http://www.mithilanchaltoday.com.np/

Mithilanchal Today, Janakpur (2026)

27/08/2026

🚨 हराइरहेको व्यक्ति सम्बन्धी सूचना — सहयोग गरिदिनुहोस् 🙏

जलेश्वर नगरपालिका–९ निवासी राकेश कुमार यादव रसुवा घुम्न जाने क्रममा करिब २२ घण्टादेखि परिवारको सम्पर्कमा आउनुभएको छैन।

उहाँले NS200 मोटरसाइकल प्रयोग गर्नुभएको थियो। मोटरसाइकलको रङ सेतो रहेको छ।

यदि कसैले उहाँलाई वा उहाँको मोटरसाइकललाई रसुवा वा अन्य कुनै क्षेत्रमा देख्नुभएको छ भने, कृपया तुरुन्तै परिवारलाई जानकारी गराइदिनुहोस्।

📞 सम्पर्क:
रघुवीर यादव: 9815869700
राजेश कुमार यादव: 9811156068
बिकेश कुमार यादव: 9814872376

🙏 यो पोस्ट धेरैभन्दा धेरै शेयर गरिदिनुहोस्। तपाईंको एउटा शेयरले उहाँलाई परिवारसम्म सुरक्षित फर्काउन ठूलो सहयोग पुग्न सक्छ।

25/08/2026

सिरहाको गोलबजार नगरपालिका -३, गागन खोलामा महिलाको शव फेला

24/08/2026

जनकपुरमा ठुल-ठुला होटल, अस्पताल, पार्किँग सबै भत्किन्छ ।पोखरी अतिक्रमण गरी बनाईएका जोसुकै संरचना भत्किन्छ, गरिबको मात्र होईन्ः मनिष झा

24/08/2026

गरिमा चौधरी प्रकरणमा नाबालिगको गोपनीय बयान रेकर्ड गरी बाहिर ल्याएको आरोपमा प्रहरी अधिकारी पक्राउ। संवेदनशील मुद्दामा पीडित तथा नाबालिगको पहिचान र गोपनीयता संरक्षण गर्नुपर्ने विषयमा समेत प्रश्न उठेको छ।

24/08/2026

जेनजी आन्दोलनका शहीद परिवार तथा घा'इतेका माग सम्बोधन गर्न सरकारले "समर्पित संयन्त्र" (डेडिकेटेड टिम) मार्फत काम अघि बढाउने भएको छ।

गृहमन्त्री सुधन गुरुङको नेतृत्वमा भएको छलफलले जेन-जी सम्बन्धी माग कार्यान्वयनका लागि सहसचिवको अध्यक्षतामा रहेको सहजीकरण समितिलाई समर्पित संयन्त्रका रूपमा जिम्मेवारी दिने निर्णय गरेको हो।

बैठकमा जेन-जी परिषद् र शहीद दिवस घोषणा, दौलत थापालाई ‘जिउँदो शहीद’ घोषणा, शालिक तथा जेन-जी पार्क निर्माण लगायतका विषयमा सकारात्मक छलफल भएको जनाइएको छ। साथै, शहीद परिवार तथा घा'इतेलाई सिंहदरबार प्रवेशमा सहजीकरण गर्ने निर्णय भएको छ।

23/08/2026

कपिलेश्वरमा बत्ती नआएपछि स्थानीयद्वारा चक्काजाम

जनकपुरधाम । जनकपुरधाम उपमहानगरपालिका–१६ कपिलेश्वर क्षेत्रमा हिजो बेलुका ६ बजेदेखि विद्युत् सेवा अवरुद्ध भएपछि स्थानीय बासिन्दाहरू आक्रोशित भएका छन्।

लामो समयसम्म बत्ती नआएपछि समस्या समाधानको माग गर्दै स्थानीय बासिन्दाहरूले सडकमा उत्रिएर चक्काजाम गरेका छन्। विद्युत् सेवा नियमित गर्न सम्बन्धित निकायले तत्काल पहल गर्नुपर्ने स्थानीयको माग छ।

