https://www.facebook.com/109550392236544/

Civil Life In Nepal, Dhulikhel, Dhulikhel (2026)

16/06/2026

:-म नयाँ-नयाँ जापान आएको बेलाको कुरा हो। त्यतिबेला मलाई ट्रेन चढ्न समेत राम्रोसँग आउँदैनथ्यो। अहिले एसआई (SI) मा काम गर्नुभन्दा अगाडिको संघर्षका दिनहरू थिए ती। अरू नयाँ आउनेहरूजस्तै म र मेरा साथीहरू (हामी चारजना थियौँ) पनि मोबाइलमा, विशेषगरी फेसबुकमा 'जापानमा काम' भनेर निकै खोज्थ्यौँ। त्यतिखेर मेरो टिकटक अकाउन्ट पनि थिएन र मैले चलाउने गरेकी पनि थिइनँ।

यसरी नै काम खोज्ने क्रममा फेसबुकमा एउटा ठाउँमा कामको अवसर भनेर राखिएको विज्ञापन र सम्पर्क नम्बर भेटेँ। मैले त्यो नम्बरमा फोन गरेँ। फोन उठाउने एकजना नेपाली दाइ हुनुहुँदो रहेछ, उहाँले मलाई भेट्न बोलाउनुभयो। उहाँको नाम लिएर म कसैलाई नराम्रो बनाउन चाहन्नँ। म अरूको भर परेर बस्ने भन्दा पनि आफ्नो मनले जे भन्छ, त्यही गर्ने स्वभावकी छु। त्यसैले डराउनुको सट्टा बाटो हेर्दै र सोध्दै म एक्लै भेट्न जाने निर्णय गरेँ।

उहाँले मलाई साइतामाको ओमिया (Omiya) स्टेशनमा बोलाउनुभएको थियो। म एक्लै बाटो पहिल्याउँदै त्यहाँ पुगेँ। त्यहाँ ती दाइसँगै अर्का एकजना भाइ पनि हुनुहुँदो रहेछ। ती भाइले "दिदी, तपाईंले फोन गर्नुभएको दाइ उहाँ नै हो, उहाँले नै काम लगाइदिने हो" भनेर चिनाए र एकछिन बसेर त्यहाँबाट गए।
ती भाइ गएपछि, काम लगाइदिने भनिएका ती नेपाली एजेन्ट (हाकेन) ले मलाई सिधै "काम गर्ने भए होटलमा जाऔँ" भनेर प्रस्ताव राखे। उनको त्यो कुरा सुनेर मलाई निकै रिस उठ्यो। म सुरुदेखि नै निडर र बलियो स्वभावकी थिएँ। मैले उनलाई तत्कालै थर्काउँदै भनेँ, "तपाईंले मलाई के सोचेर यहाँ बोलाउनुभएको? भर्खर जापान आएकी छु भन्दैमा जे पायो त्यही सोच्ने? मलाई अरू केटीजस्तो नसम्झिनुहोला। मलाई तपाईंको काम पनि चाहिँदैन केही पनि चाहिँदैन, म जे गर्छु आफैँ गर्न सक्छु।" यति भनेर म त्यहाँबाट सरासर घर फर्किएँ।
घर फर्केपछि मलाई मानसिक रूपमा निकै गाह्रो भयो। हामी छोरीमान्छेलाई यहाँ कति गाह्रो हुने रहेछ, आफू जति नै राम्रो भए पनि मान्छेहरूले कस्तो नराम्रो नजरले हेर्दा रहेछन् भन्ने कुराले मन दुख्यो। तर म हार मान्ने पक्षमा थिइनँ। मैले हाम्रै कन्सल्टेन्सीका प्रदीप सरलाई फोन गरेर सबै कुरा बताए। सरले मलाई सान्त्वना दिँदै "जापानमा यसरी मान्छेको पछि लाग्ने होइन, कोम्बिनीहरूमा 'टाउन वर्क' (Town Work) पाइन्छ, त्यहाँबाट काम खोज्नुपर्छ" भनेर सिकाउनुभयो। (त्यतिबेला कोम्बिनीहरूमा टाउन वर्क सहजै पाइन्थ्यो, अचेल त खासै देख्दिनँ।)
त्यतिबेला मलाई म्याप हेर्न आउँदैनथ्यो, गुगल म्याप वा ट्रान्सलेट एप भनेको के हो भन्ने पनि थाहा थिएन। प्रदीप सरले नै मलाई ट्रान्सलेट एप चलाउन, नम्बरहरू खोजेर कल गर्न र कसरी कुरा गर्ने भनेर सिकाउनुभयो। म जापान आउनुअघि अनलाइनबाट अलिअलि जापानी भाषा पढेर आएकी हुनाले मलाई कुराकानी गर्न खासै गाह्रो थिएन। त्यसपछि मैले सरले सिकाएअनुसार अनुवाद गर्दै, नम्बरहरू खोज्दै आफैँ कामको प्रयास अगाडि बढाएँ ।

