23/01/2026
स्वदेश तथा विदेशमा रहनुभएका आदरणीय आमा-बुबा , दिदी-बहिनी तथा दाजुभाईहरू ! आगामी फागुन २१ गते हुन गइरहेको प्रतिनिधि सभा सदस्यको निर्वाचनमा डडेलधुरा क्षेत्र नम्बर १ बाट मनोनयन दर्ता गरी चुनावी मैदानमा उत्रिएको सहर्ष जानकारी गराउन चाहन्छु| विगत दुई दशकभन्दा बढी समय अहोरात्र देश र समाजका लागि राजनीतिक रूपान्तरणका लागि भ्रष्टाचार, व्यथिति र कुशासन अन्त्य गर्नका निमित्त देशको सार्वभौमसत्ता ,स्वाधीनता ,भूअखण्डका लागि आफ्नो रगत र पसिना बगाएर निरन्तर यहाँहरूको सेवामा "राजनीति सेवा हो, व्यापार होइन"? भन्ने मूल उद्देश्यले देशप्रेमको भावनाले ओत्प्रेत भएर कतै कहीँ पनि विचलित नभइकन आफ्नो पाइला नडगमगाइकन निरन्तर रूपमा राष्ट्रसेवामा खटिरहेको अवगत गराउन चाहन्छु। सुदूरपश्चिम हकित संरक्षण मञ्चको केन्द्रीय विद्यार्थी नेता हुँदै, सुदूरपश्चिमबाट कैलाली र कञ्चनपुरलाई टुक्र्याउने दुष्प्रयासलाई रोक्न कयौँ पटक जेल जीवन भोको पेट र नाङ्गो खुट्टा कैलाली बहुमुखी क्याम्पसबाट सु.प. का नौवटै जिल्लाका विद्यार्थीहरूलाई समेटेर सडक मैदानमा उत्रिँदै अखण्ड सुदूरपश्चिमको आन्दोलनलाई निर्णायक उचाइमा पुर्याएर सुदूरपश्चिमको आँगनको रूपमा रहेको कैलाली कञ्चनपुरलाई टुक्रिन नदिन पश्चिम नेपाल स्वायत्त परिषद् समेत गठन गरी कर्णाली र सुदूरपश्चिमलाई समेत जोडेर एक मधेश र एक प्रदेशको नारालाई निमिट्यान्न पारेको जानकारी गराउन चाहन्छु। त्यसैगरी नेपाली माटो ,नेपाली भूगोल, इतिहास, सभ्यता ,संस्कृति र पहिचानलाई टेकेर नेपालको आफ्नै जनक सभ्यता, बुद्ध सभ्यता र शिव सभ्यतालाई टेकेर नेपालवादी चिन्तन मार्फत देशमा सुशासन कायम गर्नका लागि मेची महाकाली भित्रको नेपाल मात्रै नभएर टिस्टा काँगडासम्मको विशाल वृत्तर नेपाल र नेपालीको एकीकरणका निमित्त रातदिन लागिपरेको जानकारी गराउँदछु। प्रजातान्त्रिक मूल्यमान्यतालाई सिरोधार्य गरी ६२ /६३ को १९ दिने जनआन्दोलनमा अग्र मोर्चामा रहेर सडक आन्दोलनमा होमिँदै अग्रगमन ,शान्ति, विकास र प्रगतिका लागि अहम भूमिका खेले पनि तथाकथित संविधानसभाका नाममा देश को पहिचान र धर्म संस्कृतिलाई मासेर आफ्नो इतिहास भूगोल, सभ्यता र संस्कृतिलाई निमिट्यान्न पारेर संघीयता ,गणतन्त्र र धर्म निरपेक्षता जस्ता विदेशीहरूका एजेन्डाहरू लागू गरी देशलाई रणमैदान बनाउनुको दुष्परिणाम आजसम्म निरन्तर रूपमा सडकमा सङ्घर्ष गरिरहेको जानकारी गराउन चाहन्छु। राष्ट्र निर्माता श्री ५ बडा महाराज धिराज पृथ्वीनारायण शाहको दिव्य उपदेश ,जय पृथ्वी बहादुर सिंहले दिएको मानवतावादी दर्शन सहिद भीमदत्त पन्तले देखाएको मार्गदर्शन लाई टेकेर नेपालमा चिरस्थायी शक्ति शान्ति, विकास र समृद्धि, सुशासन, भ्रष्टाचारमुक्त समाजका निर्माणका लागि निरन्तर कठिबद्ध भएर लागेको जानकारी गराउन चाहन्छु। नागरिक सर्वोच्चतामा विश्वास गर्नको नाताले कथित जनयुद्धकालीन समयमा पनि आफ्नो जिउ ज्यान समेतको प्रवाह नगरी शेरबहादुर देउवालाई चुनाव जिताउन सफल भएको थिए। तर सत्ता स्वार्थ र भ्रष्टाचारमा लिप्त नेतृत्वहरूको कदमका विरुद्ध विद्रोह गरी २०७४ सालको प्रतिनिधिसभाको निर्वाचनमा सांकेतिक रूपमा उम्मेदवारी दर्ता गरी तेस्रो स्थान हासिल गरेको थिए।जनताको मनोभावना ,युवाहरूको नेतृत्व, देशभक्त र राष्ट्रवादी धारलाई स्थापित गरेर देशलाई विदेशीहरूको रणभूमि र खेलमैदान हुनबाट वञ्चित गर्नका निमित्त परिवर्तित यस भाद्र २३ र २४ गते विद्रोहको नेतृत्वकर्ताको नाताले यहाँहरूको घरदैलोमा जय मातृभूमि पार्टीको तर्फबाट आमा चुनाव चिन्ह लिएर आउँदै छु| यस ऐतिहासिक क्षणमा परिवर्तित आन्दोलनको मर्मलाई बुझेर यहाँहरूले "आमा "चुनाव चिन्हमा आफ्नो अमूल्य मत व्यक्त गरी अत्याधिक बहुमतले विजयी गराइदिनुहुनेछ भन्नेमा पूर्ण विश्वस्त छौं! मेरो उम्मेदवारी यो व्यवस्थालाई सुधारेर मात्रै देशको आमूल अवस्था सुधार गर्न सकिन्छ भन्ने अर्थमा फोहोरको डुङ्गुरलाई सफा गर्न त्यसमै आफैले हात हाल्नुपर्दछ भन्ने मान्यताका साथ अगाडि बढेको छु। राष्ट्र बचाउ! राष्ट्र निर्माण गरौं| राष्ट्रलाई माया गरौँ| जननी जन्मभूमिस्च स्वर्गादपी गरियसी! जय मातृभूमि!!!
