Radio Rudraksha

15/10/2026

15/10/2026

सर्लाहीमा कर्तव्य ज्यान मुद्दाका फरार प्रतिवादी हतियारसहित पक्राउ.....
सर्लाहीको बागमती नगरपालिका–१ बाट कर्तव्य ज्यान मुद्दामा फरार रहेका एक व्यक्तिलाई प्रहरीले आधुनिक हतियार र गोलीसहित पक्राउ गरेको छ।
​पक्राउ पर्नेमा स्थानीय ४८ वर्षीय मेघराज भन्ने बाबु थापा रहेका छन्। आफ्नै घरमा सुतिरहेको अवस्थामा उनलाई प्रहरीले नियन्त्रणमा लिएको हो।
उनीबाट MADE IN U.S.A.’ लेखिएको पेस्तोल – १ थान,नाम/मोडेल नखुलेको अर्को पेस्तोल – १ थान
​म्यागजिन – ३ थान,गोली – १५ राउन्ड बरामद भएको छ।
​पक्राउ परेका थापालाई बरामद हातहतियारसहित जिल्ला प्रहरी कार्यालय सर्लाहीमा राखी थप अनुसन्धान अघि बढाइएको प्रहरीले जनाएको छ।
​📻 रेडियो रुद्राक्ष ९८.८ मेगाहर्ज,समुदायको आवाज।

15/10/2026

जाजरकोटमा जिप दुर्घटना : दुई जनाको मृत्यु, तीन घाइते...
​जाजरकोटको जुनिचाँदे गाउँपालिका–२ गैरीगुवामा आज बिहान जिप दुर्घटना हुँदा दुई जनाको घटनास्थलमै मृत्यु भएको छ भने तीन जना घाइते भएका छन्।
​सुर्खेतबाट जुनिचाँदेतर्फ जाँदै गरेको कर्णाली प्रदेश ०२००१ च १२४३ नम्बरको जिप आज बिहान करिब २:०० बजे अनियन्त्रित भई सडकबाट करिब ३०० मिटर तल खस्दा उक्त दुर्घटना भएको हो।
​घटनामा ​चालक सन्तबहादुर बस्नेत (२० वर्ष) – जुनिचाँदे गाउँपालिका–९, कल्ली स्याला
​बिपना भण्डारी (३० वर्ष) – जुनिचाँदे गाउँपालिका–३, स्यालाको मृत्यु भएको छ।
त्यस्तै ​दिलबहादुर भण्डारी (३० वर्ष)
​सुशील भण्डारी (४ वर्ष, दिलबहादुरका छोरा)
​सितला टमटा (५० वर्ष) घाईते भएका छन।
उनीहरूको अवस्था मध्यम रहेको र प्राथमिक उपचारपछि थप उपचारका लागि प्रादेशिक अस्पताल सुर्खेत पठाइएको छ।
​📻 रेडियो रुद्राक्ष ९८.८ मेगाहर्ज,समुदायको आवाज।

15/10/2026

सुस्ताबाट करिब १५ लाख भन्दा बढीको अवैध मदिरा बरामद...
नवलपरासी पश्चिमको सुस्ता गाउँपालिका–५, महलबारीस्थित भित्री सडकखण्डबाट भन्सार छलेर अवैध रूपमा भित्र्याइएको करिब १४ लाख ८४ हजार रुपैयाँ बराबरको मदिरा प्रहरीले बरामद गरेको छ।
​भारतबाट अवैध रूपमा मदिरा ल्याइँदै गरेको गोप्य सूचनाका आधारमा आज बिहान करिब ३:४५ बजे लुम्बिनी प्रदेश प्रहरी कार्यालय (तुलसीपुर, दाङ), प्रहरी चौकी रामनगर र इलाका प्रहरी कार्यालय बेलाटारीबाट खटिएको संयुक्त टोलीले उक्त परिमाणको मदिरा बेवारिसे अवस्थामा फेला पारेको हो।
​११ वटा ठूला हरिया झोलामा राखिएका ७५० एमएलका कुल ७४२ बोतल ‘OLD Monk’ रम
​अनुमानित बजार मूल्य: प्रति बोतल रु. २,००० का दरले कुल रु. १४ लाख ८४ हजारको रहेको जनाईएको छ।
बरामद मदिरा आवश्यक कानुनी प्रक्रिया तथा थप कारबाहीका लागि इलाका प्रहरी कार्यालय बेलाटारीमा राखिएको छ।
​📻 रेडियो रुद्राक्ष ९८.८ मेगाहर्ज,समुदायको आवाज।

