Radio sindhu 105 MHz

06/06/2026

रेडियो सिन्धुको पहिलो खवरमा स्वागत छ ।

05/06/2026

05/06/2026

वडा नं. ३ का उदाउँदा फुटबल खेलाडी सागर तामाङलाई उनको उत्कृष्ट खेल प्रदर्शनको कदर गर्दै सोही वडा निवासी सन्देश तामाङले व्यक्तिगत पहलमा एक थान जर्सी तथा एक जोर फुटबल जुत्ता हस्तान्तरण गर्नुभएको छ। युवा खेलाडीहरूको हौसला र मनोबल बढाउने उद्देश्यले गरिएको यस सहयोगले सागर तामाङलाई आगामी दिनमा अझ उत्कृष्ट प्रदर्शन गर्न प्रेरणा मिल्ने विश्वास गरिएको छ। खेलकुद क्षेत्रको विकास र प्रतिभावान खेलाडीहरूको प्रोत्साहनका लागि सन्देश तामाङप्रति हार्दिक धन्यवाद ।

05/06/2026

आमाको दूधलाई प्रतिस्थापन गर्ने वस्तु बिक्री–वितरण नियन्त्रण ऐन, २०४९ अनुसार शिशुका लागि आमाको दूधको विकल्पका रूपमा बेचिने वस्तुको प्रचार–प्रसार, प्रवद्र्धन वा बिक्री–वितरणमा कानुनले तोकेको सीमाभन्दा बाहिर गएर प्रोत्साहन गरे कारबाही हुन सक्छ ।
जिल्ला न्यायधिवक्ता भगवतीदेवी गौतमले ऐन उल्लंघन गर्नेलाई अधिकतम ६ महिना कैद वा ५० हजार रुपैयाँसम्म जरिवाना वा दुवै सजाय हुन सक्ने व्यवस्था रहेको बताइन् ।

04/06/2026

जल्केनीमा झोल साबुन र फिनेल बनाउने तालिम सम्पन्न भएको छ ।

04/06/2026

सिन्धुपाल्चोकमा अन्तरजातीय विवाह गर्ने ११ जोडि सम्मानित भएका छन् ।
video : Deepak Khatri

04/06/2026

काभ्रेपलाञ्चोकको पाँचखाल नगरपालिका–३ स्थित ठुली सामुदायिक वनमा दुई जनाको कंकाल फेला परेको छ ।

जेठ २० गते बिहान वनमा रुखमा झुण्डिएको अवस्थामा सडेगलेका दुईवटा कंकाल फेला परेपछि स्थानीयले प्रहरीलाई खबर गरेका थिए ।

जिल्ला प्रहरी कार्यालय काभ्रेपलाञ्चोकका अनुसार, फेला परेका कंकालमध्ये एक जना सशस्त्र प्रहरी बल नम्बर १५ गण काभ्रेमा कार्यरत सशस्त्र प्रहरी सहायक निरीक्षक शक्ति राम रहेको पुष्टि भएको छ । अर्की मृतक कैलालीको घोडाघोडी नगरपालिका–१ निवासी महिला रहेको प्रहरीले जनाएको छ ।

शक्ति राम वैशाख १९ गते बिदामा निस्किएपछि सम्पर्कविहीन भएका थिए भने ती महिला पनि वैशाख १८ गते उनलाई भेट्न काभ्रे आएको परिवारले जनाएको थियो । दुवैको मोबाइल फोन बन्द भएपछि परिवारले प्रहरीमा खोजीका लागि निवेदन दिएका थिए ।

मोबाइल लोकेशन, कल डिटेल र अन्य प्राविधिक माध्यमबाट अनुसन्धान गर्दै गएको प्रहरीले खोजतलासकै क्रममा वनमा कंकाल फेला पारेको हो ।

मृतकहरूले लगाएका कपडा तथा साथबाट बरामद कागजातका आधारमा आफन्तले पहिचान गरेका हुन् । दुवै शव पोस्टमार्टमका लागि धुलिखेल अस्पतालमा राखिएको छ ।

घटनाको कारणबारे प्रहरीले थप अनुसन्धान गरिरहेको जनाएको छ ।

04/06/2026

मेलम्ची नगरपालिकाको आयोजनामा सम्पन्न दुईदिने खुला मेयर कप कराते प्रतियोगितामा चौतारा टिम च्याम्पियन बनेको छ। मेलम्चीमा आयोजित प्रतियोगितामा उत्कृष्ट प्रदर्शन गर्दै चौताराले सर्वाधिक स्वर्ण पदक जितेर उपाधिसहित नगद ५० हजार रुपैयाँ, ट्रफी, मेडल र प्रमाणपत्र प्राप्त गरेको हो। टोखा नगरपालिका वादोकाइ कराते दोस्रो हुँदै ३० हजार रुपैयाँ नगदसहित उपविजेता बनेको छ भने काभ्रे तेस्रो स्थान हासिल गर्दै २० हजार रुपैयाँ नगद पुरस्कार प्राप्त गरेको आयोजकले जनाएको छ।
टिम फाइटतर्फ पुरुष समूहमा टोखा नगरपालिका वादोकाइ कराते प्रथम बनेको छ। महिलातर्फ काभ्रे प्रथम, चौतारा द्वितीय तथा हेलम्बु र मेलम्ची संयुक्त रूपमा तृतीय बनेको छ।
प्रतियोगितामा काभ्रे, मकवानपुर, काठमाडौं (टोखा), बाह्रबिसे, मेलम्ची, चौतारा र हेलम्बुका गरी २ सय २९ खेलाडीको सहभागिता रहेको करातेका एसियन रेफ्री तथा प्रशिक्षक गङ्गालाल श्रेष्ठले जानकारी दिए।