12/06/2025
बेलबारीमा सर्पको टोक्दा ८ वर्षीया सन्ध्याकाे मृत्यु
मोरङको बेलबारी नगरपालिका–५ सोमबारेमा सर्पले टोकेर ८ वर्षीया सन्ध्या रायमाझीको मृत्यु भएको छ। बिहीबार दिउँसो घरमै सुतिरहेकी बालिकालाई सर्पले टोकेको प्रारम्भिक अनुसन्धानबाट खुलेको छ। गम्भीर अवस्थामा धरानस्थित बीपी कोइराला स्वास्थ्य विज्ञान प्रतिष्ठान पुर्याइएकी बालिकालाई अस्पतालले मृत घोषणा गरेको हो। सर्पको जात यकिन भइनसकेको प्रहरीले जनाएको छ।
