाडौं । स्कटल्याण्डमा जारी आईसीसी क्रिकेट विश्वकप लिग २ अन्तर्गत एकदिवसीय शृंखलाको आफ्नो तेस्रो खेलमा नेपालले आज स्कटल्याण्डसँग खेल्दै छ ।

खेल नेपाली समयअनुसार अपरान्ह पौने ४ बजेदेखि डुन्डीमा सुरु हुनेछ । नेपालले यस शृंखलामा स्कटल्याण्डसँग दोस्रो खेल खेल्न लागेको हो ।

06/05/2025

हुम्ला
हुम्लाको ताँजाकोट गाउँपालिकाको कार्यालयबाट देखिएको हुम्लाको प्रसिद्ध देउता अदानचुली माईको मन्दिर रहेको अग्लो चुचुरो र आसपासका क्षेत्र ।
तस्बिर : कालीबहादुर थापा /रासस
Bhugol - भुगोल

04/05/2025

एक हृदयविदारक घटना:
बागलुङ जिल्लाको तारखोला गाउँपालिका–३ स्थित भुस्कात गाउँमा एक हृदयविदारक घटना घटेको छ, जसले अहिले सामाजिक सञ्जाललाई भावुक बनाइरहेको छ। गएको वैशाख १७ गते राति करिब ११:३० बजेतिर माया बिकको गोठमा अचानक आगलागी भयो। गोठभित्र गर्भवती काली भैंसी र उसको डेढ वर्षको राँगो थुनिएको थियो। आगलागी यति तीव्र थियो कि राँगो तुरुन्तै जलेर मृत्यु भयो, तर भैंसी भने गम्भीर रूपमा घाइते भएर जिउँदै बचिन्।

भैंसीको अवस्था अत्यन्तै पीडादायक थियो। उसका छाला पूरै जलेका थिए, दुवै आँखा फुटेका थिए, मुखबाट फिँज निस्किरहेको थियो। न ऊ कराउन सक्थी, न केही खान सक्थी, न त सुस्ताउन नै सक्थी। त्यो दृश्य हेर्नसमेत नसकिने थियो। सामाजिक सञ्जालमा मायाका कान्छा छोरा सनम विकले भिडियो सेयर गर्दै लेखेका छन्, “उनी पनि एउटी आमा हुन्। उनको श्राप र आँशु लाग्नेछ।” यो पोस्टसँगै हजारौं मानिसहरू भावुक बनेका छन् र उक्त निर्दोष जनावरप्रति सहानुभूति प्रकट गरेका छन्।

चिकित्सकको सल्लाहमा भैंसीलाई ‘युथोनाईज’ गरिएको हो। ‘युथोनाईज’ भन्नाले कुनै पनि प्राणीलाई पीडारहित तरिकाले मृत्युदिनु हो, ताकि उसले अत्यधिक कष्ट भोग्न नपरोस्। गर्भवती अवस्थामा रहेको उक्त भैंसीले कति पीडा सहेको होला भन्ने कुराले धेरैको मन पग्लिएको छ। यो घटना केवल आगलागीको पीडा मात्र होइन, जनावरप्रतिको हाम्रो दायित्व र संवेदनशीलताको प्रश्न पनि हो।

21/04/2025

ओली नेतृत्वको सरकारमा ,नेकपा (एमाले) मा अझैसम्म पनि यतिका नैतिकता भएको व्यक्ति बाँकी रहेछन् । प्रधानमन्त्रीबाट शिक्षक आन्दोलन र यसको मागलाई सम्बोधन नगर्ने छाँट देखेपछि नैतिकताको आधारमा शिक्षा मन्त्री विद्या भट्टराईले मन्त्री पदबाट राजीनामा दिएको स्रोतले बताएको छ।यो राजीनामासंगै भट्टराईले पति स्वर्गीय रवीन्द्र अधिकारीले आर्जन गरेको व्यक्तित्वलाई थप टेवा दिएको ठानें ,भलै पार्टीमा केपी ओलीले टिक्न भने कति देलान् ।

18/04/2025

14/04/2025

Happy new year to all (2082)❤️.!
नयाँ वर्षको धेरै धेरै शुभकामना छ सबै जनालाई । यो वर्ष सबैको लागि खुसी ले भरिपूर्ण होस्।❤️
विगतका कुरा भुलेर सबैलाई अगाडि बढ्ने हौसला मिलोस्।
आफूले चाल्न लागेको हरेक कदममा सफलता मिलोस्।

21/03/2025

जिलेस्पी जंग कार्कीको गोलमा नेपालले सिंगापुरलाई अन्तर्राष्ट्रिय मैत्रीपूर्ण खेलमा पराजित गरेको छ ।

