09/06/2025
धरानमा १ नं. प्रदेश स्तरिय खुल्ला बि डिभिजन ब्याडमिन्टन प्रतियोगिता सम्पन्न
धरानमा १ नम्बर प्रदेश स्तरिय खुल्ला बि डिभिजन ब्याडमिन्टन प्रतियोगिता २०८२ सम्पन्न भएको छ । धरान ब्याडमिन्टन ग्रुपद्वारा आयोजित उक्त प्रतियोगितामा १ नम्बर प्रदेश स्तरिय मेन्स डबल बि लेबलको संयोग बस्नेत र सगून कार्की विजेता बनेका छन् । विजेता बन्दै उनीहरूले नगद ५१ हजार रूपैयाँ, ट्रफि, मेडल र प्रमाणपत्र प्राप्त गरेका छन् ।
त्यसैगरी हिमाल श्रेष्ठ र सुसिल तिम्सिना दोस्रो बनेका छन् । उनीहरूले नगद २७ हजार रूपैयाँ, ट्रफि, मेडल र प्रमाणपत्र प्राप्त गरेका छन् भने तेस्रो बनेका प्रदिप श्रेष्ठ, जोसेफ ठकुरी र गौरब लिम्बू, ऐन्ड्रेस लिम्बूले नगद ९/९ हजार रूपैयाँ सहित ट्रफि, मेडल र प्रमाणपत्र प्राप्त गरेका छन् ।
त्यस्तै मिक्स डबल बि लेबलको अनमोल राई र गिता राई विजेता बनेका छन् । विजेता बन्दै उनीहरूले नगद ३० हजार रूपैयाँ, ट्रफि, मेडल र प्रमाणपत्र प्राप्त गरेका छन् । उक्त बिधामा सदिप राई र मनिसा तामाङ्ग दोस्रो बनेका छन् । उनीहरूले नगद १८ हजार रूपैयाँ, ट्रफि, मेडल र प्रमाणपत्र प्राप्त गरेका छन् भने तेस्रो बनेका विसाल थापा, भोगिता थापा र मनि चाम्लिङ्ग, रोजी राईले नगद ५/५ हजार रूपैयाँ सहित ट्रफि, मेडल र प्रमाणपत्र प्राप्त गरेका छन् ।
त्यसैगरी धरान स्तरिय सि लेबलको आसिस राई र मनिल राई विजेता बनेका छन् । विजेता बन्दै उनीहरूले नगद १५ हजार रूपैयाँ, ट्रफि, मेडल र प्रमाणपत्र प्राप्त गरेका छन् । उक्त बिधामा जिवन पतङ्वा र कर्णदल लिम्बू दोस्रो बनेका छन् । उनीहरूले नगद १० हजार रूपैयाँ, ट्रफि, मेडल र प्रमाणपत्र प्राप्त गरेका छन् भने तेस्रो बनेका राम लिम्बू, जिवन लिम्बू र सकुल गुरूङ्ग, कुमार गुरूङ्गले नगद ३/३ हजार रूपैयाँ सहित ट्रफि, मेडल र प्रमाणपत्र प्राप्त गरेका छन् ।
उनीहरूलाई कार्यक्रमका प्रमुख अतिथि प्रदेश नं. १ का पूर्व मुख्यमन्त्री राजेन्द्र कुमार राई, धरान ब्याडमिन्टन ग्रुपका अध्यक्ष मनि चाम्लिङ्ग र पुरस्कार रासी सहयोग गरेका सहयोगीहरूले पुरस्कार वितरण गरेका थिए ।
उक्त कार्यक्रममा ब्याडमिनटन खेललाई योगदान पुर्याएका हेमकुमार गुरूङ्गलाई नगद ५ हजार रूपैयाँ र कदर पत्रले सम्मान गरिएको थियो । साथमा पत्रकार देविका चाम्लिङ्ग राईलाई समेत नगद १० हजार रूपैयाँ र कदर पत्रले सम्मान गरिएको थियो ।
धरान १३ अमरहाट स्थित कबडहलमा जेठ २३ गतेदेखि २५ गतेसम्म भएको उक्त प्रतियोगितामा १ नम्बर प्रदेश स्तरिय मेन्स डबल बि लेबलमा ९१, १ नम्बर प्रदेश स्तरिय मिक्स डबल बि लेबलमा ३४ र धरान स्तरिय सि लेबलमा ६६ समूहको सहभागिता रहेको थियो ।
