22/08/2024
काठमाडौं, नेपाल — नेपाल सरकारले सर्तसहित टिकटकलाई पुनः सञ्चालन गर्न अनुमति दिने निर्णय गरेको छ। यस निर्णयले नेपालभर टिकटक प्रयोगकर्ताहरूलाई खुसी ल्याएको छ। लगभग दश महिना अगाडि प्रचण्ड नेतृत्वको सरकारले टिकटकमाथि प्रतिबन्ध लगाएको थियो। प्रचण्ड सरकारले टिकटकमाथि प्रतिबन्ध लगाएको प्रमुख कारणहरूमा राष्ट्रिय सुरक्षासम्बन्धी चिन्ताहरू, सामाजिक विकृतिहरूको सम्भावना, र बालबालिका र किशोर किशोरीमाथि पर्ने नकारात्मक प्रभावहरू रहेका थिए।तर, यो खुल्ला निर्णयसँगै सरकारले नयाँ नियम र सर्तहरू पनि लागू गरेको छ। सरकारले सबै सामाजिक सञ्जालहरूलाई नेपालका कानूनी प्रक्रियामा आउन निर्देशन दिएको छ। यस अन्तर्गत, सामाजिक सञ्जालहरूलाई नेपाली कानुन अनुसार रजिष्ट्रेशन गर्नु पर्नेछ र सरकारको आवश्यकताहरू पूरा गर्नुपर्नेछ। केही टिकटक प्रयोगकर्ताहरूले आफ्नो अकाउन्ट पुनः सञ्चालनमा आएको रिपोर्ट गरेका छन्, तर केहीले भने अझै पर्खनुपर्ने हुनसक्छ। यो निर्णयले देशभरका टिकटकप्रेमीहरूलाई सहजताका साथै नयाँ चुनौतीहरू पनि दिएको छ। यस निर्णयले नेपालमा सामाजिक सञ्जालहरूको प्रयोगलाई सुरक्षित र नियन्त्रित बनाउन सरकारको प्रतिबद्धतालाई बल पुर्याएको छ भने जनतालाई पनि स्वतन्त्र अभिव्यक्ति गर्न थप अवसर मिल्ने विश्वास गरिएको छ।
काठमाडौं, नेपाल — नेपाल सरकारले सर्तसहित टिकटकलाई पुनः सञ्चालन गर्न अनुमति दिने निर्णय गरेको छ। यस निर्णयले नेपा...
