31/03/2026
नेपालका सुरक्षाकर्मीहरू देशको सुरक्षा र जनताको शान्ति कायम राख्न दिनरात खटिरहेका हुन्छन तर विडम्बना, उनीहरू आफैंको परिवारको भविष्य सुरक्षित गर्न संघर्ष गरिरहेका छन्। बाहिरी रूपमा युनिफर्म र अनुशासनले सजिएका देखिए पनि, उनीहरूको मनभित्र भने परिवार कसरी पाल्ने भन्ने चिन्ताले भरिएको हुन्छ।
धेरै सुरक्षाकर्मीहरूले राम्रो सुविधा नभएकै कारण जागिर छाड्ने अवस्था समेत आएको बताइन्छ। यो समस्या राम्रो पोशाक वा सुविधा नपाएर मात्र नभई, आफ्नो परिवारलाई आवश्यक आधारभूत आवश्यकता पूरा गर्न नसक्नु प्रमुख कारण भएको उनीहरूको गुनासो छ।
यसै सन्दर्भमा सुरक्षाकर्मीहरूका लागि विभिन्न सुधारका लागी मुख्य रूपमा सुरक्षाकर्मीका परिवारलाई निःशुल्क आवास र सरल हिसाबमा सहुलिय ऋिण सुविधा उपलब्ध गराउनुपर्ने जसले उनीहरूको जीवनस्तर सुधार गर्न मद्दत गर्नेछ। त्यस्तै, उनीहरूका जेहेन्दार छोराछोरीहरूलाई उच्च शिक्षा तथा विदेश अध्ययनका लागि केहि राम्रो प्रतिशत आरक्षण कोटा छुट्याउनुपर्ने प्रस्ताव पनि गरिएको छ।
स्वास्थ्य, शिक्षा जस्ता आधारभूत क्षेत्रमा सुरक्षाकर्मीका परिवारलाई छुट दिनुपर्ने, साथै सरकारी कामकाजमा राजश्व नलिई निःशुल्क सेवा प्रदान गर्नुपर्ने माग ,अझ महत्वपूर्ण कुरा, सेवाकालमै सुरक्षाकर्मीको निधन भएमा उनीहरूको परिवारलाई सरकारले आजीवन संरक्षण र सहयोग गर्नुपर्ने माग गरिएको छ। त्यस्तै, भूपू सुरक्षाकर्मीहरूले व्यापार वा व्यवसाय गर्न चाहेमा बैंक तथा वित्तीय संस्थाबाट सहुलियत ब्याजदरमा ऋण उपलब्ध गराउनुपर्ने सुझाव सम्बन्धित निकाय सम्म पुराउन गृहमन्त्रीलाई अनुरोध ।
