01/09/2026
मिटरब्याज पीडितको सडक संघर्ष : सांसद तपेश्वर यादवको पुतला दहन
# मिटरब्याज विरुद्ध किसान–मजदुर आन्दोलन, नेपाल जिल्ला समिति सिराहाले सांसद तपेश्वर यादवको पुतला दहन गर्दै विरोध प्रदर्शन गरेको छ।
मिटरब्याज पीडित किसान–मजदुर तथा जनताको हितविपरीत अभिव्यक्ति दिएको आरोप लगाउँदै आन्दोलनकारीहरूले सांसद यादवको पुतला दहन गरेका हुन्।
विरोध कार्यक्रममा मिटरब्याज विरुद्ध किसान–मजदुर आन्दोलनका केन्द्रीय महासचिव मनोज पासवानको प्रमुख उपस्थिति रहेको थियो। प्रदर्शनकारीहरूले ‘मिटरब्याजी साहुका संरक्षक तपेश्वर यादव मुर्दावाद’ लगायतका नाराबाजी गर्दै प्रहरीको उपस्थितिमै सांसद यादवको पुतला दहन गरेका थिए।
आन्दोलनकारीहरूले मिटरब्याज पीडितको पक्षमा न्याय सुनिश्चित गर्न तथा मिटरब्याजी गतिविधिविरुद्ध प्रभावकारी कारबाही गर्न सरकारसँग मागसमेत गरेका छन्।
