08/12/2025
बिशेष धन्यबाद अंकल अजय तिमलसिनालाई::::::::
रौतहटमा पहिलोपटक जैविक DAP मल उद्योग निर्माण थालियो, किसान अब मल अभावबाट मुक्त हुने आशा
रौतहट, २२ मंसिर।
रौतहटको पश्चिमी फतुवा विजयरपुर–११, हिमालिवासमा नेपालकै पहिलो आधुनिक जैविक DAP तथा हाइब्रिड मल उत्पादन गर्ने उद्योग निर्माण कार्य सुरु भएको छ। एम.आर. फर्टिलाइजर्स प्रा.लि. द्वारा स्थापना हुन लागेको यो उद्योगको शिलान्यास शनिबार नार्कका कृषि विशेषज्ञ डा. सुशीलराज सुवेदीले विशेष समारोहबीच गरेका छन्।
नेपालमै पहिलोपटक जैविक DAP र हाइब्रिड मल उत्पादनको दाबी
उद्योगका सञ्चालक तथा फतुवा विजयरपुरका मेयर–प्रत्याशी अजय तिमल्सिनाका अनुसार उद्योगले जैविक DAP, हाइब्रिड मल, NPK, पोटास, जिन्कदेखि जैविक विषादीसम्मको उत्पादन गर्ने तयारी गरेको छ। “आउँदो कृषि सिजन लक्षित गरेर निर्माण तीव्र गतिमा अघि बढाएका छौँ। सम्भवत: यस्तो प्रकृतिको मल उद्योग नेपालमै पहिलो हुनेछ,” तिमल्सिनाले दाबी गरेका छन्।
१६ करोड लगानी, मल अभाव अन्त्य गर्ने लक्ष्य
करिब १६ करोड रुपैयाँको लगानीमा निर्माण भइरहेको यस उद्योगबाट विशेषगरी तराई क्षेत्रमा वर्षौंदेखि देखिएको मल अभावको समस्या समाधान हुने अपेक्षा गरिएको छ। तिमल्सिनाका अनुसार—
नाकाबाट तस्करी हुँदै आयात हुने रासायनिक मलको उच्च मूल्यको बोझ अन्त्य,मलमा आत्मनिर्भरता —उद्योगको प्रमुख लक्ष्य रहेको छ।नेपालमै संकलन हुने ६ प्रकारका कच्चा पदार्थ, बाँकी आयात
उद्योगले आवश्यक कच्चामध्ये ६ प्रकारका सामग्री नेपालमै संकलन तथा उत्पादन गर्नेछ। बाँकी २ प्रकारका कच्चा पदार्थ भारत वा तेस्रो मुलुकबाट ल्याइने बताइएको छ।
दैनिक ५ हजार लिटर पिसाब संकलन—अनौठो तर प्रभावकारी मोडेल
एम.आर. फर्टिलाइजर्सले करिब २५ गाउँबाट दैनिक ५, हजार लिटर मानव पिसाब संकलन गर्ने तयारी गरेको छ, जसलाई जैविक मल उत्पादनमा उपयोग गरिनेछ। ग्रामीण क्षेत्रमा फोहोर व्यवस्थापन र जैविक मल उत्पादन दुवैका लागि यसलाई नयाँ र उपयोगी पहलका रूपमा हेरिएको छ।
१५० भन्दा बढीलाई रोजगारी
उद्योग सञ्चालनमा आएपछि १५० जनाभन्दा बढीले प्रत्यक्ष रोजगारी पाउनेछन्। स्थानीय कच्चा पदार्थ उपयोग र वातावरणमैत्री उत्पादन मोडेलले दीगो कृषि प्रणाली निर्माणमा मद्दत गर्ने उद्योगको दाबी छ।
मल संकटबाट त्रस्त किसानका लागि राहतको आशा
विगत वर्षहरूमा मल अभाव, भारत निर्भरता र तस्करीका कारण किसान मारमा परेका थिए। यस्तै पृष्ठभूमिमा रौतहटमै सुरु भएको यो उद्योग किसानका लागि दीर्घकालीन राहत बन्न सक्ने कृषि विज्ञहरूको मूल्यांकन छ।यद्यपि,कच्चा पदार्थ आपूर्तिको निरन्तरता,
गुणवत्ताको कडाइ,सरकारी नियमन जस्ता चुनौतीहरूको प्रभावकारी व्यवस्थापन आवश्यक रहने विश्लेषकहरूको सुझाव छ।
#फतुव_विजयपुर_नगरपालिका💖
