16/12/2024
लमहीमा बस दुर्घटना हुँदा २ जनाकाे मृत्यु
लमहीमा बस दुर्घटना हुँदा २ जनाकाे मृत्यु भएको छ भने १२ जना घाइते भएका छन्।
पूर्व–पश्चिम राजमार्गअन्तर्गत लमही–काेहलपुर सडकखण्डमा कपिलवस्तुबाट बर्दिया जादैँ गरेको लु १ ज ४२९८ नम्बरको मिनी बस दुर्घटना हुँदा २ जनाकाे मृत्यु भएकाे हाे।
दुर्घटनामा कपिलवस्तुको शिवराज नगरपालिका–३का ६० वर्षीया फुलसी थारु र सोही ठाउँ निवासी ४२ वर्षीया त्रीथी थारुको मृत्यु भएको जिल्ला प्रहरी कार्यालय दाङले जानकारी दिएकाे छ।
दुर्घटनामा शिवराज नगरपालिका–३ निवासी ४५ वर्षीय मिथिया थारु, सोही ठाउँ निवासी ६५ वर्षीय तेहली थारु, ७७ वर्षीया दर्शनी थारु, ६० वर्षीया महंगी थारु, ४० वर्षीया सरीता थारु, ५५ वर्षीया रामपियारी थारु, ४७ वर्षीय रामचन्द्र थारु, ४५ वर्षीय बुद्धि चौधरी, ४५ वर्षीया फुलबजनी चौधरी, ३८ वर्षीय बुद्धराम थारु र ३६ वर्षीय सुरेश यादव घाइते भएका छन्।
उनीहरूकाे लमही अस्पतालमा उपचार भइरहेकाे प्रहरीले जानकारी दिएकाे छ।
बस साेमबार लमही नगरपालिका-९ च्याउ खोला नजिक बिहान ६ बजे अनियन्त्रित भइ दुर्घटनामा परेकाे हाे।
