SkyNews Nepal

14/09/2026

कठै, निस्तिखोलाले बगायो कल्पनाको तीजमा माइती जाने सपना, दुई छोराछोरी भए आमाविहीन, ‘आमा खोइ ?’ भन्दै कुरिरहेका छन् कलिला सन्तान ।

तीजको दर खाने दिन। बिहानैदेखि २८ वर्षीया कल्पना पुनको घरमा खुसी थियो। माइती जाने दिन भएकाले उनले आफू सिङ्गारिइन्, छोराछोरीलाई पनि तयार पारिन्। भान्साको कुनामा राखिएको झोला निकालेर माइतीका लागि पाहुरसमेत बाँधिन्।
मनमा एउटै खुसी थियो । तीजमा माइती जाने, दिदीबहिनी भेट्ने र सँगै दर खाने। गुल्मीको मुसिकोट नगरपालिका–४ दजाकोट घर भई मुसिकोट–५ इन्द्रगौडामा डेरा गरी बस्दै आएकी कल्पना छोराछोरीसहित माइतीतर्फ लागिन्। उनको माइती इस्मा गाउँपालिका–४ हुलामा थियो। माइती पुग्ने क्रममा उनी बाङ्गेको फेदी हुँदै निस्तिखोला र अध्यारीखोलातर्फ पुगेकी थिइन्। त्यतिबेला निस्तिखोलामा पानीको बहाव बढेको थियो।
कल्पनाले पहिले आफ्ना छोराछोरीलाई सुरक्षित रूपमा खोला तारिन्। पल्लो किनारमा पुगेका बच्चाहरू आमालाई कुरिरहेका थिए। तर आमाको हातमा माइतीका लागि बोकेको पाहुरको झोला थियो। छोराछोरीलाई खोला तारिसकेपछि उनी आफैँ फर्किइन्। त्यही क्रममा उर्लिएको निस्तिखोलाले उनलाई बगायो।
माइतीका लागि बोकेको पाहुरको झोला र चप्पल खोलाको किनारमै भेटिए। तर कल्पना भने तत्काल भेटिइनन्। आमालाई कुरिरहेका कलिला छोराछोरीले ‘आमा... आमा...’ भन्दै बोलाइरहे। तर आमाको आवाज फर्किएन।
उता इस्मा–४ हुलास्थित माइतीघरमा भने तीजको दिन छोरी आउने प्रतीक्षा भइरहेको थियो। घरमा चेली आउने खुसी थियो। तर साँझतिर कल्पना निस्तिखोलामा बगेको खबर पुगेपछि त्यो खुसी एकाएक शोकमा बदलियो।
प्रहरी र स्थानीयवासीले खोलाको किनार हुँदै कल्पनाको खोजी सुरु गरे। खोजीका क्रममा बगेको स्थानभन्दा तल ‘ढड्यान’ भन्ने ठाउँमा उनको शव फेला परेको हो।
कल्पनाले माइतीका लागि पाहुर बोकेकी थिइन्। तर त्यो पाहुर माइतीघर पुग्न सकेन। तीजमा माइती हिँडेकी कल्पना पनि माइतीको आँगनसम्म पुग्न सकिनन्।
माइतीघरमा छोरी आउने प्रतीक्षा सकियो। तर उनका दुई कलिला छोराछोरीको आमाको प्रतीक्षा भने अब कहिल्यै सकिने छैन।
तीज हरेक वर्ष आउँछ। दिदीबहिनी माइती जान्छन्, दर खान्छन्, गीत गाउँछन् र रमाउँछन्। तर कल्पनाका छोराछोरीका लागि आउने हरेक तीजले सायद एउटै प्रश्न बोकेर आउनेछ—‘आमा खोइ ?’
यसपालिको तीज धेरै परिवारका लागि खुसीभन्दा बढी पीडा बोकेर आएको छ। कतै बाढीले चेली खोसेको छ, कतै श्रीमतीको प्रतीक्षामा श्रीमान् छन्, कतै आमाको बाटो हेर्दै बालबालिका छन्।
कल्पनाको तीज एक दिनका लागि मात्र रोकिएको होइन। उनका छोराछोरीका लागि अब हरेक तीज अधुरो हुनेछ। माइतीका लागि बोकेको पाहुर बाटोमै छुट्यो, माइतीघरमा छोरी भेट्ने खुसी अधुरै रह्यो र दुई कलिला बालबालिकाबाट आमाको साथ सदाका लागि खोसियो।