16/06/2026

Fast Track यो मार्ग बनेपछि काठमाडौँबाट निजगढ मात्र १ घण्टा देखि डेढ घण्टामा पुग्न सकिनेछ, जसले इन्धन र समयको ठुलो बचत गर्नेछ। पहाडलाई सुरुङ गरि सिधा बाटाे निर्माण हाम्राे देशकाे राष्ट्रिय गौरवको आयाेजना । 😊

15/06/2026

बिहान अबेरसम्म खाना-पानीको टुंगो नभएपछि भएकाहरूले केही पैसा उठाएर चिउरा-दालमोठ वितरण गरे🤔🥲 सुकुम्बासी

15/06/2026

धानबारि मा भेटियाे बढेमानकाे अजिङ्गर 🐍

15/06/2026

तेत्रो स्वागत के को लागी हो? यदि हाम्रो उद्योगहरू बन्द हुन्छन् भने ? Lamichhane !!!!

15/06/2026

हाम्रो मिडियाको स्वतन्त्रता पनि गज्जबको छ।
सबैको भ्रष्टाचार देख्छ, तर आफ्ना मनपर्ने पात्रहरूको चस्मा लगाउँदा केही देख्दैन। अनि फेरि स्वतन्त्र पत्रकारिताको प्रवचन छुट्दैन।"
१) कान्तिपुर ले चन्द्र ढकालको हिनामिना छाप्दैन ।
२) अनलाईन खबरले दिपक भट्टको छाप्दैन।
३) रातोपाटीले सुन तस्कर पुन को छाप्दैन।
४) सेतोपाटीले अनुदान हिनामिना छाप्दैन।
यिनिहरू नै फेरी स्वतन्त्र पत्रकारिताको र स्वतन्त्र पत्रकारको भजन गाईरहन्छन् ।
जय होस् ।🤗

15/06/2026

हाकिनी मुद्रालाई मस्तिष्क र चेतनाको लागि अत्यन्तै शक्तिशाली मुद्रा मानिन्छ। 'हाकिनी' शब्द संस्कृत भाषाको 'हाकिन' बाट आएको हो, जसको अर्थ "शासन गर्ने" वा "शक्ति" हुन्छ।

यस मुद्राको मुख्य महत्त्व र फाइदाहरू यस प्रकार छन्:

१. मानसिक एकाग्रता र स्मरणशक्ति बढाउने

मस्तिष्कका दुवै भागको सन्तुलन: यस मुद्रामा औंलाका टुप्पाहरू आपसमा छुँदा मस्तिष्कको दायाँ र बायाँ दुवै हिस्सा सक्रिय र सन्तुलित हुन्छन्।

स्मरणशक्तिमा सुधार: कुराहरू बिर्सिने बानी छ भने यो मुद्रा गर्नाले वा केही सम्झने प्रयास गर्दा यो मुद्रामा बस्नाले तुरुन्तै ध्यान केन्द्रित गर्न मद्दत पुग्छ।

२. तेस्रो आँखा चक्र को सक्रियता

अन्तर्ज्ञान को विकास: यो मुद्राले आज्ञा चक्र लाई ऊर्जा दिन्छ। यसले गर्दा मानिसको सोच्ने क्षमता, दूरदर्शिता र अन्तर्ज्ञान बलियो हुन्छ।

निर्णय क्षमतामा वृद्धि: अलमल परेको बेला यस मुद्राको अभ्यासले दिमागलाई शान्त बनाई सही निर्णय लिन मद्दत गर्छ।

३. तनाव र चिन्ताबाट मुक्ति

दिमागलाई शान्त पार्ने: गहिरो श्वासप्रश्वासका साथ यो मुद्रा गर्दा मानसिक तनाव, चिन्ता र छटपटी कम हुन्छ।

ऊर्जाको प्रवाह: शरीरमा प्राण ऊर्जाको प्रवाहलाई नियमित गरी यसले मानसिक थकान मेटाउँछ।

