DhadingPost

08/06/2026

🇺🇸 धादिङ नेपाली समाज अमेरिका (DNSA) को नयाँ नेतृत्व चयनका लागि आज उम्मेदवारी दर्ता हुँदै!
अध्यक्ष पदमा राज गुरुङ र सागर अधिकारीबीच प्रतिस्पर्धा हुने संकेत देखिएको छ। जुन १४ मा हुने निर्वाचनमा अध्यक्षसहित विभिन्न पदका लागि नयाँ नेतृत्व चयन गरिनेछ।
अमेरिकामा रहेका धादिङवासीको साझा संस्थाको नेतृत्व कसले सम्हाल्ला? उम्मेदवारहरूको नामावली भोलि सार्वजनिक हुँदैछ।
पूरा समाचार 👇 DhadingPost.com

07/06/2026

गणित शिक्षा परिषद् धादिङको पाँचौँ जिल्ला अधिवेशन
जेठ ३० गते हुने भएको छ।

धादिङभरका गणित शिक्षक, शिक्षाप्रेमी तथा शुभेच्छुकहरूको सहभागितामा नीलकण्ठ बालमन्दिर माविको सभाहलमा अधिवेशन आयोजना हुने भएको हो । अधिवेशनले नयाँ नेतृत्व चयन गर्नुका साथै आगामी शैक्षिक योजना र गतिविधिबारे महत्वपूर्ण निर्णय गर्नेछ ।

गणित शिक्षा परिषद् धादिङले विगतदेखि नै शिक्षकहरूका लागि कार्यशाला, तालिम तथा विद्यार्थीहरूका लागि गणित हाजिरीजवाफ प्रतियोगितालगायत विभिन्न शैक्षिक गतिविधि सञ्चालन गर्दै आइरहेको छ।

गणित शिक्षाको विकास र गुणस्तर अभिवृद्धिका लागि समर्पित सम्पूर्ण शिक्षक तथा शुभेच्छुकहरूलाई सहभागिताका लागि हार्दिक अनुरोध ।

07/06/2026

🇵🇹 जनप्रगतिशील मञ्च पोर्चुगलद्वारा भेटघाट तथा अन्तरक्रिया कार्यक्रम सम्पन्न

नेपाली जनप्रगतिशील मञ्च पोर्चुगलले वरिष्ठ उपाध्यक्ष तथा संगठन विभाग प्रमुख गङ्गाप्रसाद भुषालको प्रमुख आतिथ्यतामा भेटघाट तथा अन्तरक्रिया कार्यक्रम सम्पन्न गरेको छ ।

कार्यक्रममा संगठनलाई थप व्यवस्थित, प्रभावकारी र एकताबद्ध बनाउने, प्रवासी नेपालीहरूको हकहितका लागि सक्रिय भूमिका खेल्ने तथा भाषा, संस्कृति र संस्कार संरक्षणमा जोड दिने विषयमा व्यापक छलफल भएको थियो ।

सहभागीहरूले नयाँ संरचनाअनुसार नेतृत्व चयन गर्दै संगठनलाई अझ सशक्त र प्रभावकारी बनाउने प्रतिबद्धता व्यक्त गरेका छन् ।

07/06/2026

📚 धादिङका १,२५६ विद्यार्थीले एसइई ग्रेडवृद्धि परीक्षा दिने 📝

माध्यमिक शिक्षा परीक्षा (एसइई) २०८२ मा ननग्रेडेड भएका धादिङका १३४ विद्यालयका १,२५६ जना विद्यार्थीले असार १ गतेदेखि सञ्चालन हुने ग्रेडवृद्धि (पुरक) परीक्षामा सहभागी हुने भएका छन्।

दुई वटा केन्द्र निर्धारण

🏫 आदर्श मावि, गजुरी–१
➡️ ६२ विद्यालयका ४९२ विद्यार्थी

🏫 नीलकण्ठ बालमन्दिर मावि, धादिङबेसी
➡️ ७२ विद्यालयका ७६४ विद्यार्थी

विद्यार्थीहरूलाई सफलताको शुभकामना! 🌺

07/06/2026

🎉 रास्वपा धादिङको सभापतिमा राजन अर्याल विजयी 🎉

राष्ट्रिय स्वतन्त्र पार्टी (रास्वपा) धादिङको प्रथम जिल्ला अधिवेशनबाट नयाँ नेतृत्व चयन भएको छ।