14/09/2026

काठमाडौंको पशुपतिनाथ मन्दिर परिसरनजिकै रहेको ‘विरूपाक्ष’ नेपालका रहस्यमय तथा ऐतिहासिक धार्मिक सम्पदामध्ये एक मानिन्छ। शैव परम्परासँग जोडिएको यस प्राचीन ढुंगाको मूर्तिलाई स्थानीय जनविश्वास, किंवदन्ती र धार्मिक आस्थाले विशेष महत्व दिएको छ।
विरूपाक्ष भनेको के हो?
‘विरूपाक्ष’ शब्दको सामान्य अर्थ असामान्य वा विशेष प्रकारको आँखा भएको भन्ने बुझिन्छ। हिन्दू धार्मिक परम्परामा ‘विरूपाक्ष’ भगवान् शिवका विभिन्न नाम तथा विशेषणमध्ये एकका रूपमा पनि प्रयोग हुन्छ। पशुपति क्षेत्रको विरूपाक्ष मूर्ति भने मानवीय आकृतिमा रहेको ठूलो ढुंगाको मूर्ति हो, जसलाई स्थानीय जनविश्वासले विभिन्न रहस्यमय कथासँग जोड्दै आएको छ।
कलियुगको अन्त्यसँग जोडिएको विश्वास
विरूपाक्षबारे सबैभन्दा चर्चित जनविश्वास यसको मूर्ति बिस्तारै जमिनबाट बाहिर निस्कँदै गएको भन्ने हो। किंवदन्तीअनुसार मूर्ति पूर्ण रूपमा बाहिर निस्किएपछि कलियुगको अन्त्य हुने विश्वास गरिन्छ। यही रहस्यमय मान्यताका कारण विरूपाक्षप्रति सर्वसाधारणको चासो अझ बढेको पाइन्छ। यद्यपि, मूर्ति जमिनबाट बाहिर निस्कँदै गएको वा यसको बाहिर आउने क्रमले कलियुगको अन्त्य हुने भन्ने कुराको वैज्ञानिक प्रमाण छैन। यो मूलतः धार्मिक आस्था, लोकविश्वास र किंवदन्तीमा आधारित मान्यता हो।
धार्मिक तथा सांस्कृतिक महत्त्व
पशुपतिनाथ क्षेत्र शैव धर्मावलम्बीका लागि विश्वकै महत्वपूर्ण तीर्थस्थलमध्ये एक भएकाले यस क्षेत्रसँग सम्बन्धित प्राचीन मूर्ति, मठ, मन्दिर तथा सम्पदाहरूको धार्मिक र सांस्कृतिक महत्व विशेष छ। विरूपाक्षलाई पनि कतिपयले भगवान् शिवको स्वरूप वा शैव परम्परासँग सम्बन्धित प्रतीकका रूपमा हेर्ने गरेका छन्।
मानिसबाट मूर्ति बनेको किंवदन्ती
विरूपाक्षसँग जोडिएको अर्को रोचक जनकथा पनि प्रचलित छ। एक जनविश्वासअनुसार उनी कुनै समय मानिस नै थिए र उनको जीवनमा घटेका घटना तथा कर्मसँग सम्बन्धित कथाका कारण पछि मूर्तिको स्वरूपमा परिणत भएको मानिन्छ। यही किंवदन्तीका कारण मूर्तिको असामान्य अनुहार, आँखा र शरीरको बनावटलाई लिएर विभिन्न रहस्यमय कथाहरू पुस्तौँदेखि सुनिँदै आएका छन्।
यसरी हेर्दा पशुपति क्षेत्रको विरूपाक्ष केवल एउटा प्राचीन ढुंगाको मूर्ति मात्र नभई धार्मिक आस्था, स्थानीय जनविश्वास, किंवदन्ती र नेपालको सांस्कृतिक इतिहाससँग जोडिएको रहस्यमय सम्पदाका रूपमा स्थापित भएको देखिन्छ। यसको वास्तविक इतिहास र निर्माणकालबारे अध्ययन तथा प्रमाणिक अनुसन्धानले अझ स्पष्ट जानकारी दिन सक्ने भए पनि, जनमानसमा रहेको रहस्य र विश्वासले विरूपाक्षलाई आज पनि विशेष आकर्षणको केन्द्र बनाएको छ।