15/10/2026

सर्लाहीको हरिवनबाट खैरो हेरोइनसहित दुई जना पक्राउ.....
​सर्लाहीको हरिवन नगरपालिका–४ बाट लागुऔषध खैरो हेरोइनसहित दुई जनालाई प्रहरीले नियन्त्रणमा लिएको छ।
​लागु औषध नियन्त्रण ब्यूरो शाखा कार्यालय बर्दिबास, महोत्तरीबाट खटिएको प्रहरी टोलीले मिति २०८३ असोज २८ गते उनीहरूलाई पक्राउ गरेको हो। पक्राउ पर्नेहरूमा सर्लाही हरिवन न.पा. वडा नं. ४ का ३२ वर्षीय सागर पाख्रिन र सोही ठेगाना भएका २५ वर्षीय राज भुजेल रहेका छन्।
​प्रहरीले उनीहरूको साथबाट ​लागु औषध खैरो हेरोइन २३.३१० ग्राम,डिजिटल तराजु १ थान, ​मोबाइल २ थान बरामद गरेको छ।
​पक्राउ परेका दुवै जनालाई आवश्यक अनुसन्धान तथा कानुनी कारबाहीका लागि इलाका प्रहरी कार्यालय हरिवन, सर्लाहीमा बुझाइएको लागु औषध नियन्त्रण ब्यूरोले जनाएको छ।
​📻 रेडियो रुद्राक्ष ९८.८ मेगाहर्ज,समुदायको आवाज।

15/10/2026

आजको मौसम अपडेट......
२०८३/०६/२९ गते।

14/10/2026

विराटनगरबाट ३४.५६ ग्राम खैरो हेरोइनसहित दुई जना पक्राउ..
लागु औषध नियन्त्रण ब्यूरो शाखा कार्यालय विराटनगरबाट खटिएको प्रहरी टोलीले मोरङको विराटनगरबाट ठूलो परिमाणको लागु औषध खैरो हेरोइनसहित दुई जनालाई पक्राउ गरेको छ।
​प्रहरीले मिति २०८३ असोज २८ गते विराटनगर महानगरपालिका वडा नं. ७ स्थित स्थानबाट उनीहरूलाई नियन्त्रणमा लिएको हो।
​पक्राउ पर्नेहरूमा विराटनगर महानगरपालिका वडा नं. १७ ठेगाना भएका १९ वर्षीय बासु मण्डल तथा सोही ठेगाना भएका १८ वर्षीय एक नाबालक रहेका छन्। उनीहरूको साथबाट ३४ दशमलव ५६० (३४.५६०) ग्राम लागु औषध खैरो हेरोइन र ३ थान मोबाइल फोन बरामद गरिएको ब्यूरोले जनाएको छ।
​पक्राउ परेका दुवै जनालाई थप अनुसन्धान तथा आवश्यक कारवाहीका लागि जिल्ला प्रहरी कार्यालय मोरङमा बुझाइएको छ।
​📻 रेडियो रुद्राक्ष ९८.८ मेगाहर्ज,समुदायको आवाज।

14/10/2026

सुर्खेतको चौकुनेस्थित जंगलको ओडारबाट ५ नाल अवैध भरुवा बन्दुक बरामद....
​सुर्खेत जिल्लाको चौकुने गाउँपालिका–१, केलाबोटस्थित जंगलको ओडारमा लुकाइछिपाइ राखिएको अवस्थामा ५ नाल अवैध भरुवा बन्दुक प्रहरीले बरामद गरेको छ।
​विशेष सूचनाका आधारमा अस्थायी प्रहरी पोष्ट लगाम, सुर्खेतबाट प्रहरी सहायक निरीक्षक ज्योतिष सिंहको कमान्डमा खटिएको टोलीले खोजतलास गर्दा ओडारभित्र बेवारिसे अवस्थामा राखिएका ५ नाल साबुत भरुवा बन्दुक फेला पारी नियन्त्रणमा लिएको हो। उक्त स्थान प्रहरी पोष्ट लगामबाट करिब १५ किलोमिटर पश्चिममा पर्दछ।
​घटनाबारे थप अनुसन्धान तथा आवश्यक कानुनी कारबाही अघि बढाउन इलाका प्रहरी कार्यालय बाबियाचौर, सुर्खेतबाट प्रहरी निरीक्षक भूपेन्द्र शाहीको कमान्डमा थप प्रहरी टोली घटनास्थलतर्फ खटिएको छ।
​📻 रेडियो रुद्राक्ष ९८.८ मेगाहर्ज,समुदायको आवाज।

