Sudur post media, Dhangadhi (2026)

06/08/2026

डाेटी जिल्ला खेलकुद विकास समितिकाे अध्यक्षमा केआईसिंह गाउँपालिका वडा नं.४ वायलका वीर बहादुर खड्का नियुक्त ।

05/08/2026

अछाममा प्र्यांक भिडियो बनाउनेको यथार्थ कथा यस्तो रहेछ। नेपाल प्रहरीले नै छोटो सन्देश दिएपछि। यस्तो लेख्छन् facebook स्टाटस

मेरो कुरा सुन्दीनुस 🙏🙏)

भतिज डन्डीराज र म पासपोर्ट बनाउन मङ्गलसेन गएका थियौँ। त्यतिबेला मङ्गलसेनमा रहेको दरबारमा हामी फोटो खिच्दै गर्दा दाजुले कल गरेर भन्नुभयो कि चौरपाटी गाउँपालिकाको सीउडी प्रहरी चौकीबाट मलाई कल आएको थियो। तिमीहरूको नम्बर माग्दै हुनुहुन्थ्यो म दिउँ कि नदिउँ भनेर मलाई सोध्नुभयो त्यसपछि भतिज डन्डीराज सँग मैले सल्लाह गरेर नम्बर दिदिनु भनेर सल्लाह दिए। त्यसपछि हामी फोटो खिचेर घर निस्किनतिर लाग्यौँ। बाइक स्टार्ट गरेर भतिज र म लगभग मङ्गलसेनबाट कैलाशखोला पारीको मोडमा पुगिसकेका थियौँ। त्यतिबेला साफेबगर प्रहरी चौकीबाट मलाई कल आयो र भन्नुभयो हजुरको यक Prank comedy भिडियोमा Police 👮 complaint आएको छ डीएसपी Sir ले मङ्गलसेन बोलाउनुभएको छ। सुझाव सल्लाहको लागि भन्नुभयो त्यति भनिसकेपछि मैले भने कि साफेबरमा आए हुँदैन भने अनि साफेबगर प्रहरी चौकीबाट मलाई भन्नुभयो कि यता आए पनि हामीले लिनुपर्ने हजुरलाई त्यतै हो त्यसैले हजुरसम्म बाइक छ त्यतै गएर बुझेर आउनुस् भनेपछि भतिज र म फेरि बाईक मोडेर मङ्गलसेनतीर लाग्यौँ। र हामी सरासर जिल्ला प्रहरी कार्यालय अछामको गेटनिर पुगेर इन्ट्री गरेर सरासर हामी जिल्ला प्रहरी कार्यालय अछाम को प्रहरी चौकीमा पुग्यौ बाहीर Duty मा खटीरहनु भयको सरले भन्नुभयोकी के गर्न आएका हो को लाई भेट्नुपर्ने हो भनेर सोध्दा डीएसपी सरले बोलाउनुभएको छ। हामीलाई सुझाव सल्लाह दिने भन्दै हुनुहुन्थ्यो हाम्रो Prank comedy video मा police complaint आयको छरे त्यसैले हामी यता आयका हौ भन्यौ। त्यसपछि केही समय wait गरेपछी हाम्रो डिएसपी सर सॅग भेट भएर के भयको रहेछ भनेरकुरा अगाडि बढ्यो। जिल्ला प्रहरी कार्यालय अछामको Facebook पेजबाट भनेको छ कि जी प्र.का. अछामबाट खटिरहेको टोलीले निजहरू दुवैजनालाई मिति २०८३ चार महिना १४ गते १९:०० बजे मङ्गलसेन नगरपालिका पाँच स्थित मङ्गलसेन बजारबाट नियन्त्रण लिई पीडित पक्षबाट प्राप्त अभद्र व्यवहार गर्न नहुने कसुरको जाहेरी दर्खास्तको आधारमा अनुसन्धान भइरहेको व्यहोरा जानकारी गराइन्छ। लेख्नुभएको छ जिल्ला प्रहरी कार्यालय अछाम नामबाट खोलीयको फेसबुक पेज बाट यति झुठा किन लेखियो प्रहरी भएर Facebook पेज जस्तो सामाजिक सञ्जालमा नभएको कुरा किन लेखियो 🙄🥲🙏म र भतीज स्वयंम आफै जिल्ला प्रहरी कार्यालय अछामको प्रहरी चौकीमा पुगेर डीएसपी सर सॅग कुरा गर्दैछौ भने हामीलाई मङ्गलसेन बजारबाट को टोलीले नियन्त्रण गर्यो। यो स्पष्ट पाउँ। पत्रकारिता साथीहरूले पनि बुझेर पोस्ट गर्ने कि नबुझेर यस्तो कुरामा किन आवाज नउठाउने ? यस्ता गलत सन्देश दीने लाई कार्वाही हुनेकी नहुने 🤨🥲? की हामीले रमाईलो को लागी गरेको यक Comedy video लाई लीयर मात्र समात्ने Nepal Police ?