सिंगापुरको राष्ट्रिय रंगशालामा भएको खेलमा नेपाल १-० ले विजयी भएको हो । सिंगापुरको सिनियर पुरुष राष्ट्रिय टोलीमाथि नेपालको यो पहिलो जित हो ।

नेपालका लागि जिलेस्पीले खेलको १२ औं मिनेटमा गोल गरेका थिए । मनिष डाँगीले दाया विंगबाट दिएको लो पासलाई उनले पहिलो टचमै गोलमा परिणत गरेका थिए । जिलेस्पीको राष्ट्रिय टोलीबाट यो तेस्रो गोल हो ।

17/03/2025

नेकपा (मसाल) को बिद्यार्थी संगठनका पुर्व अध्यक्ष बिमल पोख्रेल आफ्नो सामाजिक संजालमा लेख्छन्
संघीयता विरुद्धको आन्दोलनमा नयाँ नेतृत्वको खाँचो छ । संघीयता कार्यान्वयन गर्नको लागि केपी शर्मा ओलीको मन्त्रीपरिषदमा राजा ल्याउन हिंडेका कमल थापासँग कुम जोडेर छैटौं उपप्रधानमन्त्री पड्काएर, सत्ताको चास्नी खाएर अघाएर बसेका चित्रबहादुर केसीबाट यो आन्दोलनको नेतृत्व हुन सक्दैन । आन्दोलनको नेतृत्व गर्ने मन भए केसीले माफी माग्नुपर्छ वा नयाँ कमान्डर तोकिनुपर्छ ।

संसदीय राजनीतिबाट सन्यास लिएँ भनेर घोषणा गर्ने, शेरबहादुर देउवाले टिकट दिएर चुनाव जित्ने छाँट देख्नेवित्तिकै पार्टीले सिफारिस गरेका नेताको टिकट खोसेर मनोनयन दर्ता गर्न दुगुर्ने । केसीको त्यागको वास्तविक परिभाषा त्यही हो । जसरी गिरिजाप्रसाद कोइरालाले २०६२ को आन्दोलन गर्ने बेला भृकुटीमण्डपमा माफीसभा गरेका थिए, त्यसै गरी पार्टी कार्यालय, कपनमा भए पनि माफी रुद्री लगाएर मात्रै सडकमा निस्कदा थोरै धोइपखाली हुन सक्छ । नत्र कस्ले पत्याउँछ तपाईंका नौटंकी ? जनता बेकुफ छैनन्, बुझ्ने भइसके !

संघीयता कार्यान्वयन गर्नको लागि उपप्रधानमन्त्री पनि हुनुपर्ने, पार्टीका कार्यकर्ताको टिकट खोसेर सांसद पनि भइरहनुपर्ने, जिन्दगीभर पार्टी अध्यक्ष पनि भइरहनु पर्ने, आफैले कार्यान्वयन गरेको संघीयताको विरोधी पनि देखिनु पर्ने ! आफूले गरेका चटक गलत थिए भनेर माफी माग्नु पनि नपर्ने, दुनियाँलाई पाठ भने पढाइरहनु पर्ने । केसीजी, चित्रबहादुर यो राजनीतिको नाममा गरिएको यो दुर्भाग्यपूर्ण बिडम्बना हो ।

14/03/2025

चर्चीत उपन्यास "बसाइँ" लगायतका लेखक साहित्यकार लीलबहादुर क्षेत्रीको निधन भएको छ ।

वि.सं. १९८९ मा असम, गुवाहटीमा जन्मिएका चर्चित साहित्यकार लीलबहादुर क्षेत्रीको वि.सं. २०८१ फागुन २९ गते निधन भएको छ। करुण रसका लेखक क्षेत्रीको बसाइँ उपन्यास नेपाली साहित्यको अमूल्य धरोहर मानिन्छ।

उनका कृतिहरू बसाइँ, ब्रह्मपुत्रको छेउछाउ, अतृप्त, दोबाटो, असममा नेपाली भाषाको साह्रोगाह्रो, तीन दशक बीस अभिव्यक्ति, आदि छन्।

साहित्यकार लीलबहादुर क्षेत्रीप्रति भावपूर्ण श्रद्धाञ्जलि व्यक्त गर्दछौँ ।💐

10/03/2025

अछामको ढकारी गाउँपालिका–१, ढकारीस्थित स्थानीयका घर र पृष्ठभूमिमा थुम्कोको दृश्य । तस्बिर : सुशील भण्डारी/रासस ।

03/03/2025

नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानद्वारा आयोजित प्रतिनिधिसभा क्षेत्रीय सभापति तथा क्षेत्रीय प्रशिक्षण शाखा प्रमुखहरूको प्रशिक्षण कार्यक्रम रुपन्देहीमा।