14/10/2026

काठमाडौँको माछापोखरीबाट लागुऔषध आइससहित ५ जना पक्राउ.....
काठमाडौँको माछापोखरीस्थित एक गेस्टहाउसबाट प्रहरीले १५ ग्राम लागुऔषध आइस (मेथाम्फेटामाइन) जस्तो देखिने पदार्थसहित ५ जनालाई नियन्त्रणमा लिएको छ।
​जिल्ला प्रहरी परिसर काठमाडौँका अनुसार मिति २०८३ असोज २७ गते साँझ करिब १७:३० बजे काठमाडौँ महानगरपालिका–१६, माछापोखरीस्थित एक गेस्टहाउसमा लागुऔषधको कारोबार भइरहेको भन्ने विशेष सूचना प्राप्त अनुसार सोही सूचनाका आधारमा परिसरबाट खटिएको प्रहरी टोलीले चेकजाँच गर्दा उनीहरूको साथबाट १५ ग्राम लागुऔषध आइस र ३ थान मोबाइल बरामद गरेको हो।
​पक्राउ पर्नेमा
१. रसुवाको नौकुण्डा गाउँपालिका–२ का ३२ वर्षीय सुमन थोक्रा
२. सोही गाउँपालिका वडा नं. १ का २८ वर्षीय गणेश थोक्रा तामाङ
३. काठमाडौँको टोखा नगरपालिका–१ का २९ वर्षीय सुनिल तामाङ
४. धादिङको खनियाबास गाउँपालिका–५ घर भई हाल काठमाडौँको तारकेश्वर बस्ने २२ वर्षीया योना तामाङ
५. धादिङको खनियाबास गाउँपालिका–५ घर भई हाल तारकेश्वर बस्ने १८ वर्षीय सुजन तामाङ
​पक्राउ परेका पाँचै जनामाथि लागुऔषधसम्बन्धी कसुरमा जिल्ला अदालत काठमाडौँबाट ५ (पाँच) दिनको म्याद थप अनुमति लिई प्रहरी वृत्त बालाजुबाट थप अनुसन्धान भइरहेको छ।
​📻 रेडियो रुद्राक्ष ९८.८ मेगाहर्ज,समुदायको आवाज।

14/10/2026

८१ लाख ५० हजार बिगो भएको ठगी मुद्दाका फरार प्रतिवादी काठमाडौँबाट पक्राउ....
​काठमाडौँको नयाँबजारबाट ठगी तथा आपराधिक विश्वासघात मुद्दामा संलग्न ८१ लाख ५० हजार रुपैयाँ बिगो तोकिएका एक फरार प्रतिवादी पक्राउ परेका छन्।
​पक्राउ पर्नेमा धनुषाको जनकनन्दनी गाउँपालिका–२, बलाह घर भई हाल काठमाडौँ महानगरपालिका–१६, नयाँबजार बस्दै आएका ४० वर्षीय सहबुदिन शेख (सहावउदिन शेष) रहेका छन्।
​ठगी तथा आपराधिक विश्वासघातसम्बन्धी कसुर मुद्दामा उनीविरुद्ध रौतहट जिल्ला अदालत, गौरबाट २०८२ चैत २५ गते पक्राउ पुर्जी जारी गर्ने अनुमति प्राप्त अनुसार ​सोही आधारमा खोजी गर्ने क्रममा मिति २०८३ असोज २७ गते दिउँसो करिब ३:३० बजे उनलाई काठमाडौँको नयाँबजारबाट प्रहरीले नियन्त्रणमा लिएको हो।
​पक्राउ परेका शेखलाई थप अनुसन्धान तथा आवश्यक कानुनी कारबाहीका लागि जिल्ला प्रहरी कार्यालय, गौर, रौतहट पठाउने प्रक्रिया अघि बढाइएको प्रहरीले जनाएको छ।
​📻 रेडियो रुद्राक्ष ९८.८ मेगाहर्ज,समुदायको आवाज।