४. विद्यार्थी र बौद्धिक कार्य गर्नेहरूका लागि उपयोगी

एकाग्रता : पढ्ने बेला वा गम्भीर विचार-विमर्श गर्दा यो मुद्रामा बस्नु निकै लाभदायक हुन्छ। (धेरैजसो सफल लिडर वा वक्ताहरूले कुरा गर्दा प्राकृतिक रूपमै यो मुद्रा प्रयोग गरिरहेका देखिन्छन्)।

अभ्यास गर्ने सही तरिका र समय:

यसलाई दिनको १५ देखि ३० मिनेट सम्म वा ध्यान गर्दा अभ्यास गर्न सकिन्छ।यो मुद्रा गर्दा आफ्नो ध्यान दुई आँखाको बीच भाग (आज्ञा चक्र) मा केन्द्रित गर्नु अझ बढी प्रभावकारी हुन्छ।😊🙏

14/06/2026

‘सानु तिम्रो याद आउँछ’ भन्दै रिचा न्यौपाने भावुक, सामाजिक सञ्जालमा सहानुभूतिको ओइरो

गायक Nishan Bhattarai की पूर्वपत्नी Richa Neupane पछिल्लो समय सार्वजनिक भएको एक भिडियोका कारण चर्चामा आएकी छन्।

रिचा न्यौपानेले “सानु तिम्रो याद आउँछ” भन्दै धुरुधुरु रोइरहेको भिडियो आफ्नै सामाजिक सञ्जालमार्फत सार्वजनिक गरेकी हुन्। उक्त भिडियोमा उनी निकै भावुक अवस्थामा देखिएकी छन्, जहाँ उनका आँखाबाट आँसु बगिरहेको दृश्य स्पष्ट देखिन्छ।

भिडियो सार्वजनिक भएसँगै दर्शक तथा शुभेच्छुकहरूबाट सहानुभूति र सान्त्वनाका सन्देशहरू आइरहेका छन्। धेरैले उनको भावनात्मक अवस्थाप्रति संवेदना व्यक्त गरेका छन् भने केहीले जीवनमा अगाडि बढ्न प्रेरणा दिएका छन्।

रिचा र निशान भट्टराईले केही वर्षअघि वैवाहिक सम्बन्ध अन्त्य गरेका थिए। डिभोर्सपछि रिचा हाल अष्ट्रेलियामा बसोबास गर्दै आएकी छन्।

व्यक्तिगत जीवनका उतारचढावबीच सार्वजनिक भएको यो भावुक भिडियोले सामाजिक सञ्जालमा व्यापक ध्यान आकर्षित गरेको छ। 💔

14/06/2026

Brazil ५ पटक प्रधानमन्त्री भएको शेरबहादुर जस्तो हो,
Germany ४ पटक प्रधानमन्त्री भएको केपी ओली जस्तो हो,
Argentina ३ पटक प्रधानमन्त्री भएको प्रचण्ड जस्तो हो,
France २ पटक प्रधानमन्त्री भएको मातृका कोइराला जस्तो हो,
Spain १ पटक प्रधानमन्त्री भएको बालेन जस्तो हो,
Portugal प्रधानमन्त्री नभएको रवि लामिछाने जस्तो हो ।😁

13/06/2026

जस्ले मयुरले सर्प खाँदै गरेको देखेको छ, उसले अनुहारको सुन्दरता नै सर्वस्व हो भनेर विश्वास गर्दैन। मयुरलाई हामी सामान्यतया सुन्दरता र आकर्षणको प्रतीक मान्छौँ। तर जब कसैले मयुरले सर्प खाइरहेको दृश्य देख्छ, तब उसले बुझ्छ कि त्यो सुन्दर देखिने जीवभित्र पनि कठोर यथार्थ लुकेको हुन्छ। यसले सिकाउँछ कि केवल अनुहारको सुन्दरता हेरेर मानिसको वास्तविकता आँकलन गर्न मिल्दैन।
यसको सार के हो भने,
अनुहारको सुन्दरता क्षणिक हो, तर वास्तविक मूल्य मानिसको स्वभाव, सोच र कर्ममा हुन्छ। 🙏😊

Civil Life In Nepal

16/06/2026

16/06/2026

15/06/2026

15/06/2026

15/06/2026

15/06/2026

15/06/2026

14/06/2026

14/06/2026

13/06/2026

Address

Telephone

Website

Alerts

Shortcuts

Share

Category

Listing takedown request