बत्ती नहुँदा कपिलेश्वर क्षेत्रका स्थानीय बासिन्दाको दैनिक जनजीवन प्रभावित भएको बताइएको छ। विद्युत् सेवा अवरुद्ध हुनुको कारणबारे सम्बन्धित निकायबाट स्पष्ट जानकारी आउन बाँकी छ।

स्थानीयले विद्युत् समस्या तत्काल समाधान नभए थप आन्दोलन गर्ने चेतावनी दिएका छन्।

Video source : Hare krishna shah

21/08/2026

मन्दिरमा चोरी गर्दागर्दै मोतिफर रहमान मियाँ पक्राउ

जनकपुरधामको गंगासागर दक्षिणी डिलस्थित प्रसिद्ध धार्मिक स्थल बाबा भूतनाथ मन्दिर (स्वर्गद्वारी) मा मध्यराति चोरी भएको छ। चोरीमा संलग्न एक जनालाई प्रहरीले रङ्गेहात पक्राउ गरेको छ भने अर्का एक जना फरार भएका छन्।

जिल्ला प्रहरी कार्यालय धनुषाका अनुसार पक्राउ पर्नेमा मोतिफर रहमान मियाँ रहेका छन्। राति करिब १ः३० बजे दुई जना चोर मन्दिरभित्र प्रवेश गरी भूतनाथको चाँदीको जलढरी, नाग, चार देवताको चाँदीका मुकुटलगायत बहुमूल्य धातुका गरगहना चोरी गरिरहेका थिए।

मुकुट उखेलेपछि आवाज आएपछि मन्दिरको पूर्वतर्फको घरको छतमा सुतिरहेका युवाहरू ब्युँझिएका थिए। सुरुमा श्मशानघाट नजिक भएकाले भूत हुन सक्ने डराए पनि छतबाट हेर्दा मानिस र गहना देखेपछि उनीहरूले तत्काल प्रहरीलाई खबर गरेका थिए।

मन्दिरबाट करिब १५० मिटरको दूरीमा रहेको प्रहरीले सूचना पाएलगत्तै करिब दुई मिनेटमै घटनास्थल पुगेर चोरी गरी बाहिरिँदै गरेका एक जनालाई पक्राउ गरेको हो। अर्का व्यक्ति भने भाग्न सफल भएका छन्।

मन्दिरका कर्ताधर्ता तथा समाजसेवी पवन सिँघानियाँका अनुसार आफूलाई राति करिब २ बजे घटनाबारे जानकारी भएको थियो। घटनाबारे थप अनुसन्धान भइरहेको जिल्ला प्रहरी कार्यालय धनुषाले जनाएको छ।
तस्बिर:Ai

21/08/2026

पोखरा आइपुगे प्रधानमन्त्री ।
पोखरामा प्रधानमन्त्री बालेन । शुक्रबार दिउँसो विजयपुरमा देखिएको बालेन सवार निजी गाडी र अगुवापछुवा गाडी । निजी भ्रमणका लागि मुस्ताङ निस्किएका उनी आज पोखरानजिकैको अस्ताम गाउँमा इको रिसोर्टमा बास बस्ने छन् ।
तस्बिरहरू : अर्जुन गाहा/ नेपाल फोटो लाइब्रेरी

20/08/2026

🚨 पिपरामा आन्दोलनका कारण यातायात प्रभावित

पिपरा क्षेत्रमा जारी आन्दोलनका कारण बस तथा ई–रिक्सा सञ्चालनमा समेत प्रभाव परेको छ। आन्दोलनका कारण यात्रु तथा सर्वसाधारणलाई आवतजावतमा समस्या भएको छ। स्थिति सामान्य बनाउन सम्बन्धित निकायले आवश्यक पहल गर्नुपर्ने स्थानीयवासीको माग छ।

