01/08/2025
Inspirational Story: म फेरि बाँच्न सिके…. व्हीलचेयरमा पढेर पास गरें, लोकसेवामा नाम निक्लिएपछि बल्ल लाग्यो – मैले जिन्दगी जितेको हुँ। हामीमध्ये धेरैको जीवनमा कहिल्यै नसोचेको मोड आउँछ जसले केवल हाम्रो दिशा मात्र हैन, पुरै अस्तित्व हल्लाइदिन्छ। मेरो जीवनमा पनि त्यस्तै एक मोड आयो। आज म एक जना सरकारी सेवक हुँ, लोकसेवा आयोगको प्रतिस्पर्धात्मक परीक्षामा पहिलो प्रयासमै सफल भएको मान्छे तर यो सफलता सिधा रेखामा आएको होइन। त्यो रेखा कहिले झरेको थियो, कहिले भाँचिएको थियो, कहिले अस्तित्वमै छैन जस्तो लाग्थ्यो।आज म उठेँ… फेरि बाँच्न सिकेँ र आज, यो कथा लेख्दै गर्दा मलाई लागिरहेको छ - साच्चिकै, जीवन केवल बाँच्नु होइन, फेरि उठेर आफूलाई प्रमाणित गर्नु पनि हो। एक भयानक दुर्घटनाले सबथोक पलभरमै बदलियो।
मलाई तुरुन्त अस्पताल पुर्याइयो। डाक्टरहरूले भने - "उपचार जारी छ, तर अवस्था चिन्ताजनक छ। के हुन्छ भन्न सकिन्न।" परिवार, साथी, आफन्त — सबैको आँखा आकाश ताकिरहेको थियो। दुर्घटनापछि धेरै दिन ICU र भेनटिलेटर मा रहनुपर्यो। सास फर्कियो, तर शरीरको आधा भागले साथ छोडिसकेको थियो। मेरो कम्मर मुनिको भाग नचल्ने भएको थियो। म विश्वविद्यालयमा अध्ययनरत थिएँ, उत्साही विद्यार्थी थिएँ। मैले २ वर्षका लागि पढाइ ड्रप गर्नुपर्ने भयो। साथीहरू अघि बढ्दै थिए — कसैले जागिर पाए, कसैले विदेश गए, कसैले पोस्ट ग्र्याजुएसन सुरु गरे। र म? म घरको कोठामा, व्हीलचेयरमा, टोलाएर सिंगो संसार हेरिरहेको थिएँ। मलाई लाग्थ्यो — "अब म कहिल्यै पनि अघि बढ्न सक्दिनँ।
मेरो खुट्टा चलेनन्, तर मेरो इच्छाशक्ति अझै चलिरहेछ।" मैले निर्णय गरेँ — पढाइमा फर्कन्छु। मैले फेरि विश्वविद्यालयमा भर्ना लिएँ। तर यो पटक म त्यो पुरानो नर्मल विद्यार्थी थिएँन। म व्हीलचेयरमा चढेर कक्षामा पुग्ने विद्यार्थी थिएँ। कलेजमा पहिलो दिन गाह्रो भयो। सबैको नजर मलाई नियालिरहेको थियो — सहानुभूतिपूर्ण, तर आत्मीय थिएन। शारीरिक अवस्था मेरो बाधा थियो, तर मानसिक रूपमा म सशक्त बन्न थालेको थिएँ। मैले पढाइसँगै लोकसेवाको तयारी पनि थालें। अनेक संघर्षपछि, लोकसेवा आयोगको परीक्षा दिन तयार भएँ। म व्हीलचेयरमा परीक्षा केन्द्रसम्म गएँ। अरू उम्मेदवारहरू हिँडिरहेका थिए, म घिसारिएको थिएँ — तर आत्मबलमा म ती सबैभन्दा अगाडि थिएँ। मैले परीक्षा दिएँ -बिना कुनै विशेष व्यवस्था, बिना कुनै गुनासो। मेरो लक्ष्य थियो — "मेरो नाम मेरै मेहनतले आउनुपर्छ। र परिणाम आयो। नाम थियो। पहिलो प्रयासमै। त्यो क्षण म रोएँ। शब्द थिएन, आवाज थिएन। म केवल आफैं सँग साक्षात्कार गरिरहेको थिएँ — "म जितेँ। ❤️🙏🏻
Via. Sajal Raj Panta
#साभार
#प्रdip