04/08/2026

सरकारी कर्मचारीको हदैसम्मको बदमासी, खाजा-पानीको खर्च भन्दै आधा करोड बढी आफ्नै खातामा !

बैतडीको पुर्चौडी नगरपालिकामा ठूलो आर्थिक हिनामिना भएको पाइएको छ । महालेखापरीक्षकको कार्यालयले तयार गरेको आर्थिक वर्ष २०८१/८२ को लेखापरीक्षण प्रतिवेदनले सो नगरपालिकामा ठूलो आर्थिक हिनामिना भएको खुलासा गरेको हो ।

यतिसम्म कि नगरपालिकाका कर्मचारीले कार्यालयको खर्च भन्दै लाखौँ रुपैयाँ भुक्तानी लिएको पनि लेखापरीक्षण प्रतिवेदनले खुलासा गरेको छ ।

HIGHLIGHTSअनिल बहादुर बोहराले एक आर्थिक वर्षमै नगरपालिकाबाट ५९ लाख ३८ हजार ५ सय २३ रुपैयाँ भुक्तानी लिएका छन् ।
प्रतिवेदन अनुसार नगरपालिकाका प्रशासकीय अधिकृत (छैटौँ) अनिल बहादुर बोहराले एक आर्थिक वर्षमै नगरपालिकाबाट ५९ लाख ३८ हजार ५ सय २३ रुपैयाँ भुक्तानी लिएका छन् । सो रकम खाना, खाजा, इन्धन, मर्मत र गाडी भाडाका लागि भुक्तानी गरिएको प्रतिवेदनमा उल्लेख छ ।

यसो त अर्थ मन्त्रालयका बजेट कार्यान्वयन सम्बन्धी मार्गदर्शनको निर्देशन नं. ४५ मा सबै प्रकारका कारोबारको भुक्तानी दिँदा अनिवार्य रुपमा बैंकमार्फत भुक्तानी दिनुपर्ने व्यवस्था छ ।

04/08/2026

सरकारी आवासको शौचालयमा अचेत भेटिएकी चन्द्रा सिंहको रहस्यमय मृत्युपछि जिल्ला प्रशासन कार्यालय सुर्खेतका नायब सुब्बा कविलाल बी.सी. पक्राउ परेका छन् ।
श्रीमानको किटानी जाहेरी र फेसबुक च्याटमा भेटिएका केही शंकास्पद संवादपछि अनुसन्धानको सुई उनीतर्फ मोडिएको सुर्खेत प्रहरीले जानकारी दिएकाे हाे ।

04/08/2026

सुदूरपश्चिममा नयाँ सरकार गठनको तयारी, मन्त्री बन्न दौड तीव्र

केन्द्रमा बनेको नयाँ सत्ता समीकरणअनुसार सुदूरपश्चिम प्रदेशमा नेकपा नेतृत्वको नयाँ सरकार गठनको तयारी तीव्र बनेको छ। एमालेसँगको गठबन्धनमा नेकपा संसदीय दलका नेता खगराज भट्ट भावी मुख्यमन्त्रीका प्रमुख दाबेदारका रूपमा हेरिएका छन्। यद्यपि, हालका मुख्यमन्त्री कमलबहादुर शाह तत्काल राजीनामा दिएर मार्गप्रशस्त गर्ने पक्षमा देखिएका छैनन्। ३१ असारदेखि अल्पमतमा परेका शाहले संवैधानिक व्यवस्थाअनुसार ३० साउनभित्र प्रदेशसभाबाट विश्वासको मत लिने अडान कायम राखेका छन्।