17/08/2026

महाराजगंज नगरपालिका दुई कार्यकाल बित्दा पनि बनेन नगर प्रमुख हिँड्ने बाट

स्थानीय सरकारको नेतृत्वमा दुई कार्यकाल बितिसक्दा पनि महाराजगन्ज नगरपालिकाको अवस्था भने फेरिन सकेको छैन। नगर प्रमुख अब्दुल कलाम दैनिक आवतजावत गर्ने नगरपालिकाको बाटोमै वर्षायाममा हिलाम्मे खाल्डा र पानीको ताल देखिन्छ। सडकको दुर्दशा यतिसम्म छ कि नगरपालिकाको कार्यालय पुग्ने सेवाग्राहीले विकासको अनुभूति गर्नुअघि सडकको सास्ती खेप्नुपर्छ।
खरेन्द्रपुर महाराजगन्ज सडक खण्ड अन्तर्रगत नगरपालिका कार्यालय जाने सडकका अधिकांश खण्डमा खाल्डाखुल्टी छन्। वर्षाको पानी खाल्डामा जम्दा सडक हो कि पोखरी छुट्याउन मुस्किल हुन्छ। कतिपय स्थानमा सडकको सतह भासिएको छ भने कतै ग्राभेल उक्किएर हिँड्नै कठिन छ।
शिवराज नगरपालिकाको सिमा क्षेत्र सकिन साथ सुरु हुने खाल्ट खुल्टी महाराजगन्ज सम्मनै पानी जमि दुईपांग्रे सवारीसाधनका चालकले पानीमुनिको खाल्डो नदेख्दा दुर्घटनाको जोखिमसमेत बढेको स्थानीय बताउँछन्।
समस्या सडकमा मात्र सीमित छैन। सडकछेउ र सार्वजनिक स्थानमा फोहोरका थुप्रा देखिन्छन्। फोहोर व्यवस्थापनको कमजोर अवस्थाले नगरको सौन्दर्य बिगार्नुका साथै दुर्गन्ध र प्रदूषणको समस्या बढाएको छ। नगरपालिकाको मुख्य कार्यालय आसपासकै क्षेत्रमा देखिने फोहोरको अवस्थाले नगरको सरसफाइ व्यवस्थापनमाथि नै प्रश्न उठाएको छ।
नगरवासीको प्रश्न छ—दुई कार्यकाल नेतृत्व गरिसकेपछि पनि नगर प्रमुख आफैं दैनिक हिँड्ने बाटो बनाउन नसक्ने हो भने नगरका टाढाका बस्तीका सडक कहिले बन्ने ?
नगरपालिकाको नेतृत्वले वर्षेनी विकासका योजना र बजेट प्रस्तुत गर्दै आएको भए पनि नागरिकले प्रत्यक्ष अनुभूति गर्ने आधारभूत पूर्वाधारमा भने अपेक्षित सुधार नदेखिएको स्थानीयको गुनासो छ। सडक निर्माण, मर्मत र फोहोर व्यवस्थापनजस्ता आधारभूत विषयमै नगर नेतृत्व कमजोर देखिएको उनीहरूको आरोप छ।
“नगर प्रमुख र कर्मचारी दैनिक यही बाटो भएर कार्यालय पुग्नुहुन्छ। उहाँहरूले नै देख्ने सडकको अवस्था यस्तो छ भने सर्वसाधारणले कस्तो सास्ती भोगिरहेका होलान्?” राम दुलारे यादबले प्रश्न गरे।
वर्षायाम सुरु भएपछि सडकको समस्या झन् चर्किएको छ। पानी निकासको उचित व्यवस्था नहुँदा सडकमा पानी जम्ने र सडक थप बिग्रिने क्रम जारी छ। नियमित मर्मतसम्भार नहुँदा सामान्य वर्षाले पनि सडकलाई थप जीर्ण बनाएको उनी बताउँछन्

Mithilanchal Today

27/08/2026

25/08/2026

24/08/2026

24/08/2026

24/08/2026

23/08/2026

21/08/2026

21/08/2026

20/08/2026

17/08/2026

Address

Telephone

Website

Alerts

Contact The Business

Shortcuts

Share

Category

Listing takedown request