14/09/2026

तिज कार्यक्रम धज्जी उडाउँदै बिच बाटोमै हानाहान भएपछी

14/09/2026

धादिङ : धादिङका विभिन्न ठाउँमा विगत १४ दिनदेखि रोकिएका ट्रकहरूलाई कृष्णभीरको नयाँ ट्रयाकबाट पास गराइएको छ।
प्रारम्भिकरूपमा नयाँ ट्र्याकको परीक्षणका लागि रोकिएका सवारीसाधान तथा ग्यास बोकेका बुलेटहरूलाई पास गराइएको हो आयोजना जानकारी दिएको छ।
अवरुद्ध सडक खुलाउन तथा रोकिएका सवारीसाधनलाई सुरक्षित रूपमा पार गराउन आवश्यक व्यवस्थापनको काम तीव्र पारिएको छ। तर, तत्काललाई सडक भने पूर्णरूपले सञ्चालन हुने छैन।
नागढुङ्गा-मुग्लिन सडक आयोजनाका कन्सल्टेन्ट इन्जिनियर अशोक देवकोटाका अनुसार अहिले रोकिएका सवारीसाधनलाई सुरक्षित रूपमा पास गराउने काम भए पनि नयाँ ट्र्याक पूर्णरूपमा बनेपछि मात्रै सञ्चालनमा आउने छ।

14/09/2026

दोलखाको बिगु ठूलो पहिरो खसेर खोला थुनिएपछि

दोलखाको बिगु गाउँपालिका–८ कापाराङ बस्तीमुनि ठूलो पहिरो खसेर खोला थुनिएपछि आसपासका बस्ती तथा तल्लो क्षेत्रमा जोखिम बढेको छ। लगातार वर्षा भइरहेका बेला भिर फुटेर पहिरो खसेपछि खोलाको प्राकृतिक बहाव अवरुद्ध भएको हो।
खोला थुनिएपछि स्यार्वाराङ, टार, तल्लो टार, सोरोङखोला हाइड्रोपावर क्षेत्र हुँदै कालिञ्चोक र सिङ्गटीसम्म जोखिम बढेको स्थानीयले बताएका छन्। थुनिएको खोलामा पानीको मात्रा बढ्दै गएमा कुनै पनि बेला एक्कासि ठूलो बाढी आउन सक्ने भन्दै स्थानीय त्रसित छन्।
स्थानीयले कालिञ्चोक हाइड्रोपावरको निर्माण तथा सडक विस्तारलगायतका गतिविधिका कारण भू–भाग कमजोर बनेको हुनसक्ने आशंका गरेका छन्। यसको वास्तविक कारण पत्ता लगाउन तत्काल प्राविधिक अध्ययन र स्थलगत निरीक्षण आवश्यक देखिएको छ।

14/09/2026

यिनै हुन सल्यान दुर्घटनामा ज्यान गुमाउने एकै घरका दुइ दिदीभाइ:
सल्यानको त्रिविणी गाउपालिका -६ पोखरी निवासी ८ वर्षिय रेशम बुढाथोकी र उनका बिबाहित दिदि १८ वर्षिया विपना बुढाथोकी जो बुबाको मुख हेर्ने दिन आमाको साथ मामाघर पुगेर सल्यान देखी दाङ आउदै गरेको जिपमा घर फर्कदै थिए तर एका बिहानै सल्यानको त्रिवेणी गाउपालिका -५ सिम्क भन्ने स्थानमा उनीहरु सवार जिप सडकबाट करिब ९० मिटर तल गएर दुर्घटनाग्रस्त हुँदा उनै दिदी भाइ र अर्को एक जना स्थानीय डिल्ली वलि को ज्यान गएको छ । त्यसरी ज्यान गुमाएकी विपना ५ महिनाकी गर्भवती रहेको र उनको बिहे भएको १० महिना मात्र पुगेको थियो । 😥😪