नयाँ सरकार गठनको तयारीसँगै नेकपा र एमाले दुवै दलभित्र मन्त्री बन्ने आकांक्षीहरूको प्रतिस्पर्धा पनि चर्किएको छ। प्रारम्भिक सत्ता साझेदारीको समझदारीअनुसार नेकपाले मुख्यमन्त्रीसहित बढीमा तीन मन्त्रालय पाउने सम्भावना रहेको छ। तर, २० जना प्रदेशसभा सदस्य, तीन फरक राजनीतिक समूह र दर्जनौं आकांक्षीलाई सीमित मन्त्रालयमा समेट्नुपर्ने भएकाले नेतृत्वलाई मन्त्री चयन चुनौतीपूर्ण बन्ने देखिएको छ।

साविक माओवादी केन्द्रबाट ओमविक्रम भाट, अक्कलबहादुर रावल, शिवसिंह ओली, झपट साउद र रमेश धामी मन्त्रीका प्रमुख आकांक्षीका रूपमा छन्। लक्ष्मी विक र जानकी कुँवरले पनि मन्त्री बन्न दाबी प्रस्तुत गरेका छन्। साविक एकीकृत समाजवादीबाट प्रकाश रावल र नरेश शाही मन्त्रीको दौडमा छन्। नेकपामा समाहित नागरिक उन्मुक्ति पार्टी (नाउपा)बाट आएका सातै प्रदेशसभा सदस्यले पनि मन्त्री बन्ने इच्छा व्यक्त गरेका छन्। छलफलअनुसार मुख्यमन्त्रीसहित एक मन्त्री साविक माओवादी केन्द्रबाट तथा एक–एक मन्त्री साविक नागरिक उन्मुक्ति पार्टी र एकीकृत समाजवादीबाट बनाउने विषयमा आन्तरिक गृहकार्य भइरहेको स्रोतले जनाएको छ।

नेकपा संसदीय दलका नेता खगराज भट्टले भने मन्त्रालयको भागबन्डा र मन्त्रीको टुंगो अझै नलागेको बताए। “विभिन्न कोणबाट छलफल भइरहेको छ, तर अहिलेसम्म कुनै निष्कर्षमा पुगेका छैनौं,” उनले भने। यता, नेकपासँग सहकार्य गरेर सरकार गठन गर्ने तयारीमा रहेको एमालेभित्र पनि मन्त्री बन्ने होड बढेको छ। सन्तोषकुमारी थापा, चक्र मल्ल, दमन भण्डारी र धर्मराज पाठक प्रमुख दाबेदारका रूपमा छन् भने यसअघि मन्त्री रहेका सुरेन्द्र पालले पनि पुनः मन्त्री बन्न प्रयास गरिरहेका छन्।

एमालेले कांग्रेस नेतृत्वको अघिल्लो सरकारमा आफ्नो भागमा नपरेका मन्त्रालय यसपटक आफूले पाउनुपर्ने अडान राखेको छ। त्यसअनुसार आर्थिक मामिला मन्त्रालय, उद्योग, पर्यटन, वन तथा वातावरण मन्त्रालय र सामाजिक विकास मन्त्रालय एमालेको भागमा पर्ने सम्भावना रहेको नेताहरूको भनाइ छ। तर, नेकपाले भने आर्थिक मामिला मन्त्रालय आफ्नै भागमा राख्नुपर्ने अडान लिएको बताइएको छ।

एमाले संसदीय दलका प्रमुख सचेतक चक्र मल्लले भने मन्त्रालय बाँडफाँट र मन्त्री छनोटबारे औपचारिक छलफल सुरु नभएको बताए। उनका अनुसार मुख्यमन्त्रीले राजीनामा दिएर नयाँ सरकार गठनको प्रक्रिया अघि बढेपछि मात्रै मन्त्रालयको भागबन्डा र मन्त्री चयनबारे औपचारिक निर्णय हुनेछ।

04/08/2026

‘घरमै पासपोर्ट’ भन्ने सरकारलाई सांसद मल्लको व्यंग्य– लाइन नै घरसम्म पुग्यो

नेपाली कम्युनिस्ट पार्टी (नेकपा) सांसद रमेशकुमार मल्लले राहदानी लिनेको लामो लाइन लागेको विषयमा सरकारलाई व्यंग्य गरेका छन् ।

मंगलबार प्रतिनिधिसभा बैठकमा ‘नागरिकका घरघरमै पासपोर्ट पुर्‍याउने’ सरकारको घोषणाविपरीत पासपोर्ट लिनेको लामो लाइन लागेको भन्दै व्यंग्य गरेका हुन् ।

