31/08/2026
चैतुवारी बजारदेखि राजगढ जाने सडकखण्डअन्तर्गत तलको टर्निङमा भर्खरै टेम्पो दुर्घटना भएको छ।
प्रत्यक्षदर्शीका अनुसार तीव्र गतिमा रहेको टेम्पो अनियन्त्रित भई दुर्घटना भएको हो। दुर्घटनामा टेम्पोमा सवार करिब ३ देखि ४ जना यात्रु घाइते भएका छन्।
घाइतेहरूको अवस्था तथा उपचार सम्बन्धी विस्तृत विवरण आउन बाँकी रहेको छ।
स्थानीयवासीहरूले उक्त सडकखण्डमा टेम्पो चालकहरूको लापरवाही र अत्यधिक गतिका कारण पटक–पटक दुर्घटना हुने गरेको बताएका छन्। सडकको घुम्ती तथा जोखिमयुक्त स्थानमा समेत तीव्र गतिमा सवारी चलाउने प्रवृत्तिका कारण दुर्घटनाको जोखिम बढ्दै गएको स्थानीयको गुनासो छ।
सम्बन्धित निकायले सडक सुरक्षा तथा सवारीको गति नियन्त्रणमा ध्यान दिनुपर्ने स्थानीयको माग रहेको छ।
Video: Bhakti Niraula