✅ सभापति : राजन अर्याल – १४३ मत (विजयी)
➡️ सूयमणि पाठक – ९२ मत
➡️ रामकुमार थपलिया – ६३ मत

✅ उपसभापति : श्रवण त्रिपाठी – २१६ मत (विजयी)
➡️ लिला श्रेष्ठ – ७७ मत

✅ सचिव : राम भण्डारी – १६२ मत (विजयी)
➡️ कल्पना श्रेष्ठ – ८० मत
➡️ विदुर अधिकारी – ५८ मत

✅ सहसचिव : श्रीराम आचार्य – १६० मत (विजयी)
➡️ राजेन्द्र कडेल – १२७ मत

निर्वाचित सम्पूर्ण पदाधिकारीलाई हार्दिक बधाई तथा सफल कार्यकालको शुभकामना। 🎊

06/06/2026

रास्वपा धादिङको नयाँ नेतृत्वका लागि मतदान सुरु

06/06/2026

06/06/2026

राष्ट्रिय स्वतन्त्र पार्टी धादिङ्ग जिल्ला अधिबेशनको अन्तिम नामावली सहित निर्बाचन प्रक्रिया सुरु 🔔🔔

06/06/2026

🏆 उत्कृष्ट नतिजा ल्याउने विद्यालय, शिक्षक र विद्यार्थीलाई नीलकण्ठ नगरपालिकाको लाखौं रुपैयाँसहित सम्मान

धादिङको नीलकण्ठ नगरपालिकाले शैक्षिक गुणस्तर अभिवृद्धि र उत्कृष्ट कार्यको कदर गर्दै यस वर्ष पनि विद्यालय, शिक्षक तथा विद्यार्थीहरूलाई नगद पुरस्कारसहित सम्मान गरेको छ ।

📚 एसईईमा शतप्रतिशत नतिजा ल्याउने दुई सामुदायिक विद्यालयलाई जनही ४ लाख रुपैयाँ पुरस्कार प्रदान गरिएको छ।
✅ भैरवी माध्यमिक विद्यालय
✅ शंखादेवी माध्यमिक विद्यालय, ज्यामरुङ

📖 कक्षा ८ (BLE) मा शतप्रतिशत नतिजा ल्याउने ७ विद्यालयलाई ५० / ५०हजार रुपैयाँ प्रदान गरिएको छ ।

🌟 BLE मा ४.० जीपीए प्राप्त गर्ने विद्यार्थीलाई जनही १० हजार रुपैयाँ तथा एसईईमा ४.० जीपीए ल्याउने विद्यार्थीलाई जनही ५० हजार रुपैयाँसहित सम्मान गरिएको छ।

👨‍🏫 एसईईमा शतप्रतिशत नतिजा दिलाउने १११ जना र BLE मा शतप्रतिशत नतिजा दिलाउने १९६ जना विषयगत शिक्षक सम्मानित भएका छन् ।

नीलकण्ठ बालमन्दिर माविका गणित शिक्षक उत्तम भट्ट र अर्जुन सिंखडा सम्मानित भएका छन् । उहाँहरूले पढाएको ऐच्छिक गणित विषयमा सहभागी १४६ जना विद्यार्थी शतप्रतिशत उत्तीर्ण भएका थिए ।

नगरपालिकाका वरिष्ठ शिक्षा अधिकृत प्रकाश दत्त भट्टकाले उत्कृष्ट विद्यालय, शिक्षक र विद्यार्थीलाई प्रोत्साहन गर्दै गुणस्तरीय शिक्षाको वातावरण निर्माण गर्ने उद्देश्यले हरेक वर्ष यस्ता सम्मान कार्यक्रम सञ्चालन गर्दै आएको जनाए ।

📰 पूरा समाचार : DhadingPost.com