मल्लले उस्तै लाइन अन्य सरकारी कार्यालयमा पनि हुने गरेको बताए । ‘सरकार पासपोर्ट घरसम्मै पुर्‍याउँछु भन्दै थियो, तर पासपोर्ट लिनेको लाइन घरैसम्म पुगको छ’, मल्लले भने, ‘त्यस्तै लाइन सरकारी सेवा प्रदायक अन्य कार्यालयमा लागेको छ ।’ हेडलाइन

मल्लले घरघरमा खाना पकाउने एलपी ग्यास र किसानले रासायनिक मल नपाएको विषय पनि उठाए । ‘उपभोक्तालाई खाना पकाउने ग्यास र किसानलाई मलको अभाव कायमै छ । महँगीका कारण नागरिक सास्ती व्यहोरिरहेका छन्’, उनले भने ।

सरकारले चिकित्सा शिक्षा आयोगका पदाधिकारी बर्खास्त गरेको र नयाँ नियुक्ति नगरेका कारण लामो समयदेखि चिकित्सा शिक्षाको प्रवेश परीक्षासहित सबै परीक्षामा अनावश्यक ढिलाइ भएको भन्दै आयोगमा तत्काल रिक्त निर्देशक नियुक्त गरी परीक्षाको वातावरण बनाउन सरकारसँग माग गरे ।

04/08/2026

स्कुलमा जबरजस्ती विद्यार्थीको कपाल काट्न नपाइने, काटे ५० हजार जरिवाना र १ वर्ष कैद !

राष्ट्रिय बाल अधिकार परिषद्ले जबरजस्ती विद्यार्थीको कपाल नकाट्न भनेको छ । एक विज्ञप्ति जारी गर्दै परिषद्ले विद्यालय र शिक्षकहरुलाई जबरजस्ती विद्यार्थीको कपाल नकाट्न भनेको हो ।

पछिल्लो केही दिनदेखि विद्यालयमा विद्यार्थीहरुको कपाल जबरजस्ती काटिदिएको भन्दै उजुरी परेको भन्दै परिषद्ले त्यस्तो कार्य बाल अधिकार सम्बन्धी संयुक्त राष्ट्र संघीय महासन्धि ऐन, २०७५ को दफा ६६ को उपदफा (२) को खण्ड (घ) विपरीत हुने जनाएको छ । परिषद्का अनुसार यस्ता कार्य बालबालिका विरुद्धको हिंसा तथा कसूर ठहर हुनेछन् ।

राष्ट्रिय बाल अधिकार परिषद्ले जबरजस्ती विद्यार्थीको कपाल नकाट्न भनेको छ ।
यस्तो कार्य गर्नेलाई सोही ऐनको दफा ७२ को उपदफा (३) को खण्ड (क) बमोजिम ५० हजार रुपैयाँ जरिवाना र एक वर्षसम्म कैद सजाय हुने व्यवस्था रहेको परिषद्ले जनाएको छ ।

त्यस्तै, परिषद्ले शिक्षा नियमावली, २०५९ (दशौँ संशोधन)को नियम २५ को उपनियम (१) को खण्ड (ट)१ स्मरण गराउँदै कुनै पनि अवस्थामा विद्यार्थीको शारीरिक, मनोवैज्ञानिक तथा मनोसामाजिक अवस्थामाथि नकारात्मक असर पर्ने कुनै पनि गतिविधि विद्यालय परिसर वा कक्षा कोठाभित्र सञ्चालन नगर्न र नगराउन पनि आग्रह अपील गरेको छ । यस्तो छ परिषद्को विज्ञप्तिः

04/08/2026

रास्वपा सांसद पाण्डेले सैनिकलाई हप्काएको घटनामा नेपाली सेनाको आपत्ति

काठमाडौं ३ बाट निर्वाचित राष्ट्रिय स्वतन्त्र पार्टी (रास्वपा)का सांसद राजुनाथ पाण्डेले नेपाली सेनाका अधिकृतलाई गरेको दुर्व्यवहारको घटनालाई सेनाले गम्भीरतापूर्वक लिएको छ । सांसद पाण्डेले सेनाका जवानलाई हप्काएका थिए । केहीदिन अघि गोकर्णेश्वरमा सांसदले पाण्डेले हप्कीदप्की गरेको विषयलाई सेनाले गम्भीरतापूर्वक लिएको हो ।

सांसद पाण्डेको उक्त हर्कतप्रति सेनाको असन्तुष्टि प्रधानमन्त्री वालेन्द्र शाह बालेनसम्म पुगेको पनि स्रोतहरूले उल्लेख गरेका छन् । स्रोतका अनुसार सेनापति अशोकराज सिग्देलले नै यो विषयलाई प्रधानमन्त्री बालेनसम्म पुर्‍याएका हुन् ।

