Radio Rudraksha

11/05/2026

राष्ट्रपति रामचन्द्र पौडेलले आज सङ्घीय संसद्को दुवै सदनको संयुक्त बैठकलाई सम्बोधन गर्नुभएको छ।
सोमबार अपराह्न ४ बजे बसेको संयुक्त बैठकमा राष्ट्रपतिले नेपाल सरकारको आगामी आर्थिक वर्षको नीति तथा कार्यक्रम प्रस्तुत गर्नुभएको हो।
सरकारको आगामी योजनासम्बन्धी नीति तथा कार्यक्रम संसदमा औपचारिक रूपमा प्रस्तुत भएसँगै अब यसमाथि छलफल अगाडि बढ्नेछ।

11/05/2026

11/05/2026

हराएका तीन बालक सकुशल फेला....
सप्तरी प्रहरीले हराएका तीन जना बालकलाई सोमबार सकुशल फेला पारी अभिभावकको जिम्मा लगाएको छ।
प्रहरीका अनुसार ती बालकहरू लहानस्थित एक बोर्डिङ स्कुलको होस्टेलबाट कसैलाई जानकारी नदिई निस्किएका थिए। गस्तीमा खटिएको प्रहरी टोलीले उनीहरूलाई सुरुङ्गा नगरपालिका क्षेत्रमा फेला पारेपछि सुरक्षित रूपमा प्रहरी चौकीमा राखी आवश्यक प्रक्रिया पूरा गरी परिवारको जिम्मा लगाइएको हो।
📻 रेडियो रुद्राक्ष समुदायको आवाज।

11/05/2026

आजदेखि देशभर ‘सरसफाइ सप्ताह २०८३’ अभियान सुरु...
सरकारले सार्वजनिक सेवा प्रवाहलाई थप स्वच्छ, व्यवस्थित र वातावरणमैत्री बनाउन वैशाख २८ गते सोमबारदेखि देशभर ‘सरसफाइ सप्ताह २०८३’ अभियान सञ्चालन गरेको छ।
अभियान अन्तर्गत सङ्घीय, प्रादेशिक र स्थानीय तहका सरकारी कार्यालयसँगै सार्वजनिक शैक्षिक संस्थाहरूमा पनि सरसफाइ तथा जनचेतनामूलक कार्यक्रम गरिने जनाइएको छ। प्रधानमन्त्री तथा मन्त्रिपरिषद्को कार्यालयले सबै निकायलाई सक्रिय सहभागिताका लागि निर्देशन दिएको छ।
📻 रेडियो रुद्राक्ष,समुदायको आवाज।

11/05/2026

राष्ट्रपति रामचन्द्र पौडेलले आज अपराह्न ४ बजे सङ्घीय संसद्को दुवै सदनको संयुक्त बैठकलाई सम्बोधन गर्नुहुने भएको छ।
मन्त्रीपरिषद् बैठकले उक्त सम्बोधनलाई स्वीकृति दिएको जानकारी सरकारका प्रवक्ता तथा शिक्षामन्त्री सुस्मित पोखरेल दिनुभएको हो।
नेपालको संविधानअनुसार निर्वाचनपछिको पहिलो संसद् बैठक तथा प्रत्येक वर्षको पहिलो बैठकमा राष्ट्रपतिबाट सम्बोधन गर्ने व्यवस्था रहेको छ।

10/05/2026

एआइ र आधुनिक प्रविधिको प्रयोग सकारात्मक, सिर्जनात्मक र जिम्मेवार कार्यका लागि गरौँ।
प्रविधिको सही उपयोगले समाजलाई सहज, सुरक्षित र समृद्ध बनाउन मद्दत गर्छ, त्यसैले यसको दुरुपयोगबाट सबै सचेत बनौँ।
📻 रेडियो रुद्राक्ष — समुदायको आवाज।

10/05/2026

धनुषामा बस दुर्घटना, १७ जना घाइते.....

धनुषाको मिथिला नगरपालिका–९ लालगढ नजिक पूर्वपश्चिम राजमार्गमा आइतबार यात्रुवाहक बस दुर्घटना हुँदा चालकसहित १७ जना घाइते भएका छन्।
काठमाडौँबाट विराटनगरतर्फ जाँदै गरेको बस ओभरटेक गर्ने क्रममा अनियन्त्रित भई सडकमा पल्टिएको प्रहरीले जनाएको छ। घाइतेहरूको लालगढस्थित मोडल अस्पतालमा उपचार भइरहेको छ।
दुर्घटनामा संलग्न दुवै बसलाई प्रहरीले नियन्त्रणमा लिएर थप अनुसन्धान अघि बढाएको छ।
📻 रेडियो रुद्राक्ष — समुदायको आवाज

10/05/2026

आज विश्व लुपस दिवस–२०२६ विभिन्न जनचेतनामूलक कार्यक्रम गरी मनाइँदै छ।
लुपस एक दीर्घकालीन अटोइम्युन रोग हो, जसले शरीरका विभिन्न अङ्गमा असर पुर्‍याउन सक्छ। समयमै पहिचान, नियमित उपचार र परिवार तथा समाजको साथले बिरामीको जीवन सहज बनाउन मद्दत गर्दछ।
यस अवसरमा स्वास्थ्यकर्मी तथा सम्बन्धित निकायहरूले लुपसबारे सचेतना फैलाउन र उपचार सेवामा पहुँच बढाउन सबैलाई सहयोग गर्न आग्रह गरेका छन्।
📻 रेडियो रुद्राक्ष — समुदायको आवाज।

04/05/2026

अहिले भरखरै जलेश्वर नगरपालिका–२, पासमान टोलस्थित श्रीकिशुन पासमानको घरमा आगलागी भएको छ।
हालसम्म प्राप्त जानकारीअनुसार घटनामा कुनै मानविय क्षति भएको छैन। तर गाईबस्तु बाँध्ने घर भने जलेर क्षति पुगेको छ।
स्थानीयवासी र जलेश्वर नगरपालिकाको सहयोगमा आगो नियन्त्रण भएको छ।
📻 रेडियो रुद्राक्ष समुदायको आवाज।

01/05/2026

बुद्ध जयन्तीको शुभकामना ...

01/05/2026

अन्तर्राष्ट्रिय श्रमिक दिवसको शुभकामना ....