15/09/2025
डा.सन्दुक रुइत राजनीतिमा नआउने भन्छन:-"म मेरो जिम्मेवारीप्रति प्रष्ट छु"
"मेरो साधना नै अन्धोपन निवारण हो। हरेक राजनीतिक उ'थलपु'थलपछि कुनै न कुनै पदमा बसेर नेतृत्व गरिदिनका लागि मलाई अनुरोध आउने गरेको छ। म प्रष्ट छु मेरो कर्म भनेको नेपाली र संसारभरका बिरामीको सेवामा आफ्नो सीप, ज्ञान र समय दिनु हो । नेपाल र नेपालीको नाम संसारभर पुर्याउनु हो ।मेरो हृदय सफा छ, म यसैमा खुसि छु ।यसैमा शुभचिन्तकहरु ढुक्क हुनुहोस । हामी सबै आफ्नो पेशा, कर्म र व्यवसायमा इमान्दारीपूर्वक लागेमा यो देशको अवस्था परिवर्तन गर्न धेरै समय लाग्दैन । म आफ्नो पेशा र कर्मबाट नेपाल र नेपालीको हितका लागि सदैव योगदान दिइरहनेछु । अबको समय भनेको सबै जुटेर देश बनाउने हो ।"