सेनापति सिग्देलले मंगलबार प्रधानमन्त्री बालेनलाई भेटेर उक्त विषयमा असन्तुष्टि जनाएको स्रोतले उल्लेख गरेको छ । स्रोतका अनुसार गोकर्णको कोरिडोर विस्तारका क्रममा सांसद पाण्डेले सैनिक अधिकृतलाई हप्कीदप्की गरेको विषयमा सेनापतिले गम्भीरतापूर्वक असन्तुष्टि जनाएका छन् ।

सांसद पाण्डेले गोकर्णमा सैनिक अधिकृतलाई हप्काएको भिडियो यतिबेला भाइरल भएको छ । सामाजिक सञ्जालमा भाइरल भएको उक्त भिडियोमा सांसद पाण्डेले अस्वाभाविक रूपमा सेनाका अधिकारीमाथि गाली गरेको देखिन्छ । नेपाली सेनाको विपद् व्यवस्थापन तालिम केन्द्र गोकर्णमा रहेको नेपाल ट्रस्टको जग्गामा रहेको छ ।

त्यहीँका सेनाका अधिकारीलाई सांसद पाण्डेले गाली गरेका हुन् । उक्त क्षेत्रमा कोरिडोर विस्तारका क्रममा सेना र सांसदबीच भनाभन भएको हो । खासमा पाण्डे उक्त कोरिडोर विस्तारका लागि एउटा पर्खाल भत्काउन प्रयास गरिरहेका थिए । उक्त पर्खाल भत्काउँदा सैनिक क्याम्प प्रभावित हुने भएपछि सेनाका अधिकारीले फौज बसेको बताएका छन् । तर, पाण्डेले भने फौज बसेर के भयो भन्दै हप्काएका थिए ।

यद्यपि, सेनाका अधिकारीले सांसद पाण्डेलाई पर्खाल नभत्काउन आग्रह गरेका थिए । त्यसलाई अटेर गर्दै सांसद पाण्डे हप्कीदप्कीमा उत्रिन्छन् । त्यही भिडियो भाइरल भएपछि सेना प्रमुखले पनि चासो राखेका हुन् । नेपाली सेनाका प्रवक्ता राजाराम बस्नेतले यसबारे सम्बन्धित पक्षसँग समन्वय भइरहेको बताए । '

04/08/2026

ढल्यो ४०० वर्ष पुरानो भनिएको जुम्लाको देवदारको रुख

जुम्लाको तिला गाउँपालिका-३ लुम्सेरा गाउँमा रहेको विशाल देवदारको रूख ढलेपछि स्थानीयवासी चिन्तित भएका छन् ।

पुस्तौंदेखि आस्था, छाया र प्रकृतिको धरोहरका रूपमा चिनिएको रूख ढलेसँगै स्थानीयले एउटा इतिहास नै समाप्त भएको अनुभूति गरेका छन् । स्थानीयवासीले उक्त रुख चारसय वर्ष पुरानो भएको अनुमान गरेका छन् । यसको वैज्ञानिक पुष्टि भने हालसम्म भएको छैन ।

04/08/2026

आज देशभर वर्षाको सम्भावना, कोशी–बागमतीसहित केही क्षेत्रमा भारी वर्षा हुने

जल तथा मौसम विज्ञान विभाग अन्तर्गत मौसम पूर्वानुमान महाशाखाले देशभर मनसुनी वायुको प्रभाव रहेको र हाल मनसुनको न्यून चापीय रेखा सरदर स्थानभन्दा केही उत्तरतर्फ नेपालको तराई भू–भाग नजिक रहेको जानकारी दिएको छ ।

हाल देशभर साधारणतया बादल लागेको छ । कोशी, लुम्बिनी, कर्णाली प्रदेशको केही स्थान तथा मधेश, बागमती, गण्डकी र सुदूरपश्चिम प्रदेशका थोरै स्थानमा मेघ गर्जन चट्याङ्ग सहित हल्का देखि मध्यम वर्षा भइरहेको छ ।

Sudur post media

06/08/2026

05/08/2026

04/08/2026

04/08/2026

04/08/2026

04/08/2026

04/08/2026

04/08/2026

04/08/2026

04/08/2026

Address

Website

Alerts

Shortcuts

Share

Category

Listing takedown request