14/09/2026

🚨 इटहरीमा दर्दनाक सडक दुर्घटना : मोटरसाइकल डिभाइडरमा ठोक्किँदा दुई जनाको मृत्यु
सुनसरी । इटहरी उपमहानगरपालिका–७ बालग्रामस्थित पूर्व–पश्चिम लोकमार्गमा मोटरसाइकल डिभाइडरमा ठोक्किँदा दुई जनाको मृत्यु भएको छ।
प्रहरीका अनुसार भदौ २८ गते बिहान करिब २ः५० बजे पूर्वबाट पश्चिमतर्फ जाँदै गरेको प्रदेश १–०२–०४३ प ५५१४ नम्बरको मोटरसाइकल अनियन्त्रित भई सडकको डिभाइडरमा ठोक्किएको थियो।
दुर्घटनामा गम्भीर घाइते भएका चालक इनरुवा–३ निवासी २९ वर्षीय पारस थापाको उपचारका क्रममा बिहान ५ः११ बजे मृत्यु भएको प्रहरीले जनाएको छ।
त्यस्तै, मोटरसाइकलमा पछाडि सवार ३४ वर्षीय सागर रेग्मी, जो जिल्ला प्रशासन कार्यालय सुनसरीका कर्मचारीसमेत रहेको प्रहरीले जनाएको छ, उनको उपचारकै क्रममा बिहान ४ः५२ बजे मृत्यु भएको हो।
घटनालगत्तै बालग्राम प्रहरी चौकी, इलाका प्रहरी कार्यालय इटहरी र पकलीबाट प्रहरी टोली घटनास्थलमा पुगेर घाइतेलाई उद्धार गरी धरानस्थित बीपी कोइराला स्वास्थ्य विज्ञान प्रतिष्ठानमा उपचारका लागि पठाएको थियो।
दुर्घटनाबारे प्रहरीले थप अनुसन्धान गरिरहेको जनाएको छ।
🕯️ दुवै मृतकप्रति भावपूर्ण श्रद्धाञ्जली।
Janakpur Province-2
सत्य, छिटो र विश्वसनीय समाचारको साथमा।
👍 Like • Follow • Share

14/09/2026

काङ्ग्रेसको केन्द्रमा युबा आए अब वडा वडामा युबाको नेतृत्व हुन्छ

...

14/09/2026

यिनै हुन सल्यान दुर्घटनामा ज्यान गुमाउने एकै घरका दुइ दिदीभाइ

सल्यानको त्रिविणी गाउपालिका -६ पोखरी निवासी ८ वर्षिय रेशम बुढाथोकी र उनका बिबाहित दिदि १८ वर्षिया विपना बुढाथोकी जो बुबाको मुख हेर्ने दिन आमाको साथ मामाघर पुगेर सल्यान देखी दाङ आउदै गरेको जिपमा घर फर्कदै थिए तर एका बिहानै सल्यानको त्रिवेणी गाउपालिका -५ सिम्क भन्ने स्थानमा उनीहरु सवार जिप सडकबाट करिब ९० मिटर तल गएर दुर्घटनाग्रस्त हुँदा उनै दिदी भाइ र अर्को एक जना स्थानीय डिल्ली वलि को ज्यान गएको छ । त्यसरी ज्यान गुमाएकी विपना ५ महिनाकी गर्भवती रहेको र उनको बिहे भएको १० महिना मात्र पुगेको थियो ।

14/09/2026

ट्वीन टावर हमलाको २५ वर्ष र अमेरिकी युद्धको मूल्य- ४५ लाखभन्दा बढी मानिसको मृत्यु, पौने ४ करोड विस्थापित