03/06/2026
दिगो वन व्यवस्थापन अन्तर्गत झाडी सफाइ कार्य सम्पन्न
राजपुर गाउँपालिका-१, कठबेरूवा स्थित श्री देविस्थान सामुदायिक वन उपभोक्ता समूह अन्तर्गत आर्थिक वर्ष २०८२/०८३ मा दिगो वन व्यवस्थापन कार्यक्रमअनुसार काठ कटान सम्पन्न भएको क्षेत्रमा पुनः उत्पादन तथा वनको प्राकृतिक पुनर्जननलाई प्रोत्साहन गर्ने उद्देश्यले झाडी सफाइ कार्य गरिएको छ।
वन क्षेत्रको संरक्षण, संवर्द्धन तथा गुणस्तरीय बिरुवा र वनस्पतिको वृद्धि सुनिश्चित गर्न कटान गरिएको क्षेत्रमा रहेका अनावश्यक झाडी तथा बाधक वनस्पति हटाई सफाइ गरिएको समूहले जनाएको छ।
सामुदायिक वनको दिगो व्यवस्थापनमार्फत वन स्रोतको संरक्षण गर्दै भावी पुस्ताका लागि हरियाली वातावरण कायम राख्ने उद्देश्यका साथ यस्ता कार्यक्रमहरू निरन्तर सञ्चालन गरिने बताइएको छ।
