Eastra News

01/08/2026

ब्रड पिक हिमपहिरोमा निम्स दाईको निधन पुष्टि

पाकिस्तानको ब्रड पिक हिमालमा गएको हिमपहिरोमा बेपत्ता भएका विश्व कीर्तिमानी नेपाली पर्वतारोही निर्मल पुर्जा (निम्स दाई) को निधन भएको पुष्टि भएको छ। पुर्जा संस्थापक रहेको इलाइट एक्सपेडले सामाजिक सञ्जालमार्फत उनको निधनको जानकारी दिएको हो। गत साउन १४ गते ८,०४७ मिटर अग्लो ब्रड पिकमा गएको हिमपहिरोमा पुर्जासहित १० जना बेपत्ता भएका थिए, जसमा ६ जना नेपाली थिए। पुर्जाले सन् २०१९ मा विश्वका ८ हजार मिटरभन्दा अग्ला सबै १४ हिमाल छ महिनाभन्दा केही बढी अवधिमा आरोहण गरेर विश्व कीर्तिमान कायम गरेका थिए।

01/08/2026

गोलबजार घटनामा ७ बुँदे सहमति, गणेश यादवका परिवारलाई १० लाख राहत

सिराहाको गोलबजारमा साउन १४ गते भएको घटनामा ज्यान गुमाएका गणेश यादवका परिवार र नेपाल सरकारबीच ७ बुँदे सहमति भएको छ। सहमतिअनुसार सरकारले यादवलाई सहिद घोषणा गर्ने प्रक्रिया अघि बढाउने, परिवारलाई १० लाख रुपैयाँ राहत उपलब्ध गराउने, निष्पक्ष छानबिन गरी दोषीमाथि कारबाही गर्ने तथा परिवारका एक सदस्यलाई रोजगारी उपलब्ध गराउने प्रतिबद्धता जनाएको छ। साथै स्मृति पार्क निर्माण, सालिक स्थापना र परिवारका अन्य सदस्यको सहयोगसम्बन्धी विषय पनि सहमतिमा समेटिएका छन्। सहमतिपछि सिरहाको अवस्था शान्त बनेको छ।

31/07/2026

शुक्रबार मुख्यमन्त्री तथा संसदीय दलका नेता सुरेन्द्रराज पाण्डेको अध्यक्षतामा बसेको बैठकले प्रदेश प्रमुखबाट सन्देशसहित फिर्ता आएको विधेयकमाथि छलफल गर्दै संघीय कानुनसँग बाझिएको विषयको अन्तिम निरूपण संवैधानिक इजलासबाट हुने भएकाले विधेयक पुनः पारित गर्ने निष्कर्ष निकालेको हो।

बिस्तृत :

पोखरा । नेपाली कांग्रेस गण्डकी प्रदेश संसदीय दलले औषधिजन्य तथा औद्योगिक प्रयोजनका लागि गाँजा खेतीसम्बन्धी विधे...

31/07/2026

रवि लामिछानेसँग भेटपछि धार्मिक अगुवाको संयुक्त अपिल

रास्वपा सभापति रवि लामिछानेसँग सिंहदरबारमा भेटवार्ता गरेपछि विभिन्न धार्मिक संगठनका अगुवाहरूले संयुक्त विज्ञप्ति जारी गर्दै नागरिकलाई संयम अपनाउन र सामाजिक सद्भाव बिथोल्ने गतिविधिबाट टाढा रहन आग्रह गरेका छन्।

31/07/2026

ब्रड पिक आरोहणका क्रममा ज्यान गुमाए गोरखाका युक्त गुरुङले

पाकिस्तानको ब्रड पिक हिमालमा हराइरहेका १० पर्वतारोहीमध्ये फेला परेका चार शवमध्ये एक गोरखाको लाप्राकका नेपाली पर्वतारोही पुरबहादुर गुरुङ ‘युक्त’को रहेको पुष्टि भएको छ। युक्तले १० पटक सगरमाथाको सफल आरोहण गरेका थिए भने पछिल्लो पटक २०२६ मे २० मा पनि सगरमाथा आरोहण गरेका थिए।

31/07/2026

कुवेतमा ड्रोन आक्रमण : एक नेपालीको मृत्यु

कुवेतको उत्तरी क्षेत्रमा बिहीबार बिहान भएको ड्रोन आक्रमणमा परी तेह्रथुमका ४४ वर्षीय सोमकुमार तामाङको मृत्यु भएको छ। सवारी चालकका रूपमा कार्यरत तामाङको निधन भएको कुवेतस्थित नेपाली राजदूतावासले पुष्टि गरेको छ। राजदूतावासले पार्थिव शरीर नेपाल पठाउने प्रक्रिया अघि बढाइएको जनाउँदै कुवेतमा रहेका नेपालीलाई सुरक्षा मापदण्ड पालना गरी सुरक्षित स्थानमा बस्न आग्रह गरेको छ।

31/07/2026

देवानगञ्ज घटनामा ज्यान गुमाएका दुई युवकका परिवार र नेपाल सरकारबीच ७ बुँदे सहमति भएको छ।

- सरकारले मृ’तकलाई स’हिद घोषणा गर्ने प्रक्रिया अघि बढाउने,
- परिवारलाई १० लाख रुपैयाँ राहत दिने
- दो,षीमाथि कानुनी का,रबाही गर्ने प्रतिबद्धता जनाएको छ।
- मृ’तकका परिवारका एक सदस्यलाई रो’ज’गारी दिने,
- स्मृति पार्क निर्माण गर्ने
- छानबिन समितिको सिफारिस कार्यान्वयन गर्ने सहमति भएको छ।

30/07/2026

राष्ट्रको नाममा प्रधानमन्त्री वालेन्द्र शाहको सम्बोधन

30/07/2026

प्रतिनिधि सभा सदस्य कविन्द्र बुर्लाकोटीले गोरखामा करोडौं रुपैयाँ खर्चेर निर्माण गरिएका सरकारी संरचना अलपत्र परेको विषय प्रतिनिधि सभामा उठाएका छन्। उनले पालुङटार–७ बिरुवाटारमा करिब ९ करोड लागतका तीन भवन, गोरखा–१० छेवेटारमा ६–८ करोड लागतको वृद्धाश्रम मोडल भवन तथा पालुङटार–९ बिर्दीमा निर्माण गरिएको कोल्ड स्टोर वर्षौंदेखि प्रयोगविहीन रहेको बताए। करदाताको पैसाबाट बनेका यस्ता संरचनाको समयमै सदुपयोग, संरक्षण र सुरक्षाका लागि सम्बन्धित निकायको ध्यानाकर्षण गराए।

30/07/2026

सिरहाको गोलबजारमा प्रदर्शनका क्रममा गोली लागेर एक जनाको मृत्यु

सिरहाको गोलबजारमा बिहीबार प्रदर्शनका क्रममा गोली लागेर गोलबजार–३ का गणेश यादवको मृत्यु भएको छ। घटनामा अर्का एक जना घाइते भएका छन् र उनको स्थानीय क्लिनिकमा उपचार भइरहेको छ। प्रदर्शनकारीले शव सडकमै राखेर विरोध जारी राखेका छन्। प्रहरीले भने गोली नचलाएको दाबी गर्दै हवाई फायर र टियर ग्यास मात्र प्रयोग गरेको जनाएको छ। घटनापछि सुरक्षा अवस्था नियन्त्रणमा लिन सुरक्षा निकाय परिचालन गरिएको छ।